15 miliar (ngan ukur) keur PERSIB wungkul ? Nyanggakeun seratan kang Dedy Windyagiri Salam, Kang Dien Ngumbar Miliar Ku : Dedy Windyagiri (Mangle No. 2100) BISI aya nu nanya atawa kudu nuduhkeun ti mana sumberna, ieu tulisan dumasar kana tulisan dina koran Galamedia" edisi poe Salasa tanggal 21 Nopember 2006. Ku lantaran yakin teu unggal nu maca "Mangle" maca eta tulisan, eta tulisan dina Koran "Galamedia" teh diculat sacerewelena bae teu dikurangan teu ditambahan. Eta tulisan teh (2 tulisan) aya patalina jeung Persib ngajeblag dina kaca hareup pangluhuma. Tulisan kahiji (beulah kenca) judulna "Bekamenga. Pemain Termahal Persib", diwuwuhan ku potret Christian Bekamenga, striker urang Kamerun (nagara leutik di Afrika kulon) anu dina Liga Indonesia XIII taun 2007 ku Persib dikonlrak Rp.1.100.000. 000; (samiliar saratus juta rupia). Tulisan hiji deui (beulah katuhu) judulna "Dada, Harus Juara diwuwuhan ku potret H, Dada Rosada, Wali Kota Bandung, Ketua Umum Persib. "Dada, Harus Juara" teh maksudna saur Pa Dada : Persib kudu jadi Juara Liga Indonesia XIII/2007." Eta dua tulisan teh nyindekel kana "nilai kontrak" (saterusna disebut kitu bae) pamaen Persib, sabaraha dikontrakna pamaen Persib boh pamaen lokal boh pamaen asing dina nyanghareupan Liga Indonesia XIII/2007. Urang cutat kasauran Ketua Harian Panggar (Panitia Anggaran) DPRD Kota Bandung, Lia Noer Hambali, di Gedong DPRD Jln. Aceh-Bandung poe Senen tanggal 20 Nopember 2006- Dicutat tina koran "Galamedia" edisi poe Salasa tanggal 21 Nopember 2006 teu disalin kana basa Sunda "Warga Bandung harus mengetahui nilai kontrak pemain Persib dan memiliki hak untuk meminta pertanggung- jawabannya. " Tuh pan, mun dina "Mangle" diberendelkeun ngaran pamaen Persib jeung sabaraha-sabaraha nilai kontrakna teh moal nanaon. Ke lanan, tadi disebutkeun Christian Bekamenga dikontrakna ku Persib teh Rp. 1.100,000.000, - (samiliar saratus juta rupia). Ari samiliar teh sabaraha? Samiliar teh sarebu juta, enolna salapan. Lamun dibayar ku duit lambaran saratus rebuan, Christian Bekamenga bakal nampa sabelas rebu lambar duit anu saratus rebuan. Upama anu samiliar saratus juta rupia teh mun gajih mah gajih satauneun, nitih sabaraha sabulan-sabulanna? Bagi bae ku duabelas. Leuwih ti Rp. 91.000.000, (salapan puluh hiji juta rupia). Aya dua pamaen asing anu nilai kontrakna masing-masing Rp. 1.000.000.000, - (samiliar rupia) nya eta Lorenzo Cabanas (Cile) jeung Patricio Jimenez (Paraguay), Redouane Barkaoui (Maroko) nilai kontrakna Rp. 850.000 000, (dalapan ratus lima puluh juta rupia). Pamaen asing anu nilai kontrakna pangmurahna Nyeck Nyobe. Georges Clement (Kamerun) anu nilai kontrakna "ngan" Rp. 600.000-000, - (genepratus juta rupia) Pamaen lokal nu minangka pangmahalna teh Bayu Sutha jeung Nova Arianto anu nilai kontrakna masing-masing Rp. 750,000.000, - (tujuh ratus lima puluh juta rupia). Bisi panasaran urang berendelkeun pamaen-pamaen Persib jeung nilai kontrakna sakumaha anu ditembrakkeun dina koran "Galamedia' edisi poe Salasa langgal 21 Nopember 2006. leu berendelanana. No, Ngaran , Nilai Kontrak 1. Christian Bekamenga Rp.1.100.000. 000,- 2. Lorenzo Cabanas Rp.1.000,000, 000; 3. Patricio Jimenez Rp.1.000.000. 000,- 4. Redouane Barkaoui Rp. 850.000.000, - 5. Bayu Sutha Rp. 750.000.000, - 6. Nova Arianto Rp. 750.000.000, - 7. Zaenal Arief Rp. 750.000.000, - 8. Salim Al-Idrus Rp. 650.000,000, - 9. Nyeck Nyobe G.C Rp. 600.000 000,- 10. Tema Musadad Rp. 600.000.000, - 11. Sonny Kurniawan Rp. 525.000.000, - 12. Suwita Pata Rp. 500.000.000, - 13. Eka Ramdani Rp. 500.000.000, - 14. Erik Setiawan Rp. 500,000.000, - 15. Yaris Riyadi Rp. 350,000,000, - 16. Cucu Hidayat Rp.300.000.009, - 17. Cecep Supriatna Rp. 250.000.000, - 18. Edi Kurnia Rp. 250.000.000, - 19. Aji Nurpijat Rp. 250,000.000, - 20. Edi Hafid Murtado Rp. 250.000,000, - 21. Gilang Angga Kusumah Rp. 250.000.000, - 22. Dicki Firasal Rp.250.000.000, - Eta teh can kaitung nilai kontrak atawa gajih palatih Persib Arcan lurie, gajih asisten palatih jeung nu sejen-sejenna. Ti mana waragad Persib dina nyanghareupan Liga Indonesia XIII/2007 anu itunganana ngamiliar teh? Keur ngawaragadan Persib dina nyanghareupan Lga Indonesia XIII/2007 tina Anggaran Pendapalan dan Belanja Daarah (APBD) Kota Bandung, Pamarentah Kota (Pemkot) Bandung ngancokeun dana 15 miliar rupia. Saur Pa Dada Rosada "Sekarang tinggal pilih saja, ada Persib atau tidak ada Persib, Kalau tidak ada Persib maka dana Rp. 15 miliar itu digunakan untuk keperluan lain, Tahun ini saya tidak menargetkan minimal tapi target maksimal yakni Persib harus juara pada Liga Indonesia 2007. Pa Dada Rosada ngautlimatum : Jika Persib tidak berprestasi maka para pemainnya akan dipecat dan tidak dipakai lagi.*** Urang Bandung urang Bandung ... Mana atuh turutaneun urang kampung ????? Carek kuring : Taun hareup mah ulah kagok, pamaen PERSIB teh kabehanana petingan pamaen dunya, sugan beak duit rayat ukur keur PERSIB wungkul. --------------------------------- Bored stiff? Loosen up... Download and play hundreds of games for free on Yahoo! Games.
[Non-text portions of this message have been removed]
