Ramon Sevilla
Thu, 08 Feb 2007 22:52:01 -0800
Modeste affero ea quae inventa sunt a me:
Verum est hoc quod illustris Virgilii interpres dicit:
Quod tamen, ne forte erret lector minus peritus, numquam licentia (quam
dicunt) poetica fit: in omnibus enim istis versibus Troia adiectivum est
ab eo quod est Troius derivatum, vel feminini generis et numeri
singularis, ut puta cum dicit poeta Troia mater, Troia pubes, vel
neutrius generis et numeri pluralis, ut puta cum Troia arma, Troia
castra; verum enimvero, ubicumque Troia nomen urbis est, per duas
syllabas effertur.
Leofranc Holford-Strevens
Sed apud Senecam diverse res se habet:
Ita inveniri potest in Forcelliniano Lexico:
Aliquando Troia est trisyllaba. Senec. Troad. 824. Misit infestos Troiae ruinis Non semel arcus. Adde 853.
Item in Oxford Latin Dictionary: Troia ae, f. Pros.: usu. dysill.; Troi- Sen. Tro. 824, 853. ---Ubi o scriptum est cum brevis vocalis signo, quamobrem Tro - i - a trisyllaba est.
Ramón Sevilla, sI