ललिता बाबरचे ब्राँझ झाले रुपेरी
http://maharashtratimes.indiatimes.com/sports/other-sports/2014-Incheon-Asian-Games/articleshow/43669041.cms इन्चॉन : भारतासाठी एकीकडे आशियाई क्रीडा स्पर्धेचा आठवा दिवस यशदायी ठरलेला असताना अॅथलेटिक्समध्येही भारताने यशस्वी सुरुवात केली. ललिता बाबर आणि सुधा सिंग यांनी ३००० मीटर स्टीपलचेस प्रकारात रौप्य व ब्राँझ जिंकले. बहारीनची धावपटू या शर्यतीत अपात्र ठरल्यामुळे ब्राँझ जिंकलेल्या ललिताला रौप्य मिळाले तर चौथ्या क्रमांकावरील सुधाला ब्राँझ मिळाले. आपल्या शेवटून दुसऱ्या लॅपमध्ये मूळच्या केनियाच्या व आता बहारीनकडून खेळणाऱ्या रुथ जेबेटने ट्रॅक बदलल्यामुळे तिला अपात्र ठरविण्यात आले. भारताने यासंदर्भात आक्षेप नोंदविल्याचे कळते. जेबेट सुवर्णपदक स्वीकारण्यासाठी जात असतानाच ही घोषणा करण्यात आली आणि तिचे सुवर्ण हुकले. पुण्यात झालेल्या २०१३च्या आशियाई अजिंक्यपद स्पर्धेतही जेबेटचे सुवर्णपदक असेच काढून घेण्यात आले होते. त्यावेळी ती बहारीनकडून खेळण्यास पात्र ठरली नव्हती. ललिता बाबर आणि सुधा सिंग यांनी अनुक्रमे ९ मिनिटे ३५.३७ सेकंद आणि ९ मिनिटे ३५.६४ सेकंद अशी वेळ दिली. चीनच्या ली झेनझुने ९ मिनिटे ३५.२३ सेकंद अशी वेळ देत पहिले स्थान मिळविले. ललिताने फेडरेशन कप पतियाळा येथे केलेल्या ९ मिनिटे ५२.३४ सेकंदांची स्वतःची सर्वोत्तम कामगिरी मागे टाकली. सुधानेही वैयक्तिक ९ मिनिटे ४५.६० सेकंद या कामगिरीला मागे टाकले. महिला तिरदाजांना ब्राँझ महिलांच्या सांघिक कंपाउंड प्रकारात भारताने ब्राँझपदक पटकावण्यात यश मिळविले. पूर्वशा शेंडे, त्रिशा देव आणि ज्योती सुरेखा व्हेनम यांचा समावेश असलेल्या भारतीय संघाने ब्राँझपदकाच्या लढतीत इराणवर २२७-२२४ अशी तीन गुणांनी मात केली. त्रिशाने वैयक्तिक ब्राँझही पटकावले. महिलांच्या वैयक्तिक कंपाउंड प्रकारात झालेल्या ब्राँझपदकाच्या लढतीत त्रिशाने चायनीज तैपईच्या हुआंगवर १३८-१३४ अशी चार गुणांनी मात केली. वास्तविक पाहता त्रिशा लकी ठरली. तेरा बाण मारल्यानंतर हुआंगचे १२५ गुण झाले होते, तर त्रिशाचे १२० गुण होते. अर्थात, हुआंग बाजी मारणार, असेच चित्र होते. मात्र, चौदाव्या प्रयत्नात हुआंगचा बाण भरकटला आणि हुआंग पिछाडीवर पडली. त्यानंतर अखेरच्या दोन प्रयत्नात अठरा गुण मिळवत त्रिशाने ब्राँझपदक निश्चित केले. भारतीय टेबल टेनिस संघांचे विजय इन्चॉन आशियाई स्पर्धेमध्ये टेबल टेनिसच्या सांघिक गटात भारतीय पुरुष व महिला संघांनी शनिवारी विजय नोंदवले. भारतीय पुरुष संघाने ग्रुप बीमध्ये कुवेतवर ३-० अशी एकतर्फी मात केली. सौम्यजित घोषने कुवेतच्या अल्बाहरनी हुसेनवर अवघ्या १७ मिनिटांमध्ये ११-१, ११-५, ५-११, ११-६ असा विजय नोंदवला. त्यानंतर, अचंता शरथ कमालने अल्बाल्हन जाबरला १५ मिनिटांमध्ये ११-५, १२-१०, ११-५ असे पराभूत करून भारताची आघाडी २-० अशी वाढवली. अमलराज अपुर्थाराज अँथनीने अलानसारी बॅसेलचा ११-५, ११-८, ११-२ असा पराभव करून भारताच्या ३-० अशा विजयावर शिक्कामोर्तब केले. ग्रुप ए मध्ये भारतीय संघाला नेपाळविरुद्ध पुढे चाल मिळाली होती. दरम्यान, महिलांमध्ये भारतीय संघाने 'ग्रुप ए डिव्हिजन ४'मध्ये नेपाळला ३-० असे हरवले. भारताकडून मनिका बात्रा, मधुरिका पाटकर आणि अंकिता दास यांनी विजय नोंदवले. त्यानंतर, ग्रुप ए डिव्हिजन २ मध्येही भारताने मलेशियाचा ३-० असा पराभव केला. मेरी कोम उपांत्यपूर्व फेरीत भारताची ऑलिम्पिक ब्राँझपदक विजेती बॉक्सर एम. सी. मेरी कोम हिने इन्चॉन आशियाई क्रीडा स्पर्धेमध्ये महिलांच्या ५१ किलो गटातून उपांत्यपूर्व फेरीत प्रवेश केला आहे. त्याचप्रमाणे, ६० किलो गटात एल. सरीता देवी आणि ७५ किलो गटात पूजा राणी यांनीही उपांत्यपूर्व फेरी गाठली आहे.मेरीने चार वर्षांपूर्वी ग्वाँझू आशियाई स्पर्धेत ब्राँझपदकाची कमाई केली होती. शनिवारी तिने दक्षिण कोरियाच्या किम येजीचा ३-० असा पराभव केला. तीनही राउंडमध्ये मेरीने येजीपेक्षा सरस खेळ केला. भारताच्या सरीता देवीने दक्षिण कोरियाच्याच चुंगसन रीला ३-० पराभूत करून उपांत्यपूर्व फेरी गाठली. चेन सिंगला नेमबाजीत ब्राँझ नेमबाजांकडून अपेक्षित कामगिरी स्पर्धेच्या आठव्या दिवशीही झाली नाही. जितू रायच्या सुवर्णपदकानंतर नेमबाजांकडून हवीतशी कामगरि झाली नाही. शनिवारीही चेन सिंगने ५० मीटर रायफल थ्री पोझिशनमध्ये ब्राँझ जिंकले पण सांघिक प्रकारात भारताला थोडक्यात पदकापासून वंचित राहावे लागले. चेन सिंगने चीनच्या दोन खेळाडूंनंतर स्थान मिळवताना ४४१.७ गुणांची कमाई केली. पात्रता फेरीत सातव्या स्थानासह चेन सिंग अंतिम फेरीत पोहोचला पण गगन नारंग व संजीव राजपूत या भारताच्या अन्य दोन खेळाडूंना १२ व्या आणि १५व्या स्थानावर समाधान मानावे लागल्याने भारताची पदक मिळविण्याची संधी हुकली. विनेश, गीतिकाला कुस्तीचे ब्राँझ भारताच्या महिला कुस्तीगीर विनेश फोगट व गीतिका जाखड यांनी ४८ व ६३ किलो वजनी गटात फ्रीस्टाइल प्रकारामध्ये ब्राँझपदक जिंकले. विनेशला उपांत्य फेरीत जपानच्या तोसाकाकडून तर गीतिकाला चीनच्या झुओमाकडून हार पत्करावी लागली. हॉकीत भारत उपांत्य फेरीत; चीनवर मात भारतीय पुरुष हॉकी संघाने शनिवारी इन्चॉन आशियाई स्पर्धेमध्ये चीनवर २-० असा गोलफरकाने मात करून उपांत्य फेरीतील स्थान निश्चित केले. उपांत्य फेरीत भारताचा सामना यजमान दक्षिण कोरियाविरुद्ध होईल. जागतिक क्रमवारीत भारतीय संघ नवव्या, तर चीनचा संघ २७ व्या स्थानी आहे. उपांत्य फेरी गाठण्यासाठी भारताला चीनविरुद्धचा सामना किमान बरोबरीत सोडवणे आवश्यक होते. सामन्याच्या पहिल्या दोन सत्रांमध्ये चीनने भक्कम बचाव केल्यामुळे भारताला एकही गोल नोंदवता आला नाही. टेनिसमध्ये किमान पाच पदके निश्चित सानिया मिर्झा आणि प्रार्थना ठोंबरे यांनी एशियाडमधील टेनिस स्पर्धेच्या महिला दुहेरीतून उपांत्य फेरी गाठली. अर्थात, सानिया-प्रार्थना यांचे किमान ब्राँझपदक निश्चित झाले आहे. यासह टेनिसमध्ये भारताची किमान पाच पदके निश्चित झाली आहेत. महिला दुहेरीच्या उपांत्यपूर्व लढतीत पाचव्या मानांकित सानिया-प्रार्थना यांनी चौथ्या मानांकित पिआंगटार्न-निचा यांच्यावर ६-१, ७-६ (४) असा विजय नोंदविला आणि उपांत्य फेरी गाठली. सानिया-प्रार्थना यांच्यासमोर आता द्वितीय मानांकित चिन वेई चॅन-सू वेइ ह्सिसेह यांच्याशी गाठ पडणार आहे. महिला स्क्वॉशपटूंना रौप्यपदक तिरंदाजांपाठोपाठ भारतीय स्क्वॉशपटूंनीही इन्चॉन एशियाडमध्ये ऐतिहासिक कामगिरी केली. शनिवारी भारतीय पुरुष संघाने सुवर्णपदक, तर महिला संघाने रौप्यपदक पटकावले. सुवर्णपदक विजेत्या भारतीय पुरुष संघात सौरव घोषाल, हरिंदर पाल सिंग संधू, महेश माणगावकर, कुश कुमार यांचा समावेश आहे. पुरुषांच्या अंतिम लढतीत भारतीय संघाने मलेशियाचा २-० ने पराभव केला. पहिल्या लढतीत हरिंदरने मलेशियाच्या महंमद अझलान बिन इस्कंदर याच्यावर ११-८, ११-६, ८-११, ११-४ अशी तासाभरात मात केली आणि भारताचे खाते उघडले. त्यापाठोपाठ घोषालने मलेशियाच्या बेंग ही आँगवर ६-११, ११-७, ११-६, १२-१४, ११-९ असा ८८ मिनिटांत विजय नोंदविला आणि भारताचे सुवर्णपदक निश्चित केले. एशियाडमधील स्क्वॉशमध्ये भारताने मिळविलेले हे पहिलेच सुवर्णपदक ठरले. वैयक्तिक प्रकारात घोषालचे सुवर्णपदक हुकले होते. महिलांच्या अंतिम लढतीत मलेशियाने भारतीय संघावर २-० ने मात केली. त्यात डेलिया ऑडेटी अरनॉल्डने भारताच्या अनाका अलंकमणीवर ११-९, १२-१०, ११-२ अशी मात केली आणि मलेशियाचे खाते उघडले. त्यापाठोपाठ निकोल अॅन डेव्हिडने भारताच्या दीपिका पल्लिकलवर ११-७, ११-६, ११-३ अशी २९ मिनिटांत मात केली आणि मलेशियाच्या विजेतेपदावर शिक्कामोर्तब केले. रौप्यपदक विजेत्या भारतीय संघात दीपिका, अनाकासह जोश्ना चिनप्पा, बी. अपराजिता यांचा समावेश आहे. -- चेतन व. गुराडा. Chetan V. Gurada. Assistant Professor, University Department of Physics (Autonomous), University of Mumbai Lokmanya Tilak Bhavan, Vidyanagari, Santacruz (E), Mumbai - 400 098.(India) mobile - 9869197376 e-mail: [email protected] [email protected] -- ----------------------------------------------------------------------- Now its time for Tribal Integrity for Utilizing PESA & 5th Schedule for "Swayatt Adivasi Jilha". Lets save natural resources save tribals. Lets do it together! Subscribe AYUSH YouTube Channel (Viewed more than 1,40,000 minutes): http://www.youtube.com/user/adiyuva?sub_confirmation=1 Learn More about AYUSH online at : http://www.adiyuva.in/2013/10/ayush.html --- You received this message because you are subscribed to the Google Groups "AYUSH | adivasi yuva shakti" group. To unsubscribe from this group and stop receiving emails from it, send an email to [email protected]. To post to this group, send email to [email protected]. Visit this group at http://groups.google.com/group/adiyuva. To view this discussion on the web visit https://groups.google.com/d/msgid/adiyuva/CADEXw2RkonVuUqN9%2B0-Q9qbJLsc3KQ-SbwWxo4js_fUx%3DwPLLQ%40mail.gmail.com. For more options, visit https://groups.google.com/d/optout.
