អង្គការសមាគមចំនួន ៣១ គាំទ្រសំណើសម្តេច ហ៊ុន សែន ប្តឹងទៅសន្និសីទ្ធអង្គការសហប្រជាជាតិករណីថៃឈ្លានពាន កម្ពុជា<http://vuthdevelop.blogspot.com/2010/08/blog-post_1001.html> cen.com.kh ដោយ : សុភ័ក្រ (ថ្ងៃទី 13 សីហា 2010)
ភ្នំពេញ: សហព័ន្ធសិទ្ធមនុស្ស និងអភិវឌ្ឍន៍កម្ពុជា ដែលមានលោក ហៅ វាសនា ជាប្រធានកាលពីថ្ងៃទី១២ សីហា ២០១០ បានចេញសេចក្តីថ្លែងការណ៍គាំទ្រប្រសាសន៍សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាកាលពីថ្ងៃទី៩ សីហា ២០១០ ដែលស្នើឲ្យមានសន្និសីទ្ធអន្តរជាតិមួយ ដោះស្រាយបញ្ហាព្រំដែនប្រាសាទព្រះវិហារ ជាវិធានការណ៍ត្រឹមត្រូវក្នុងការឆើ្លយតបចំពោះភាគីថៃ ដែលព្យាយាមដោះស្រាយដោយយោធា ។ សហព័ន្ធសិទ្ធិមនុស្ស និងអភិវឌ្ឍន៍កម្ពុជានេះ មានតំណាងសមាគមចំនួន ៣១ គាំទ្រសម្តេច ហ៊ុន សែន ដែលចង់ឲ្យមានសន្និសីទ្ធអន្តរជាតិគាំទ្រចំពោះកម្ពុជា ដែលបានត្រៀមខ្លួនសំរាប់កិច្ចប្រជុំក្រុមប្រឹក្សាសន្តិសុខ អង្គការសហប្រជាជាតិ ។ សេចក្តីថ្លែងការណ៍នោះបានបញ្ជាក់ថា ការព្យាយាមរកដំណោះស្រាយតាមរយៈយន្តការណ៍ទ្វេភាគីរវាងកម្ពុជា-ថៃ មានការជាប់គាំងមិនអាចដោះស្រាយបានទេ ។ ដូច្នេះទើបសហព័ន្ធសិទ្ធមនុស្ស និងអភិវឌ្ឍន៍កម្ពុជាគាំទ្រចំពោះវិធានការណ៍រាជរដ្ឋាភិបាលកម្ពុជា ដែលបានផ្ញើលិខិតជូនដំណឹងទៅកាន់អង្គការសហប្រជាជាតិ ដើម្បីឆ្លើយតបនឹងការគំរាមកំហែងរបស់ថៃ ដែលប្រកាសប្រើប្រាស់កំលាំងយោធាប្រឆាំងកម្ពុជា ពាក់ព័ន្ធបញ្ហាព្រំដែនប្រាសាទព្រះវិហារ ។ ដូចនេះការស្វែងរកដំណោះស្រាយតាមរយៈយន្តការចរចាពហុភាគី គឺជាការចាំបាច់បំផុត ។ សេចក្តីថ្លែងការណ៍នោះបានលើកឡើងទៀតថា ចំពោះភាគីថៃប្រកាសលុបចោលកិច្ចព្រមព្រៀងព្រំដែន ដោយឯកតោភាគីគឺ MOU ឆ្នាំ២០០០ ដែលមានតំលៃជាសន្ធិសញ្ញាព្រំដែននោះជាទង្វើខុសឆ្គង ក្នុងទំនាក់ទំនងអន្តរជាតិ ហើយបានរំលោភចំពោះអនុសញ្ញាស្តីអំពីនិតិសន្ធិសញ្ញាឆ្នាំ១៩៦៩ មាត្រា៦២ ដែលភាគីថៃជាសមាជិកនៃអនុសញ្ញាត្រូវមានកាព្វកិច្ចដោះស្រាយ ដោយសន្តិវិធីមិនអាចបំពានច្បាប់អន្តរជាតិបានឡើយ ។ លោកបាន គីមួន អគ្គលេខាធិការអង្គការសហប្រជាតិមានគំរោងបំពេញទស្សនកិច្ចនៅកម្ពុជា នៅខែតុលាឆ្នាំ ២០១០ ខាងមុខជាមួយគ្នានោះប្រមុខរាជរដ្ឋាភិបាលកម្ពុជា មានគំរោងលើកយកបញ្ហាថៃឈ្លានពានកម្ពុជាទៅភិភាក្សាដោះស្រាយ ជាមួយលោកអគ្គលេខាធិការសហប្រជាជាតិ ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
