ក្រុមហ៊ុន VSJMAXX សហរដ្ឋអាមេរិក បោះទុន ២០០០លានដុល្លារ សំរាបវិនិយោគ វិស័យកសិកម្មនៅកម្ពុជា cen.com.kh ដោយ : សេរី (ថ្ងៃទី 26 សីហា 2010)
ក្រុមហ៊ុនទាំង២បានចុះហត្ថលេខា ព្រមព្រៀងគ្នាកាលពីថ្ងៃទី ២៦ សីហា ភ្នំពេញ: ក្រុមហ៊ុនB.I.G ( Brothers Investment Group co.,ltd ) បាន ចុះហត្ថលេខារួមគ្នាជាមួយក្រុមហ៊ុន VSJMAXX មកពីសហរដ្ឋអាមេរិក ដើម្បី វិនិយោគលើវិស័យកសិកម្ម ក្នុងនោះមានការដាំដុះ ការបង្កើតរោងចក្រផលិត ចំណីសត្វ និងរោងចក្រកិនស្រូវខ្នាតអន្តរជាតិ។ កិច្ចព្រមព្រៀងវិនិយោគរវាងក្រុមហ៊ុនទាំង២ ធ្វើឡើងកាលពីរសៀល ថ្ងៃទី ២៦ សីហានេះ នៅក្រុមហ៊ុន B.I.G នារាជធានីភ្នំពេញ។ មហិច្ឆតានៃ ការវិយោគលើវិស័យកសិកម្មនៅក្នុងប្រទេសកម្ពុជារបស់ ក្រុមហ៊ុន ទាំង២ មានគំរោងនឹងប្រើប្រាស់ឥណទានរហូតដល់ ២០០០លានដុល្លារ សហរដ្ឋអាមេរិកប្រសិនជារាជរដ្ឋាភិបាល មានលទ្ធភាពគ្រប់គ្រាន់ក្នុងការ ផ្តល់ដីសម្បាទានដល់ក្រុមហ៊ុននោះ។ កិច្ចព្រមព្រៀងវិនិយោគខាងលើ ចុះហត្ថលេខាដោយលោកឧកញ៉ាដេវិដ ឆាយណា វា នាយកក្រុមហ៊ុន B.I.G និងលោកស្រី Culiffee judy ដែលជាម្ចាស់ភាគហ៊ុន នៃក្រុមហ៊ុន VSJMAXX មកពីសហរដ្ឋអាមេរិក។ ជាការចាប់ផ្តើមវិនិយោគ ក្រុមហ៊ុនទាំង២ បានដំណើរការបង្កើតស្ថានីយចិញ្ចឹមត្រី និងរោងចក្រ ផលិតចំណីត្រី និងសត្វ ដែលមានទីតាំងនៅស្រុកស្អាង ខេត្តកណ្តាល ដោយ ប្រើទុនចំនួន ៥លានដុល្លារ សហរដ្ឋអាមេរិក ក្នុងនោះក្រុមហ៊ុន VSJMAXX ចេញទុន ៦០ភាគរយ និងក្រុមហ៊ុន B.I.G មានទុន ៤០ភាគរយ។ ការផលិត រោងចក្រកិនស្រូវដែលប្រើថាមពល សូឡា នៅខេត្តឧត្តរមានជ័យ ដែលមាន ទឹកប្រាក់ ៣,២ លានដុលា្លរ សហរដ្ឋអាមេរិក។ លោកឧកញ៉ាដេវិដ ឆាយណាវាបានបញ្ជាក់ឱ្យដឹងថា:ក្រុមហ៊ុនទាំង ២និង រួមសហការគ្នាវិនិយោគលើវិស័យកសិកម្ម ពិសេសផលិតស្រូវក្នុង ការនាំចេញ។ ការវិនិយោគនិងចេញដំណើរពីខេត្តឧត្តរមានជ័យ បន្ទាយមានជ័យ សៀមរាបនិងបាត់ដំបងទៅ។ បានន័យថា ទីកន្លែងណាមានផ្ទៃដី សំរាប់ក្រុមហ៊ុនអាចវិនិយោគបានក្រុមហ៊ុននិង ធ្វើ។ យើងបង្កើត ការផលិតស្រូវតាមបច្ចេកទេសទំនើប ដោយមិនឱ្យកសិករធ្វើស្រូវដោយ ពឹងផ្អែកទៅលើមេឃឡើយ ។ ក្រុមហ៊ុនផ្តល់ទាំងពូជនិងបច្ចេកទេសក្នុង ការដាំដុះពិសេសការបង្កើត ប្រព័ន្ធធារាសាស្ត្រ ដែលអាចផ្តល់ទឹកដល់ កសិករគ្រប់គ្រាន់ក្នុងការដាំដុះ ហើយពេលបានផលក្រុមនិងប្រមូលទិញ ពីកសិករ ផលិតជាអង្ករសំរាប់ការនាំចេញទៅក្រៅប្រទេស។ ក្រុមហ៊ុនក៏ នឹងវិយោគទៅលើ ការចិញ្ចឹមត្រីគ្រប់ប្រភេទ សំរាប់តំរូវការ ក្នុងប្រទេសនិងនាំចេញផងដែរ ។ លោក មានជំនឿថា ការវិយោគលើវិស័យកសិកម្មនេះ នឹងទទួលបានផ្លែផ្កា ព្រោះស្របទៅនិងចក្ខុវិស័យរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជា ដែលជំរុញការផលិតស្រូវ សំរាប់ការនាំចេញទៅលក់នៅទីផ្សារអន្តរជាតិ ផងដែរ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
