Tata
Eliseo Ticona Mamani.
Quli wawqi masi:
Arusata arusat aruskipasiñaxa arunsansa qillqansa walipuniwa. Yaqha arunsa
ajayusatsa, jakawisatsa, walikiskarakiwa. Wakisiwa.
Jiwasanakanxa aymara aruta qillqataxa juk'itakiwa, Jiwasata qillqataxa
kastillanu arunxa waljawa; inkles aruta qillqataxa, yamäsa, waljapuniwa.
Ukhamraki utji jiwasanakat qillqataxa aliman aruna, frances aruna, rusu
runa, japunis aruna. Hans berg tataj qillqt'awayiwa Aymaranakt qillqata,
niyawa phisqa waranka qillqatanakawa (5,000 títulos) 1990 markama.
Jichhakamaxa payachaspachawa.
Eliseo wawqi masi aruskipasipxañanakasakipunirakispawa, aruskipasisawa
kunsa sartayañani, aruskipasisawa ch'amanachasiñani. Amuskuñaxa janiwa
walikikiti. Jumaxa yatawa jichhakamasa jiwasanakaxa amutu uñjasna. Juma
pachapawa qillqt'anta:
"uñjasaw kunas arusiña, jan uñjasax amuskañawa"
Ukhamraki sapxawayi
"nayr qhipa uñtasawa aruskipasiña, ukhamakixa amuskañawa"
Taqi jaqisa ajayuni, jakawini, lurawinakana. Lurawinakasaxa kunti
utt'ataki: Chiripa, Wankarani, Tiwanaku, arusa, jaqi jakawi t'iji.
Jakawisaxa kunjamsa irnaksatan, kawkita kawkamasa irnakastan,
khitinakaptansa, kunakaksa lup'iwayasktan. Ajayusasti, ch'amasa,
amuyt'anakasa, amtawinakasa.
Amukiskannaxa janiwa walikikiti, lup'iwayanakasa, amtawinaksa,
amuyt'awinakasa, aruskipt'awayañani taqini; pantatanakax askichawayañani,
chiqi aruskipataxa ch'amanchawayañani. Ukhama aruskipasiñanakasanpiwa kusa
sartawayañani.
Janiwa axsarañakiti aruskipasiãtakixa.
Amutuskuñaxa tukuspan.
Yaqha urkama
quli wawqi masi.
Roman Crespo.
_____________________________________________
Lista de discusión Aymara
http://aymara.org/lista/lista.php
_____________________________________________
