អង្គការសិទ្ធិមនុស្សថាសិទ្ធិបញ្ចេញមតិនៅកម្ពុជាមិនទាន់ល្អប្រសើរ ដោយ សេក បណ្ឌិត 2010-09-02
ក្រុមអង្គការអន្តជាតិ ដែលធ្វើការអង្កេត ឃ្លាំមើលបញ្ហាសិទ្ធិ មនុស្សនៅលើពិភពលោក បានបង្ហាញរបាយការណ៍ថា បរិយាកាសសិទ្ធិមនុស្ស ក្នុងប្រទេសកម្ពុជាថ្មីនេះ មិនមានភាពល្អប្រសើរឡើយ ជាពិសេស សិទ្ធិសេរីភាពក្នុងការបញ្ចេញមតិ។ លោក ហង្ស ចក្រា ចាងហ្វាងកាសែតខ្មែរម្ចាស់ស្រុក (កណ្ដាល) ធ្លាប់ត្រូវ មន្ត្រីរដ្ឋាភិបាលប្ដឹងពីបទផ្សាយព័ត៌មានមិនពិត ការិយាល័យអង្កេត ឃ្លាំមើលសម្រាប់ការពារអ្នកការពារសិទ្ធិមនុស្ស របស់អង្គការអន្តរ ជាតិចំនួនពីរ គឺអង្គការពិភពលោកប្រឆាំងការ ធ្វើទារុណកម្ម និងអង្គការសម្ព័ន្ធអន្តរជាតិការពារសិទ្ធិមនុស្ស ដែលមានសមាជិកជាងមួយរយប្រទេស នៅថ្ងៃព្រហស្បតិ៍ ទី២ កញ្ញា បានចេញ សេចក្ដីថ្លែងការណ៍ស្ដីពីបញ្ហាសិទ្ធិមនុស្សនៅកម្ពុជាថា អ្នកការ ពារសិទ្ធិមនុស្សនៅកម្ពុជា កំពុងប្រឈមមុខនឹងការកៀបសង្កត់ សេរីភាព ព្រមទាំងរឹតត្បិតលើការអនុវត្តលទ្ធិប្រជាធិបតេយ្យ។ សេចក្ដីថ្លែងការណ៍របស់អង្គការខាងលើនេះ បានឲ្យដឹងថា ប្រជាជន កម្ពុជា បានប្រឈមនឹងការរឹតបន្តឹងកាន់តែធ្ងន់ធ្ងរទៅៗ លើសេរីភាព ក្នុងការបញ្ចេញមតិ តាំងពីឆ្នាំ២០០៨មក។ ថ្លែងក្នុងសន្និសីទកាសែតផ្សព្វផ្សាយសេចក្ដីថ្លែងការណ៍ស្ដីពី ស្ថានភាពសិទ្ធិមនុស្សនៅកម្ពុជា នៅថ្ងៃទី២ កញ្ញា នៅទីក្រុង ភ្នំពេញ មន្ត្រីអង្គការសម្ព័ន្ធអន្តរជាតិ ការពារសិទ្ធិមនុស្ស លោក ជែន ទីងហ្គា (Jens Tingas) មានប្រសាសន៍ថា រដ្ឋាភិបាលបានប្រើវិធានការ ជាច្រើន ដើម្បីឲ្យសកម្មជនសិទ្ធិមនុស្សទាំងនោះស្ងៀមស្ងាត់ ដូចជា ការអនុវត្តតាមរយៈប្រព័ន្ធតុលាការជាដើម ៖ «រឿងដែលមិនមាន ការ គោរពសិទ្ធិមនុស្សហ្នឹង មកពីប្រព័ន្ធតុលាការមិនឯករាជ្យ អ្នកណា ដែលហ៊ាននិយាយចេញ គឺត្រូវបានចោទពីបទបរិហារកេរ្តិ៍ ឬផ្សាយ ព័ត៌មានមិនពិត ញុះញុង ត្រូវជាប់ចោទពីបទព្រហ្មទណ្ឌ ម្យ៉ាងទៀត ច្បាប់ជាតិមួយចំនួន ដែលទើបបានអនុមតិថ្មីៗនេះ សុទ្ធតែបានរឹត បន្តឹងផ្នែកសេរីភាពសម្ដែងមតិ និងការប្រមូលផ្តុំកាន់តែមានភាព តូចចង្អៀត»។ ប្រធានអង្គការសិទ្ធមនុស្សលីកាដូ លោកស្រី ពង្ស ឈីវហ្គិច បានគាំទ្រ ចំពោះសេចក្ដីថ្លែងការណ៍ខាងលើនេះ ហើយអង្គការលោកស្រីថ្មីៗនេះ ក៏ បានចេញរបាយការណ៍មួយដែរ ដែលមានខ្លឹមសារស្រដៀងគ្នានឹងអង្គការ អន្តរជាតិខាងលើនេះដែរ។ មន្ត្រីអង្គភាពព័ត៌មាន និងប្រតិកម្មរហ័ស នៃទីស្ដីការគណៈ រដ្ឋមន្ត្រី លោក ទិត្យ សុធា បានប្រតិកម្មជំទាស់នឹងសេចក្ដីថ្លែង ការណ៍អំពីការធ្លាក់ចុះនូវ ស្ថានភាពសិទ្ធិមនុស្សនៅកម្ពុជា នៅ ក្នុងអំឡុងពេលនេះ ដោយថារបាយការណ៍ទាំងនោះមិនឆ្លុះបញ្ចាំងនូវ ការពិតជាក់ស្ដែងឡើយ។ សកម្មជនសិទ្ធិមនុស្សជាតិ និងអន្តរជាតិ បានស្នើសុំឲ្យរដ្ឋាភិបាល កម្ពុជាពិនិត្យមើលលើបញ្ហានេះឡើងវិញ ទៅតាមសន្ធិសញ្ញាអន្តរជាតិ នានា ស្ដីពីសិទ្ធិមនុស្ស ដែលរដ្ឋាភិបាលបានចុះហត្ថលេខាទទួលស្គាល់ និងយល់ព្រមអនុវត្តតាម ព្រមទាំងពិនិត្យមើលលើគម្រោងអភិវឌ្ឍន៍ ទាំងឡាយណា ដែលមានផលប៉ះពាល់ដល់សិទ្ធិពលរដ្ឋ និងសង្គមទូទៅ។ ការិយាល័យអង្កេត ឃ្លាំមើលដើម្បីការពារសិទ្ធិមនុស្ស បានរកឃើញថា មេដឹកនាំសហជីព សកម្មជនការពារដីធ្លី និងអ្នកសារព័ត៌មានជាច្រើន បានប្រឈមមុខនឹងការរំលោភសិទ្ធិមនុស្សដ៏ធ្ងន់ធ្ងរបំផុត។ រហូតមកដល់ថ្ងៃទី៨ ធ្នូ ឆ្នាំ២០០៩ សកម្មជនការពារសិទ្ធិដីធ្លី ចំនួន ៥២នាក់ ត្រូវបានចាប់ខ្លួនឃុំក្នុងពន្ធនាគារ និងអ្នកផ្សេង ជាច្រើនទៀត បានទទួលរងការឈឺចាប់ពីការបណ្ដេញចេញពីលំនៅឋានដោយ បង្ខំ និងការរំខានយាយីផ្សេងៗទៀត៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
