You can get a 2-seater for $5K. It’s quite a bit more than the Indian Tata, but its specs pack with high tech/high touch electronics. It claims to have emotion (I will call it an e*mo-car, a word I am applying for a patent*), which will let you know its feeling of your driving or the conditions of the roads.
http://www.microsofttranslator.com/BV.aspx?ref=IE8Activity&a=http%3A%2F%2Fwww.rfa.org%2Fkhmer%2Findepth%2Fcam_car_factory_being_built-01062011022010.html *រោងចក្រផលិតរថយន្តអង្គរចាប់ផ្ដើមសាងសង់នៅក្នុងខេត្តកណ្ដាល*** *ដោយ ខែ សុណង*** *2011-01-06* ក្រុមហ៊ុន ហេង អភិវឌ្ឍន៍ បានបោះទុនវិនិយោគរួមគ្នាជាមួយក្រុមហ៊ុនដៃគូមកពីប្រទេសអាល្លឺម៉ង់ នូវទឹកប្រាក់ ២០លានដុល្លារ ដើម្បីសាងសង់រោងចក្រផលិតរថយន្តធុនតូចប្រើអាគុយ ឈ្មោះថា រថយន្តអង្គរ ដែលជាស្នាដៃរបស់បុរសខ្មែរអ្នកស្រាវជ្រាវវ័យជាង ៥០ឆ្នាំម្នាក់។ [image: Description: http://www.rfa.org/khmer/indepth/cam_car_factory_being_built-01062011022010.html/cam_car305.jpg] RFA/Khe Sonorng លោក ញាន ផល្លិក និងរថយន្តដែលលោកផលិត ដោយសារតែការកោតសរសើរនូវស្នាដៃរបស់លោក ញាន ផល្លិក ដែលគេស្គាល់ថា គាត់គឺជាអ្នកដែលអាចបង្កើតរថយន្តមួយរូបដោយខ្លួនឯងនោះ ក្រុមហ៊ុនក្នុងស្រុក និងក្រៅស្រុកមួយបានសហការគ្នាដាក់ទុនវិនិយោគចំនួន ២០លានដុល្លារជាជំហានដំបូង សម្រាប់ការសាកល្បងផលិតរថយន្តធុនតូចដោយប្រើអាគុយនៅកម្ពុជា។ លោកស្រី សៀង ចាន់ហេង អគ្គនាយិកាក្រុមហ៊ុន ហេង អភិវឌ្ឍន៍ ដែលបានសម្រេចចិត្តបោះទុនវិនិយោគក្នុងការសាងសង់រោងចក្រផលិតរថយន្តនេះ បានឲ្យដឹងថា បច្ចុប្បន្នក្រុមហ៊ុនកំពុងចាប់ផ្ដើមឈូសឆាយផ្ទៃដី ២០ហិកតា សាងសង់រោងចក្រក្នុងខែមករានេះ ដែលគ្រោងធ្វើឲ្យរួចរាល់ជាស្ថាពរនៅក្នុងរយៈពេល ៦ខែក្រោយ។ លោកស្រីសង្ឃឹមថា រោងចក្រផលិតរថយន្តថ្មីនេះ នឹងអាចផលិតរថយន្តលក់ចូលទៅកាន់ទីផ្សារបានជាសក្តានុពលទាំងនៅ ក្នុងប្រទេស និងក្រៅប្រទេស។ លោកស្រីបញ្ជាក់ថា តាមគម្រោងក្រុមហ៊ុន រោងចក្រនេះនឹងប្រើកម្លាំងពលកម្មសរុបប្រមាណ ៣០០នាក់ ហើយនឹងអាចផលិតរថយន្តដើរដោយថាមពលអាគុយបានពី ៥០០គ្រឿង ទៅ ១ពាន់គ្រឿងនៅឆ្នាំដំបូង។ រថយន្តដែលត្រូវផលិតឡើងនេះមានពីរប្រភេទ គឺប្រភេទពីរកៅអី និងបួនកៅអី។ លោកស្រី សៀង ចាន់ហេង មានប្រសាសន៍បន្ថែម ៖ *«**ថវិកាយើងក្នុងស្រុកវា ៨០% ហើយក្រៅប្រទេស ២០%។ គាត់ជាអ្នកហុងកុងទេ តែបច្ចេកវិទ្យាអាល្លឺម៉ង់។ ការដែលយើងរៀបចំគ្រោងបោះទុននេះ យើងថា មានក្ដីសង្ឃឹមហើយ ដាក់ទៅបានជ័យជម្នះហើយ ប៉ុន្តែជាក់ស្ដែងយ៉ាងណានោះ យើងមិនទាន់ហ៊ានសន្និដ្ឋានដែរ**»*។ ជុំវិញគម្រោងសាងសង់រោងចក្រផលិតរថយន្តធុនតូចប្រើអាគុយឈ្មោះថា រថយន្តអង្គរនេះ មន្ត្រីក្រសួងឧស្សាហកម្មបានស្វាគមន៍។ ប្រធាននាយកដ្ឋានកិច្ចការឧស្សាហកម្មនៃក្រសួងឧស្សាហកម្ម រ៉ែ និងថាមពល លោក ហេង សោភ័ណ មានប្រសាសន៍ថា គ្មានអ្វីជំទាស់ទេចំពោះការសាងសង់រោងចក្រ ពីព្រោះកម្ពុជា មិនធ្លាប់មានប្រវត្តិផលិតរថយន្តប្រភេទប្រើអាគុយដូចនេះជា លក្ខណៈឧស្សាហកម្មក្នុងទ្រង់ទ្រាយធំពីមុនមកទេ។ លោកថា ការផលិតរថយន្តដែលដើរដោយកម្លាំងអាគុយនេះ ពីព្រោះវាមិនត្រឹមតែអាចកាត់បន្ថយបានការចំណាយខ្ពស់ប៉ុណ្ណោះទេ ប៉ុន្តែវាក៏អាចជួយសម្រាលបាននូវការប៉ះពាល់ផ្នែកបរិស្ថានផងដែរ។ លោក ហេង សោភ័ណ បន្ថែមថា ៖ *«**ក្រសួងអត់មានបានឃើញឯកសារដែលគាត់ ស្នើសុំនៅឡើយទេ។ ជាធម្មតា ជាគោលនយោបាយរបស់ក្រសួងឧស្សាហកម្ម យើងតែងតែគាំទ្រនូវការបង្កើតរោងចក្រហ្នឹងហើយ ពីព្រោះការបង្កើតរោងចក្រ ធម្មតាវាតែងតែនាំមកការវិនិយោគដែលនាំមកនូវអត្ថប្រយោជន៍ជា ច្រើនដល់សេដ្ឋកិច្ច និងសង្គមជាតិ**»*។ លោក ញាន ផល្លិក ដែលជាម្ចាស់កម្មសិទ្ធិរថយន្តនេះ និងបច្ចុប្បន្នបម្រើការក្នុងក្រុមហ៊ុនថ្មីនេះ បានឲ្យដឹងថា តួរថយន្តនេះមានទម្ងន់សរុប ៧០០ ទៅ ៨០០គីឡូក្រាម បំពាក់ដោយកម្មវិធីកុំព្យូទ័រ មានសំឡេង ៣ភាសា គឺខ្មែរ ចិន និងអង់គ្លេស សម្រាប់ប្រាប់ទៅកាន់អ្នកប្រើប្រាស់ដែលមិនមែនជាម្ចាស់រថយន្តផ្ទាល់។ រថយន្តនេះអាចបើកបានក្នុងល្បឿន ៦០ ទៅ ៨០គីឡូម៉ែត្រនៅក្នុងមួយម៉ោង ហើយពេលសាកថ្មម្តងអាចជិះបានចម្ងាយ ៥០០គីឡូម៉ែត្រ។ ចំពោះរថយន្តកៅអី ៤វិញ អាចរត់បានក្នុងល្បឿនពី ១២០ ទៅ ១៦០គីឡូម៉ែត្រក្នុងមួយម៉ោង។ លោក ញាន ផល្លិក មានប្រសាសន៍បន្ថែម ៖ *«**សម្ភារៈដែលខ្ញុំយកមកដំឡើងហ្នឹង គឺយើងបានកុម្ម៉ង់ពីបរទេសមក តែយើងដំឡើងនៅក្នុងស្រុកទាំងមូល។ សម្ភារៈហ្នឹងគឺយើងយកតែពុម្ពយកតែដែកយក តែសម្ភារៈមួយចំនួន ដែលយើងគ្មានលទ្ធភាពធ្វើបាន យើងយកមកវាបោះពុម្ពធ្វើនៅស្រុកខ្មែរ**» *។ លោកបន្តថា ក្រៅពីការរចនាម៉ូតរថយន្តថ្មីនេះ លោកនឹងផលិតឡើងទៅតាមគំរូរថយន្តដែលលោកធ្លាប់បានសាកល្បងផលិត ក្នុងពេលកន្លងមក ដោយមានទ្វារអាចស្គេនក្រយៅដៃមនុស្ស ដើម្បីជាការសម្គាល់បានចំនួន ៦០នាក់ ហើយប្រើអេធីអឹម ជំនួសសោ ដើម្បីបញ្ជាម៉ាស៊ីន។ រថយន្តនេះត្រូវបានលោកផលិតដោយដៃលើកដំបូងនៅកម្ពុជា។ រីឯនៅផ្នែកខាងក្នុងរថយន្តវិញ លោកផលិតឡើងដោយមានលក្ខណៈពិសេសជាច្រើនផ្សេងទៀតសម្រាប់ទាក់ទាញអ្នកជិះ។ លោក ញាន ផល្លិក មានប្រសាសន៍ទៀតថា ៖ *«**កាតនេះដូចគ្នាបេះបិទ ក្មួយឃើញទេ**? **ទាំងទំហំ ទាំងកម្រាស់ ពណ៌សម្បុរនៅពេលដែលដាក់កាតហ្នឹងចូលទៅ មិនមែនកាតគាត់អត់ចេញទេ។ នេះជាប្រអប់បញ្ជាអេឡិចត្រូនិក ខុសពីឡានជប៉ុន ឡានអាមេរិក នៅពេលស្តាប់ចម្រៀងស្រួលណាស់គឺជា **MP3»*។ ក្រៅពីលក្ខណៈពិសេសដូចដែលលោកបានរៀបរាប់នេះ លោកថា រថយន្តនេះនឹងធ្វើឲ្យអ្នកជិះមានអារម្មណ៍រីករាយ ប្លែក និងអស់សំណើចពីសំឡេងផ្សេងៗនៅក្នុងពេលបញ្ជារថយន្តផងដែរ ៖ *«**ពេលដែលយើងបិទទ្វារខ្លាំងវាស្រែក បើកឡានរលាក់ខ្លាំងក៏វាស្រែកដែរ។ ខ្ញុំធ្វើហ្នឹងដើម្បីទាក់ទាញអារម្មណ៍ផង ចង់ឲ្យអស់សំណើចសើចនៅពេលដែលឮសំឡេង ហើយអាចប្ដូរទៅជាភាសាអង់គ្លេស ឬសំឡេងស្ដីឲ្យក៏បានដែរ**»*។ តែទោះជាយ៉ាងណា លោក ញាន ផល្លិក បានរំឭកថា ទម្រាំផលិតបាន និងធ្វើការច្នៃម៉ូតដូច្នេះ លោកថា ពុំមែនជាការងារងាយស្រួលនោះទេ។ ចាប់តាំងពីឆ្នាំ២០០២មក លោកបានផលិតរថយន្តប្រភេទនេះបាន ៣គ្រឿងហើយក្រោយពីលោកសម្រាករយៈពេល ៥ឆ្នាំមកនោះ ៖ *«**តាមពិត ទៅពិបាកណាស់ ហួសពីការស្មាន។ បើសិនជាការងារហ្នឹងស្រួល ខ្ញុំជឿថា ប្រជាជនខ្មែរជាង ១០លាន មានអ្នកធ្វើច្រើនហើយ តែគ្មានទេ ពីព្រោះការងារនេះវាពិបាកស្មុគស្មាញបំផុត ដែលគេយល់ថា ជាការងារដែលធ្វើដោយដៃបំផុត**»*។ ទន្ទឹមគ្នានេះ លោកសង្ឃឹមថា នឹងអាចផលិតវាលក់បានយ៉ាងច្រើននៅថ្ងៃអនាគត ហើយមានការគាំទ្រនូវផលិតផលជាស្នាដៃខ្មែរ។ រថយន្តដែលក្រុមហ៊ុនផលិតត្រូវបានផ្សំឡើងដោយសម្ភារៈ និងបរិក្ខារដែលនាំយកមកពីប្រទេសអាល្លឺម៉ង់ ជប៉ុន និងហុងកុង។ ឈ្មោះរថយន្តអង្គរនេះ នៅឆ្នាំ២០១២ ក្រុមហ៊ុននឹងចេញលក់នៅលើទីផ្សារក្នុងប្រទេស ក្នុងតម្លៃប្រមាណ ៥ពាន់ដុល្លារក្នុងមួយគ្រឿង៕ -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
