កម្ពុជាបានដាក់ពាក្យជាបេក្ខភាពប្រធានគណៈកម្មាធិការបេតិកភណ្ឌ ពិភពលោកសំរាប់ឆ្នាំ២០១២ cen.com.kh ដោយ : សុភ័ក្រ (ថ្ងៃទី 21 កញ្ញា 2010)
ភ្នំពេញ: លោកឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុក ទីស្តីការគណៈរដ្ឋមន្ត្រី បានមានប្រសាសន៍ថា ប្រទេសកម្ពុជា បានដាក់ពាក្យ ជាបេក្ខភាពប្រធានគណៈកម្មាធិការបេតិកភណ្ឌពិភពលោកសំរាប់ នៅក្នុង កិច្ចប្រជុំលើកទី៣៦ ដែលប្រព្រឹត្តទៅក្នុងឆ្នាំ២០១២ រួចរាល់ហើយ ។ លោក ផៃ ស៊ីផាន រដ្ឋលេខាធិការទីស្តីការគណៈរដ្ឋមន្ត្រី បានប្រាប់អ្នក សារព័ត៌ មានបន្ទាប់ពីជំនួបនោះថា នៅក្នុងជំនួបនោះ លោក សុខ អាន បាន ជម្រាបជូនលោកស្រី ម៉ាការ៉េត អាដាមសុន (MARGARET ADAMSON) ឯកអគ្គរដ្ឋទូតនៃប្រទេសអូស្ត្រាលីនៅក្នុងឱកាសគោរពជម្រាបលាកាលពី ព្រឹកថ្ងៃទី២១ ខែកញ្ញា ឆ្នាំ២០១០ នៅទីស្តីការគណៈរដ្ឋមន្ត្រី ។ លោកបន្តថា លោក សុខ អាន បានថ្លែងអំណរគុណចំពោះរដ្ឋាភិបាលប្រទេស អូស្ត្រាលី ដែលបានគាំទ្រចំពោះព្រះរាជាណាចក្រកម្ពុជា នៅក្នុងអង្គការ យូនីស្កូ និងអង្គការបេតិកភណ្ឌពិភពលោក ។ លោកបានបន្តថា ប្រទេស កម្ពុជា បានក្លាយជាសមាជិកគណៈកម្មាធិការបេតិកភណ្ឌពិភពលោកនៅ ឆ្នាំ២០០៩ និងបានជាប់ឆ្នោតជាអនុប្រធាននៃគណៈកម្មាធិការបេតិកភណ្ឌ ពិភពលោកនៅ ឆ្នាំ២០១០ ហើយកម្ពុជា ក៏បានដាក់ពាក្យជាផ្លូវការរយៈពេល ១០ ខែមកហើយ ជាបេក្ខភាពប្រធានអង្គការបេតិកភណ្ឌពិភពលោកសំរាប់ឆ្នាំ ២០១២ ។ លោកបានបន្តថា កម្ពុជាបានត្រៀមរៀបចំខ្លួនបានរួចរាល់ក្នុង ការទទួលកិច្ចប្រជុំលើក ទី៣៦ នៃគណៈកម្មាធិការបេតិកភណ្ឌពិភពលោក នៅក្នុងខេត្តសៀមរាប ។ លោកឧបនាយករដ្ឋមន្ត្រីបានមានប្រសាសន៍ថា ហេតុអ្វីបានជាកម្ពុជា ចង់ឲ្យ មានកិច្ចប្រជុំនៅក្នុងខេត្តសៀមរាប ពីព្រោះដើម្បីអបអរសាទរចំពោះខួប ទី២០ ឆ្នាំ នៃការចូលជាបេតិកភណ្ឌពិភពលោករបស់ប្រាសាទអង្គរវត្ត ។ ជាមួយគ្នានោះក៏មានការរៀបចំមជ្ឈមណ្ឌលពាណិជ្ជកម្ម សេវាកម្ម និងទីលាន ចតរថយន្ត ដែលស្ថិតនៅមុខប្រាសាទអង្គរ សំរាប់បំរើឲ្យភ្ញៀវដែលមក ទស្សនាប្រាសាទអង្គរ ដែលមានស្តង់ដារអន្តរជាតិប្រកបដោយបរិស្ថាន ។ លោកស្រីទូតបានសំដែងការគាំទ្រចំពោះប្រទេសកម្ពុជា លោកស្រីបាន បន្តថា ទំនាក់ទំនងការទូត និងកិច្ចសហប្រតិបត្តិការរវាងប្រទេសទាំងពីរ កម្ពុជា អូស្ត្រាលី នៅពេលនេះមានលក្ខណៈយ៉ាងល្អប្រសើរ ។ លោកស្រីទូត បានមានប្រសាសន៍ថ្លៃងអំណរគុណចចំពោះ លោក សុខ អាន ដែលបានផ្តល់នូវ ការគាំទ្រ ចំពោះបេសកកម្មការទូតរបស់លោកស្រីនៅក្នុងប្រទេសកម្ពុជា បានដោយជោគជ័យ និងអរគុណរដ្ឋាភិបាលកម្ពុជា ដែលបានគាំទ្រធ្វើឲ្យ ប្រទេសអូស្ត្រាលីមានតួនាទីនៅក្នុង សមាគមអាស៊ាន និងអាស៊ីខាងកើត និង ស្ថាប័នអន្តរជាតិដទៃទៀត ។ លោកស្រីទូតបានបន្តថា ទោះបីកិច្ចសហប្រតុបត្តិការរវាង អូស្ត្រាលី និង កម្ពុជា កំពុងតែប្រព្រឹត្តយ៉ាងល្អប្រសើរ ហើយក៏ដោយតែ អូស្ត្រាលីនៅតែប្តេជ្ញាចិត្តពង្រឹង និងពង្រីកបន្ថែមទៀតនូវ កិច្ចសហប្រតិបត្តិការរវាងប្រទេសទាំងពីរ ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
