ហ៊ុនសែនដឹកនាំគណៈប្រតិភូទៅចូលរួមកិច្ចប្រជុំអាស៊ាន-អាមេរិក ដោយ សេក បណ្ឌិត 2010-09-22 rfa លោកនាយករដ្ឋមន្ត្រី ហ៊ុន សែន បានដឹកនាំគណៈប្រតិភូចាកចេញពី កម្ពុជា ទៅបុរីញូវយ៉ក សហរដ្ឋអាមេរិក នៅថ្ងៃ២២ កញ្ញានេះ ដើម្បី ត្រៀមចូលរួមកិច្ចប្រជុំថ្នាក់ដឹកនាំប្រទេសជាសមាជិកអាស៊ាន និង សហរដ្ឋអាមេរិកលើកទី២ ដែលធ្វើឡើងនៅថ្ងៃទី២៤ ខែកញ្ញា ឆ្នាំ២០១០។ នៅមុនពេលចាកចេញពីអាកាសយានដ្ឋានអន្តរជាតិភ្នំពេញ ឆ្ពោះទៅកាន់ សហរដ្ឋអាមេរិក នៅវេលាម៉ោង ១២ថ្ងៃត្រង់ ថ្ងៃពុធ ទី២២ ខែកញ្ញា រដ្ឋមន្ត្រីប្រតិភូអមនាយករដ្ឋមន្ត្រី គឺលោក ស្រ៊ី ថាមរុង្គ បានមាន ប្រសាសន៍បញ្ជាក់ប្រាប់អ្នកសារព័ត៌មានថា កម្ពុជានឹងមិនលើកយក បញ្ហាជម្លោះព្រំដែនកម្ពុជា ជាមួយនឹងប្រទេសថៃ ដាក់ចូលក្នុង របៀបវារៈក្នុងកិច្ចប្រជុំថ្នាក់ដឹកនាំអាស៊ាន និងសហរដ្ឋអាមេរិក នោះឡើយ។
លោក ស្រ៊ី ថាមរុង្គ ពន្យល់ថា ការដែលមិនលើកយកបញ្ហាព្រំដែនកម្ពុជា ដាក់ឲ្យមានការពិភាក្សាក្នុងកិច្ចប្រជុំខាងលើនេះ ដោយសារកិច្ច ប្រជុំត្រូវមានប្រធានបទច្រើនដែលត្រូវពិភាក្សា ដូចជាបញ្ហា សេដ្ឋកិច្ច ទំនាក់ទំនងការអភិវឌ្ឍក្នុងតំបន់ វិស័យការទូតជាដើម។ ប៉ុន្តែលោក ហ៊ុន សែន និងលោក អាភីស៊ិត វ៉េតឆាឈីវ៉ាក់ (Abhisit Vejjajiva) នឹងមានជំនួបទ្វេភាគីដាច់ដោយឡែកនៅក្រៅកិច្ចប្រជុំ នោះ។ តំណាងរាស្ត្របក្សប្រឆាំង សម រង្ស៊ី លោក សុន ឆ័យ មានប្រសាសន៍ថា សហគមន៍អាស៊ានត្រូវតែយកចិត្តទុកឲ្យបានដិតដល់ចំពោះប្រទេស កម្ពុជា និងថៃ ដែលកំពុងមានទំនាស់នឹងគ្នា ហើយមិនគួរទុកឲ្យ ប្រទេសទាំងពីរនេះ អូសបន្លាយពេលវេលាបន្តចរចាទ្វេភាគីដោយពុំ មានលទ្ធផលអ្វីសោះនោះ ទេ។ មន្ត្រីកម្ពុជា កាលពីថ្ងៃទី១៤ ខែសីហា បានសរសេរលិខិតស្វែងរកការ ធ្វើអន្តរាគមន៍ពីសំណាក់ប្រធានអាស៊ាន និងជារដ្ឋមន្ត្រីក្រសួង ការបរទេសវៀតណាម និងជាប្រធានអាស៊ាន លោក ផាម យ៉ាឃៀម (Pham Gia Khiem) ឲ្យជួយដោះស្រាយវិបត្តិព្រំដែនកម្ពុជា និងថៃនេះ។ កាលពីថ្ងៃទី១៧ ខែសីហា កន្លងទៅ អ្នកនាំពាក្យក្រសួងការបរទេស វៀតណាម លោកស្រី ង្វៀន ភឿង ង៉ា (Nguyen Phuong Nga) បានប្រកាសថា វៀតណាម ដែលជាប្រទេសប្រធានអាស៊ានសម្រាប់ឆ្នាំ២០១០ កំពុងធ្វើកិច្ច ពិភាក្សាយ៉ាងសកម្មជាមួយនឹងបណ្ដាប្រទេសអាស៊ានផ្សេង ទៀត ជាការ ឆ្លើយតបទៅនឹងសំណើស្នើឲ្យប្រទេសជាសមាជិកអាស៊ាន ធ្វើការសម្រុះ សម្រួលវិបត្តិព្រំដែនតំបន់ក្បែរប្រាសាទព្រះវិហារ។ ប៉ុន្តែរហូតមក ដល់ពេលនេះ ជាលទ្ធផលពុំមានជាផ្លែផ្កាអ្វីឡើយ។ កិច្ចប្រជុំលើកទី២ របស់ថ្នាក់ដឹកនាំអាស៊ាននេះ ដឹកនាំដោយប្រធាន អាស៊ាន និងជារដ្ឋមន្ត្រីក្រសួងការបរទេសវៀតណាម លោក ផាម យ៉ាឃៀម និង លោកប្រធានាធិបតីសហរដ្ឋអាមេរិក បារ៉ាក់ អូប៉ាម៉ា (Barack Obama) ជា ម្ចាស់ផ្ទះ។ កិច្ចប្រជុំលើកនេះ ក្រៅពីពិភាក្សាស្ដីពីកិច្ចសហប្រតិបត្តិការ នានា កិច្ចប្រជុំនេះនឹងពិនិត្យមើលបញ្ហាអន្តរជាតិមួយចំនួន ជា ពិសេសបញ្ហាសេដ្ឋកិច្ច បញ្ហាប្រែប្រួលអាកាសធាតុ គ្រប់គ្រងគ្រោះ មហន្តរាយ សន្តិសុខស្បៀង ការប្រយុទ្ធប្រឆាំងភេរវកម្មជាដើម។ សហរដ្ឋអាមេរិកបានក្លាយជាដៃគូសន្ទនាពេញសិទ្ធិនៅឆ្នាំ១៩៧៧។ លើ បញ្ហាសេដ្ឋកិច្ចសហរដ្ឋអាមេរិកមានទំនាក់ទំនងល្អជាមួយអាស៊ាន ជា ពិសេសជាមួយកម្ពុជា ដោយនៅឆ្នាំ២០០៨ ទំហំទឹកប្រាក់ពាណិជ្ជកម្ម សហរដ្ឋអាមេរិកមកកម្ពុជា មានចំនួនរាប់ពាន់លានដុល្លារសហរដ្ឋ អាមេរិក៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
