ក្នុងមួយឆ្នាំៗផ្ទះបុរាណភូមិវត្តគរ ទាក់ទាញភ្ញៀវបរទេសរាប់ពាន់នាក់ cen.com.kh ដោយ : មង្គល (ថ្ងៃទី 24 សីហា 2010)
លោកទុយ រ៉ុងប្រធានការិយាល័យទេសចរណ៍ ក្រុងបាត់ដំបង បានបញ្ជាក់ថា នៅ តំបន់ ភូមិទេសចរណ៍សហគមន៍សង្កាត់វត្តចែកចេញជាបីប្រភេទ។ ប្រភេទទី ១-គឺភូមិទេសចរណ៍ផ្នែកផ្ទះបុរាណស្ថិតនៅភូមិវត្តគរ មានផ្ទះ បុរាណចំនួន ២៩ផ្ទះក្នុងនោះមានប្រភេទផ្ទះប៉ិត ផ្ទះកន្តាំង ផ្ទះក្រ ជោម ផ្ទះរុងដឿង ផ្ទះខសងឬកឹង ផ្ទះរោងដោល...។ផ្ទះបុរាណទាំង ២៩ មានអាយុកាលចាប់ពី ៧០ឆ្នាំ រហូតដល់ ១២០ឆ្នាំ ដូចជាផ្ទះរបស់ អ្នកស្រីយី ទ្បាហៀង អាយុ ៧១ ឆ្នាំ រស់នៅសព្វថ្ងៃដែលជាកេរ្តិ៍មរតក របស់ជីដូន ជីតាបន្សល់ទុកឱ្យមាន ៨ខ្នង ជាប់គ្នាចែកចេញជា ២ប្រភេទ។ ផ្ទះនៅផ្នែកខាងក្រោយសង់មុន មាន ៥ខ្នង ជាប្រភេទផ្ទះក្រជោម សាងសង់នៅឆ្នាំ១៨៩០ និងផ្ទះខាងមុខជាប្រភេទ ផ្ទះខសងឬកឹង មាន ៣ ខ្នង សាងសង់នៅ ឆ្នាំ១៩០៧។ ផ្ទះរបស់អ្នកស្រីប៊ុន រឿង សាងសង់នៅ ឆ្នាំ១៩២០ ជាប្រភេទផ្ទះប៉ិត និងមានគ្រឿងសង្ហារឹមបុរាណនៅក្នុង ផ្ទះជាច្រើនដែលជាកេរ្តិ៍មរតក របស់បុព្វបុរសជំនាន់មុន ដែលសម្រាប់ ទុកឱ្យអ្នកចូលចិត្តស្រាវជ្រាវប្រវត្តិសាស្ត្រជំនាន់ក្រោយ ។ ផ្ទះ របស់អ្នកស្រីគី លំអងសាងសង់ក្នុង ឆ្នាំ១៩២០ ជាប្រភេទរុងដឿង។ ផ្ទះ របស់លោកភឿង យិត សាងសង់ក្នុង ឆ្នាំ១៩២០ ជាប្រភេទកន្តាំង។ ផ្ទះរបស់ លោកពៅ អ៊ុកសាងសង់ ឆ្នាំ១៩២៧ ជាប្រភេទរោងដោល និងមានផ្ទះបុរាណ ជាច្រើនទៀត ដែលមានអាយុកាលពីជាង៦០ ទៅ៨០ឆ្នាំ ទៀត។ ផ្ទះបុរាណ ទាំងនេះពេលភ្ញៀវបរទេសចូលមកទស្សនា អាចជួលស្នាក់នៅក្នុងផ្ទះជាមួយ ម្ចាស់ផ្ទះ រយៈពេលខ្លីឬវែងក៏បាន មានតម្លៃសមរម្យ ហើយអាចធ្វើ ការស្រាវជ្រាវពីប្រវត្តិនៃផ្ទះបុរាណទាំងនេះ ជាមួយម្ចាស់ផ្ទះបាន យ៉ាងងាយស្រួលផង។លោកទុយ រ៉ុងបានបន្តថា ប្រភេទទី២-គឺជាភូមិ ទេសចរណ៍ដំណាំហូបផ្លែ ស្ថិតក្នុងភូមិខ្សាច់ពោយ សង្កាត់វត្តគរ ដែល សម្បូរទៅដោយដំណាំហូបផ្លែ ដូចជាផ្លែក្រូចខ្លុង ផ្លែល្មុត ផ្លែមៀន ចេកពងមាន់ ចេកណាំវ៉ា ចេកអំបូង ល្ហុង ខ្នុរ ដូង៘ចំណែកភូមិទេសចរណ៍ទី ៣-គឺភូមិទេសចរណ៍បង្កបង្កើនផល ដែលមានស្រូវស្រែខៀវស្រងាត់ ស្ថិតក្នុងភូមិកំពង់សីមាសង្កាត់វត្តគរ និងមានរទេះបុរាណ សំរាប់ ឱ្យភ្ញៀវជួលជិះលេង ហើយភ្ញៀវជាតិក៏អាចជួលជិះលេងបានដែរ។ លោកអ៊ុយ រី អភិបាលក្រុងបាត់ដំបង មានប្រសាសន៍ថា ដោយមាន កិច្ចសហប្រតិបត្តិការពីសហគមន៍អឺរ៉ុបតាមរយៈគម្រោង នគររូបនីយកម្ម អាស៊ីទី៣ ព្រមទាំងដៃគូដទៃទៀត។សាលាក្រុងបាត់ដំបង បានបង្កើតទ្បើង នៅភូមិទេសចរណ៍វប្បធម៌មាន៣ភូមិក្នុងសង្កាត់វត្តគរ ត្រូវ បានប្រកាសជាផ្លូវការ តាំងពីខែសីហា ឆ្នាំ២០០៦ ។ គោលបំណងនៃការបង្កើត ភូមិទេសចរណ៍សហគមន៍នេះគឺដើម្បីឱ្យប្រជាពលរដ្ឋ យើងចេះធ្វើសេវា ទេសចរណ៍មើលសក្តានុពល មានស្រាប់ដែលភូមិនីមួយៗមានក្នុងផ្នែក វប្បធម៌ និងធម្មជាតិដើម្បីរួមចំណែកយ៉ាងសំខាន់ដល់ការអភិវឌ្ឍន៍ សេដ្ឋកិច្ច ការបង្កើតការងារ ការបង្កើនចំណូលនិងការកាត់បន្ថយ ភាពក្រីក្ររបស់ប្រជាជន។ ការចំណាយរបស់ភ្ញៀវទេសចរណ៍ ត្រូវបាន ចូលក្នុងហោប៉ៅរបស់ប្រជាជនក្នុងសហគមន៍ភូមិទាំងអស់។ លោកអ៊ុយ រី បានបញ្ជាក់ថា ភូមិទេសចរណ៍សហគមន៍ទាំង៣ នេះបានទាក់ទាញ ភ្ញៀវជាតិនិងអន្តរជាតិនៅ ឆ្នាំ២០០៧ចំនួន២,១៧៥នាក់ ក្នុងនោះ ភ្ញៀវទេសចរអន្តរជាតិចំនួន ១,២១០នាក់។ ឆ្នាំ២០០៨ ចំនួន៣,១៧១នាក់ ក្នុងនោះភ្ញៀវអន្តរជាតិចំនួន១,៧១៥នាក់។ ឆ្នាំ២០០៩ភ្ញៀវ អន្តរជាតិចំនួន២,៦០១នាក់ (ស្រី២២៧នាក់) និង៦ខែដើម ឆ្នាំ២០១០ នេះ ភ្ញៀវអន្តរជាតិមានចំនួន ១,២៤១នាក់ (ស្រី៦០៧នាក់) ។ ដោយ មើលឃើញពីប្រសិទ្ធភាពសហគមន៍ទេសចរណ៍មូលដ្ឋាន ផ្តើមចេញពីភូមិទាំង៣ នៃសង្កាត់វត្តគរនេះ លោកប្រាជ្ញ ចន្ទ អភិបាលខេត្ត បានអនុញ្ញាតិឱ្យ សាលាក្រុងបាត់ដំបង ធ្វើកិច្ចសហការជាមួយសាលាស្រុកឯកភ្នំ និង សាលាស្រុកបាណន់ បង្កើ់តនូវប្រធានបទមួយថ្មីទៀតមានឈ្មោះថា “វិថី ទេសចរណ៍” ដោយផ្សាភ្ជាប់គ្នាពីសាលាក្រុងបាត់ដំបង ទៅរមណីយដ្ឋាន ទេសចរណ៍នានា ក្នុងស្រុកទាំង ២នេះ ក្នុងគោលដៅពង្រឹងទេសចរណ៍ វប្បធម៌ ធម្មជាតិមាន ការចូលរួមពីសហគមន៍ អ្នកភូមិដើម្បីរកនិងបង្កើតថែមទៀត នូវរមណីយដ្ឋានទេសចរណ៍ដែលអាចទាក់ទាញភ្ញៀវទេសចរណ៍ជាតិ និង អន្តរជាតិឱ្យបានកាន់តែច្រើនទ្បើង។ លោកប្រាជ្ញ ចន្ទ អភិបាលខេត្ត បានបញ្ជាក់ថា ភូមិទេសចរណ៍វប្បធម៌នៅ ខេត្តបាត់ដំបង ខុសប្លែកពីភូមិវប្បធម៌នៅខេត្តសៀមរាប និងបណ្តា ប្រទេសមួយចំនួន ដែលភាគច្រើនគេរៀបនៅកន្លែងថ្មីមួយតែម្តងគឺអ្វីៗ ទាំងអស់មនុស្សជា អ្នកបង្កើតទ្បើងដើម្បីទាក់ទាញភ្ញៀវទេសចរណ៍ទៅ កំសាន្តហើយគេរៀបចំ ជាឈុតឆាកសម្តែងទ្បើង។ ឯភូមិទេសចរណ៍វប្បធម៌ នៅបាត់ដំបង គឺយកកន្លែងរស់នៅជាក់ស្តែងរបស់ប្រជាពលរដ្ឋ នៃភូមិ ទាំង៣ របស់សង្កាត់វត្តគរ ដោយគ្រាន់តែរៀបចំឈុតឆាកផ្សាភ្ជាប់ តែម្តងដូចជាផ្ទះបុរាណ ជាច្រើននៅសល់ពីជំនាន់មុន មានចំការផ្លែឈើ រទេះបុរាណនិងស្រែស្រូវរបស់ប្រជាជនដែលកំពុងបង្កបង្កើនផល ដោយ គ្រាន់តែផ្សាភ្ជាបនឹងសិល្បៈមួយចំនួនប៉ុណ្ណោះ ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
