វៀតណាមពិនិត្យសំណុំរឿងសម្លាប់យុវជនខ្មែរក្រោម២នាក់ ដោយ សុខ សេរី 2010-09-19
នគរបាលវៀតណាមនៅក្នុងស្រុកស្វាយទង ខេត្តមាត់ជ្រូក ឬខេត្តអាន យ៉ាង ទឹកដីខ្មែរកម្ពុជាក្រោម បច្ចុប្បន្នជាប្រទេសវៀតណាម បានកោះ ហៅឪពុករបស់ខ្មែរកម្ពុជាក្រោមម្នាក់ ឈ្មោះ ចៅ ណែត បានស្លាប់កន្លង មកនោះ ក្នុងជម្លោះជាមួយជនជាតិវៀតណាម ទៅឆ្លើយបំភ្លឺ ធ្វើកំណត់ ហេតុ និងរៀបចំពាក្យបណ្ដឹង ដើម្បីដោះស្រាយសំណុំរឿងឃាតកម្ម កាលពី ដើមខែកញ្ញាកន្លងទៅថ្មីៗនេះ។ ខ្មែរកម្ពុជាក្រោម ឈ្មោះ ចៅ ណែត អាយុ២២ឆ្នាំ ត្រូវវៀតណាមកាប់ សម្លាប់កាលពីថ្ងៃទី២ កញ្ញា ឆ្នាំ២០១០ នៅខេត្តរោងដំរី (តៃនិញ) កម្ពុជាក្រោម (http://preynokornews.blogspot.com) ប្រភពពីគ្រួសាររងគ្រោះបានឲ្យដឹងថា នគរបាលវៀតណាមចំនួនប្រមាណ៥ នាក់ បានចុះមកផ្ទះគ្រួសារជនរងគ្រោះនោះ កាលពីថ្ងៃទី១៨ ខែ កញ្ញា ហើយបានផ្ដល់លិខិតអញ្ជើញ ឬកោះហៅឲ្យទៅជួបអាជ្ញាធរស្រុក ស្វាយទង ខេត្តអានយ៉ាង ឬខេត្តមាត់ជ្រូក នៅថ្ងៃទី២០ ខែកញ្ញា។ ឪពុករបស់ ចៅ ណែត ដែលសុំមិនឲ្យបញ្ចេញឈ្មោះ បានថ្លែងប្រាប់វិទ្យុ អាស៊ីសេរីតាមទូរស័ព្ទនៅថ្ងៃទី១៩ កញ្ញាថា នគរបាលវៀតណាមបាន ប្រាប់លោកថា លោកត្រូវទៅឆ្លើយបំភ្លឺ ដើម្បីធ្វើពាក្យបណ្ដឹង។ លោកបានឲ្យដឹងថា លោកគ្រោងនឹងទាមទារប្រាក់សំណងជំងឺចិត្តចំនួន រវាង ៥០លានដុង ទៅ៦០លានដុង ស្មើនឹង៣០០០ដុល្លារអាមេរិក និងទាម ទារឲ្យអាជ្ញាធរវៀតណាមចាប់ខ្លួនជនសង្ស័យផ្ដន្ទាទោស ៖ «ទៅប្ដឹង នៅស្រុកស្វាយទងយើង។ គេសម្លាប់យើង ដើម្បីឲ្យគេដឹងឮយើង។ ថ្ងៃ ក្រោយគេសងយើងអ៊ីចឹងណ៎ា»។ គ្រួសារខ្មែរកម្ពុជាក្រោម ជាអ្នកជិតខាងគ្នា បានថ្លែងថាគ្រួសារ ខ្មែរកម្ពុជាក្រោមនានា ត្រូវការយុត្តិធម៌ ៖ «ចង់ឲ្យចាប់អ្នកដែល ធ្វើល្មើសច្បាប់។ អ្នកដែលស្លាប់ អាហ្នឹងស្រេចតែរដ្ឋអំណាចជួយ ដោះស្រាយ ធ្វើម៉េចឲ្យសមរម្យ»។ កាលពីថ្ងៃទី២ ខែកញ្ញាកន្លងទៅ ប្រជាពលរដ្ឋខ្មែរកម្ពុជាក្រោម ចំនួន២នាក់ បានរងការព្រួតវាយសម្លាប់ ដោយប្រើកាំបិត និងដំបង ពី សំណាក់អ្នកភូមិវៀតណាមរាប់សិបនាក់ នៅតំបន់ចម្ការកៅស៊ូមួយ ក្នុង ខេត្តរោងដំរី ឬខេត្តតៃនិញ ទឹកដីខ្មែរកម្ពុជាក្រោម។ ខ្មែរកម្ពុជា ក្រោម ១១នាក់ទៀត បានរងរបួសនៅក្នុងអំពើហិង្សានោះ ដែលគេចោទថា គឺបណ្ដាលមកពីការប៉ះទង្គិចពាក្យសំដីគ្នា និងការរើសអើងជាតិ សាសន៍ជាដើម នេះបើតាមការអះអាងពីគ្រួសារខ្មែរកម្ពុជាក្រោម។ ខ្មែរកម្ពុជាក្រោមដែលបានស្លាប់នោះ មានឈ្មោះ ចៅ ណែត អាយុ២២ឆ្នាំ មានស្រុកកំណើតនៅក្នុងភូមិរលាំង ឃុំរលាំង ស្រុកស្វាយទង ខេត្តអាន យ៉ាង ឬខេត្តមាត់ជ្រូក។ និងខ្មែរកម្ពុជាក្រោម ឈ្មោះ ចៅ ផាត មាន ស្រុកកំណើតនៅក្នុងឃុំបន្ទាយស្វាយ ស្រុកស្វាយទង ខេត្តអានយ៉ាង ឬ ខេត្តមាត់ជ្រូក។ គេនៅមិនបានដឹងថា តើអាជ្ញាធរនគរបាលវៀតណាមនៅទីនោះ មានគម្រោង ការដោះស្រាយតាមសំណើរបស់គ្រួសាររងគ្រោះ ឬយ៉ាងណានៅឡើយទេ នៅ ពេលនេះ។ តំណាងរាស្ត្រគណបក្សប្រឆាំងសមរង្ស៊ី លោក យន្ត ថារូ ដែលជាខ្មែរ កម្ពុជាក្រោមផងដែរនោះ បានផ្ញើលិខិតមួយច្បាប់ជូនលោក សឺន សុង សើង ជាសមាជិកមជ្ឈិមបក្ស និងជាអនុប្រធានចង្អុលទិសភាគនិរតីនៃ ប្រទេសវៀតណាមឲ្យជួយ អន្តរាគមន៍ បើកការស្រាវជ្រាវចាប់ខ្លួនជន សង្ស័យដើម្បីផ្ដន្ទាទោស។ លិខិតនោះត្រូវបានផ្ញើតាមរយៈស្ថានទូតវៀតណាម នៅក្នុងប្រទេស កម្ពុជា ប៉ុន្តែមន្ត្រីស្ថានទូតវៀតណាម មិនបានអនុញ្ញាតឲ្យចូលដាក់ ឬទទួលយកលិខិតនោះទេ ហើយក៏គ្មានផ្ដល់ហេតុផលដែរ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
