RAROTETAN BANUA BUBUHANNYA <http://groups.yahoo.com/group/alumni_smak_bjm> X-SEMPAKA RABAH
Ui bubuhan pian sabarataan, ulun kada garing bangat pang, tapi sakadar ladar, gagaringan babanaran haja, lantaran awak kauyuhan atawa kabanyakan bagawi, kurang guring atawa kabanyakan bagadang, kurang istirahat atawa kabanyak bajalan, kurang kupi atawa kabanyakan baroko sampai bangkak rakungan dua babatukan, he he he ... Asal muasal paregalnya, kupi tumbuk asli, kupi Lampung atawa Medan, nang biasa sorang nginum pas lagi habis, tapi koler ka supermarket, lantaran sudah malam parak tutup, pasalnya kupi itu kadada dijual di warung | toko biasa atawa di minimarket nang parak rumah, lalu pahadangan sorang nginum kupi nang lain [nang kada tumbuk asli, tapi sudah olahan, nang ada campuran bahan kimia lain, kaya kupi ToraBika, Kapal Api, cap Teko, dll]. Nah kadar "caffein"nya kurang gasan malarutakan "nicotine", padahal pas malam itu sorang bagadang bakomputer baroko samalaman, apa tiya baisukannya bangkak rakungan, radang, ladar awak, tapi dipaksaakan jua tulak bagawi ka kantor. Nah pas stamina drop, kauyuhan, timbul lintuk sampai di rumah. Nah ... jadi pasalnya ... "kasaimbangan taganggu" ... Biasa damintu wal ai, lamun lagi gawian batuyuk handak hancap dituntungakan, nangkaya itu pang lalu hampas-pangkung kada ingat di diri kalu sorang sudah tuha, he he he ..., awak tuha tapi sumangat anum ... he he he ... Tapi barkat Sidin Nang Pahaharatnya dua do'a pian sabarataan, ulun wayahini sudah tasigar pang, dan sudah mulai mangantor pulang, bagemetan haja lah, nang panting tuntung, damintulah kakira. Kalu soal bakomputer, kabalujuran anak ulun nang lalakian dua ikung tu, kadaduanya lagi asyik banar wayahini bakomputer, minta sabuting sorang PC, siang hari malam dipakainya, tapi kada cinik pamenan game lagi pang, tapi lagi katuju balajar "programming", jadi ulun biarakan haja, sabab inya balajar sarius dan handak umpat partandingan kajuaraan nasional. Pasalnya komputer nang lawas video monitornya pas lagi rusak, baguyang gambarnya, lalu inya minta tukarakan nang hanyar, tapi sakaligus ganti PC hanyar haja jar sabukuan, uma ai harat banar kakanakan wahini, kada mau tahu harganya bajutajuta, padahal kuitan bapaluhleher bacari, jadi ulun sapalih bakalah haja dulu. Biasa kalu kakanakan masih ABG, isuk kadaduanya upat pulang seleksi calon pamain sinetron, kaina jar lamun jadi bintang sinetron, kawa manukar PC dua HP sorang, kada minta dua kuitan lagi. He he he ... biar haja inya bacari pangalaman. Kalu di kantor ulun lagi haur survey bulang-bulik ka kantor client, meeting dua bubuhannya, nang jadwalnya panuh banar sabulan ini, mulai pkl 08:00 baisukan sampai sore, sampai tgl 16 Agustus kaina, jadi kada sawat tapi taingkuti jua PC di kantor. Kalu pun taingkuti, kabalujuran lagi ada "software development" nang musti sagara dituntungakan, jadi Jadi kakira macam itulah. Sabujurnya banyak pang e-mail nang handak ulun posting ka x-sempaka, kaina lamun kada uyuh, tatangah malaman handak digawi. Hadangi haja tanggal mainnya. Ada gambar nang ... wai ... aduhai ... sampai nang chk ... chk ... chk ... atawa gambar nang bubuhan pian bisa kabangkirian lamun malihatnya ... atawa kesah nang ... wha ka kaakkk ... he he he ... Mana nih bubuhan nang lain, pina kada tapi mancungul jua, ATjin, AKAng, Sin Tjiok, ... pokoknya sabarataan lah. Dua napa nih koh Hin Lam pina hinip banar di banua, gagaringan juakah pinanya dangsanak tuha sidin lah, mudahan lakas baik haja. Nang jalas tangguhan ulun, sidin pasti balamak awak, lantaran kanyaman makan, jadi bisa kada tapi kawa lagi kalu bahandar kasana kamari. Itu pang nyamannya di banua, kawa balaaaruuuuuttt ... he he he ... Salam haja sabarataan, nang parak nang jauh, mudahan sihat haja samuaan. ----- Original Message ----- From: AA Roy <mailto:[EMAIL PROTECTED]> Soetiono To: [email protected] Sent: Thursday, August 02, 2007 12:13 AM Subject: RE: x-sempaka: Ai Sunyinyalah........ Wal; samuga sang Professorrrrr capat baikan. Sihat wal afiat pulang jar samunyaan.- ----- Original Message ----- From: jojong kalianda <mailto:[EMAIL PROTECTED]> To: [email protected] Sent: Wednesday, August 01, 2007 3:16 PM Subject: Re: x-sempaka: Ai Sunyinyalah........ Oh maaf professorlah, rupanya unda tasalahsangka, tadinya unda kira laga basamadhi, tapi tarnyata kabarnya lagi sakit lah. Nah kalu damintu kudoakan si prof lakas sembuh, sabab anak buah sudah rindu manungguin timbul baburiniknya. ----- Original Message ----- From: Dicky Hendra <mailto:[EMAIL PROTECTED]> To: [email protected] Sent: Wednesday, August 01, 2007 8:23 AM Subject: FW: x-sempaka: Ha....ha......ha.... Ta salah ikam Roy nang di kamih Gajah itu pian,saking suka batingkah sih. Ha .ha tuh Profesor lagi garing di Jakarta sampai kada bangun jar, sms nya kalu bangun pusing, tengokin gih, Mudahan professor cepat sembuh. ----- Original Message ----- From: Dicky Hendra <mailto:[EMAIL PROTECTED]> To: [email protected] Sent: Tuesday, July 31, 2007 3:17 PM Subject: RE: x-sempaka: Ai Sunyinyalah........ Proferror kita kada basamadi pang,tapi ujar SMS nang sorang terima, beliau lagi garing kepala barat jar handak guring dulu, jadi kada kawa main computer. Yah Professor sorang samuan badoa aja kawa dari jauh, biar pian lakas baik, rupanya pian sakit ini lawas sudahlah, bawa pang kadokter, umpat batakon, mudahan hanya tensi aja nang naik. Kebanyakan makan nasi kuning,sate kambing/ayam lalu ketuupat kandangan. Sekali lagi professor sorang badua, pian lakas baik jadi rami pulang. RABAH RAROTETAN BANUA BUBUHANNYA X-SEMPAKA MILIS ALUMNI SD-SMP-SMA KATOLIK BANJARMASIN
<<yahoo-groups.gif>>
