រដ្ឋសភា មិនទទួលសំណើដកអភ័យឯកសិទ្ធិលោក កឹម សុខាទេ តែបើទទួលបាន
ពេលណា នឹងត្រូវរដ្ឋសភា សម្រេចតាមសំណើ
ដោយ : សុភ័ក្ត្រ (ថ្ងៃទី 1 កញ្ញា 2010)
ភ្នំពេញ: លោក ជាម យៀប សមាជិកគណៈអចិន្ត្រៃយ៍រដ្ឋសភា និងជាប្រធាន
គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា បាន
មានប្រសាសន៍ថា មកដល់រសៀលថ្ងៃទី០១ ខែកញ្ញា ឆ្នាំ២០១០ គណៈ
អចិន្ត្រៃយ៍រដ្ឋសភា នៅពុំទាន់ទទួលបានដីកាតុលាការរាជធានីភ្នំពេញ
ស្នើសុំមករដ្ឋសភា ដើម្បីព្យួរអភ័យឯកសិទ្ធិសភា របស់លោក កឹម សុខា
អ្នកតំណាងរាស្ត្រមណ្ឌលកំពង់ចាម
នៅឡើយទេ។
លោក ជាម យៀប បានបន្ថែមថា បើតាមលោកដឹង លិខិតរបស់តុលាការនោះ
បានទៅដល់ក្រសួងយុត្តិធម៌ហើយ។ ប៉ុន្តែដោយសារលោក អង្គវង្ស វឌ្ឍនា
រដ្ឋមន្ត្រីក្រសួងយុត្តិធម៌ ជាប់បំពេញការងារនៅឯប្រទេសវៀតណាម
ដូច្នេះប្រហែលជារង់ចាំលោករដ្ឋមន្ត្រី វិលមកវិញសិន ដើម្បីគាត់
ចុះហត្ថលេខា ទើបបញ្ជូនមកកាន់រដ្ឋសភា។
លោក ជាម យៀប បានបន្ថែមថា បន្ទាប់ពីសភា បានទទួលលិខិតនោះហើយ សម្តេច ហេង
សំរិន ប្រធានរដ្ឋសភា នឹងធ្វើការកោះប្រជុំគណៈអចិន្ត្រៃយ៍រដ្ឋសភា
ដើម្បីសំរេចព្យួរអភ័យឯកសិទ្ធិសភា របស់លោក កឹម សុខា ដើម្បីបើកផ្លូវ
ឱ្យតុលាការចាត់ការតាមនីតិវិធី។ សមាជិកសភាគណបក្ស
កាន់អំណាចរូបនេះ បានបន្ថែមថា ការដក ឬព្យួរអភ័យឯកសិទ្ធិសមាជិកសភា
នោះ គឺរដ្ឋសភា អនុវត្តតាមច្បាប់រដ្ឋធម្មនុញ្ញ និងតាម
បទបញ្ជាផ្ទៃក្នុងរបស់រដ្ឋសភា។ កន្លងមក រដ្ឋសភា បានសំរេចព្យួរ
អភ័យឯកសិទ្ធិសមាជិកសភាមួយចំនួនរួចមកហើយ រួមមាន៖ សម្តេចក្រុមព្រះ
នរោត្តម រណឬទ្ធិ អតីតប្រធានរដ្ឋសភា, លោក សម រង្ស៊ី, លោក ហូរ វ៉ាន់
, លោក ជា ប៉ូច, លោក ជាម ច័ន្ទនី និងលោកស្រីមូរសុខហួរ។
សូមរម្លឹកថា កាលពីថ្ងៃទី៣០ ខែសីហា ឆ្នាំ២០១០ លោក កឹម សុខា
ប្រធានគណបក្សសិទ្ធិមនុស្ស ត្រូវបានចៅក្រមតុលាការរាជធានីភ្នំពេញ
ចោទប្រកាន់ពីបទបរិហារកេរ្តិ៍ និងបានចេញលិខិត ស្នើសុំទៅរដ្ឋសភា
ដើម្បីព្យួរអភ័យឯកសិទ្ធិសភា របស់លោក កឹម សុខា។
កាលឆ្នាំ២០០៦ លោក កឹម សុខា ដែលកាលនោះ ជាអតីតប្រធានមជ្ឈមណ្ឌល
សិទ្ធិមនុស្សកម្ពុជា ត្រូវបានអតីតបុគ្គលិក ដែលដឹកនាំដោយលោក ឈឹម ផល
វរុណ បានដាក់ពាក្យបណ្តឹងជាច្រើនប្រឆាំងរូបលោក ក្នុងនោះមានបណ្តឹង
បរិហារកេរ្តិ៍ បណ្តឹងស្តីពីការរំលោភលើសេចក្តីទុកចិត្ត និងការបន្លំ
ហត្ថលេខា ជាដើម។
លោក កឹម សុខា ក៏ត្រូវចៅក្រម បង្គាប់អោយចូលខ្លួនបំភ្លឺ
នៅតុលាការ នាថ្ងៃទី៦ ខែកញ្ញាខាងមុខនេះ ក្នុងសំណុំរឿងចោទប្រកាន់
ពីបទរំលោភលើសេចក្តីទុកចិត្ត និងការក្លែងបន្លំលិខិតឯកជន តាម
ពាក្យបណ្តឹងរបស់លោក ឈឹម ផលវរុណ។
បច្ចុប្បន្នលោក កឹម សុខា កំពុងស្ថិតនៅសហរដ្ឋអាមេរិក៕
--
You received this message because you are subscribed to the Google Groups
"Cambodia Discussion (CAMDISC) - www.cambodia.org" group.
This is an unmoderated forum. Please refrain from using foul language.
Thank you for your understanding. Peace among us and in Cambodia.
To post to this group, send email to [email protected]
To unsubscribe from this group, send email to
[email protected]
For more options, visit this group at http://groups.google.com/group/camdisc
Learn more - http://www.cambodia.org
