ប្រធានសភាថៃហៅក្រុមប្រឆាំងប្រាសាទព្រះវិហារថាជាក្រុមមិនដឹងខ្យល់ bayontv.com.kh (18/08/2010 Time9:10am)
បាងកក៖ ប្រធានរដ្ឋសភាថៃលោកឆៃឈីតឆប បានហៅការប្រឆាំងរឿង ប្រាសាទព្រះវិហារនៅក្នុងសម័យប្រជុំពេញអង្គ នៃរដ្ឋសភាថៃជា ក្រុមដែលមិនដឹងខ្យល់។ សម័យប្រជុំសភាពេញអង្គរបស់ថៃ ដែលបានធ្វើឡើងកាលពីថ្ងៃទី១៧ខែ សីហា ដើម្បីពិនិត្យ មើលពីលទ្ធផលរបាយការណ៍ប្រជុំសំងាត់៣ករណីដែល គណៈកម្មាធិការកិច្ចការ សភាបានពិចារណារួចហើយដាក់ជូនអង្គប្រជុំ ឲ្យពិចារណាថា គួរឲ្យមានការផ្សព្វផ្សាយជាសាធារណៈដែរឬអត់នោះ មាន ក្រុមប្រឆាំងប្រាសាទព្រះវិហារខ្មែរ មួយចំនួនបានធ្វើការទាមទារ ឲ្យរដ្ឋាភិបាលលុបចោលអនុស្សរណៈយោគយល់ គ្នាឆ្នាំ២០០០ជាមួយ កម្ពុជា ដែលជាហេតុធ្វើឲ្យលោកឆៃឈីតឆប ប្រធានសភាស្ដីបន្ទោសថា ការទាមទារនោះគ្មានអ្វីសំខាន់ទាល់តែសោះ ហើយការស្រែកឡូឡាបែប នេះដូចជាមនុស្សមិនដឹងខ្យល់អីសោះ។ គួរបញ្ជាក់ថា របាយការណ៍ប្រជុំសំងាត់៣ករណីដែលគណៈកម្មាធិការកិច្ច ការ សភាបានពិចារណារួចហើយដាក់ជូនអង្គប្រជុំឲ្យពិចារណានោះរួមមាន ខ្លឹមសារទី១-របាយការណ៍លទ្ធផលពិចារណា ពីរបាយការណ៍កិច្ចប្រជុំ សំងាត់ពីវារៈការជជែកគ្នា ដើម្បី ពិនិត្យនិងរៀបចំបង្គោលព្រំដែន ផ្លូវគោកថៃ-កម្ពុជារហូតរបៀបវារៈ គណៈកម្មការព្រំដែនថៃ-កម្ពុជា JBC និង យន្តការដទៃៗ ក្នុងកិច្ចប្រជុំសភាលើកទី៥ កាលពីថ្ងៃទី ២៨ ខែតុលា ឆ្នាំ២០០៨។ ខ្លឹមសារទី២-របាយការណ៍លទ្ធផលពិចារណា ពីរបាយការណ៍កិច្ចប្រជុំ សំងាត់ស្ដីពីវារៈចរចា សំរាប់ការ ពិនិត្យនិងរៀបចំបង្គោលព្រំដែន ថៃ-ឡាវ ក្នុងកិច្ចប្រជុំរបស់សភាកាលពីថ្ងៃទី២៤-២៥ ខែមីនា ឆ្នាំ ២០១០។ ខ្លឹមសារទី៣-របាយការណ៍លទ្ធផលស្ដីពី ការពិចារណាពិនិត្យមើលរបាយ ការណ៍កិច្ចប្រជុំសំងាត់ រឿង ពង្រាងវារៈការចរចាក្នុងយន្តការនៃ កិច្ចប្រជុំគណៈកម្មការជាយដែន ថៃ-កម្ពុជា ក្នុងកិច្ចប្រជុំ រដ្ឋសភាលើកទី២កាលពីថ្ងៃទី២៧ ខែមេសា ឆ្នាំ២០០៩៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
