រដ្ឋសភា បើកសម័យប្រជុំឡើងវិញ បន្ទាប់ពីឈប់សម្រាក ៣ ខែរួចមក
ដោយ : លីហូវ (ថ្ងៃទី 28 កញ្ញា 2010) ភ្នំពេញ: រដ្ឋសភាកម្ពុជា នឹងបើកសម័យប្រជុំពេញអង្គ លើកទី៥ នីតិកាល ទី៤ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាពញាចក្រី ហេង សំរិន ប្រធានរដ្ឋសភា នៅថ្ងៃសុក្រ ទី១ ខែតុលា ឆ្នាំ២០១០។ នេះបើតាម សេចក្តីជូនដំណឹងរបស់អគ្គលេខាធិការដ្ឋានរដ្ឋសភា ចុះថ្ងៃទី២៨ ខែ កញ្ញា ឆ្នាំ២០១០។ សេចក្តីជូនដំណឹង បានបញ្ជាក់ថា ក្នុងពេលរដ្ឋសភាបើកសម័យប្រជុំ បន្ទាប់ពីការឈប់សម្រាករយៈពេល ៣ ខែ នៅថ្ងៃទី១ ខែតុលាខាងមុខ មាន របៀបវារៈ ចំនួន ៤ រួមមាន៖ ទី១-ព្រះរាជសារព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ជូន សម័យប្រជុំរដ្ឋសភាលើកទី៥ នីតិកាលទី៤។ ទី២-របាយការណ៍ស្តីពី សកម្មភាពរបស់រដ្ឋសភាចន្លោះសម័យប្រជុំរដ្ឋសភា លើកទី៤ និងលើកទី៥ នីតិកាលទី៤។ ទី៣-ការបោះឆ្នោតជ្រើសតាំង លោក សុខ សាយ ជាសមាជិក គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា និងទី៤- ការពិភាក្សា និងអនុម័តលើសេចក្តីព្រាងច្បាប់ ស្តីពី ការអនុម័តយល់ព្រម លើកិច្ចព្រមព្រៀង បង្កើតតំបន់ពាណិជ្ជកម្មសេរីអាស៊ាន-អូស្ត្រាលី- ណូវ៉ែលហ្សេឡង់៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
