*MEACH SOVANNARA To Begin Hunger Strike in Prey Sar Prison* *លោកមាជ សុវណ្ណារ៉ា ប្រកាសធ្វើកូដកម្មបង្អត់អាហារ នៅគុកព្រៃស* ដោយ អ៊ឹម រចនា <http://km.rfi.fr/auteur/%E1%9E%A2%E1%9F%8A%E1%9E%B9%E1%9E%98-%E1%9E%9A%E1%9E%85%E1%9E%93%E1%9E%B6/> rfi | ចុះផ្សាយនៅថ្ងៃ 05/12/2014 [image: media] លោកមាជ សុវណ្ណារ៉ា ប្រធាននាយកដ្ឋានព័ត៌មាននិងផ្សព្វផ្សាយនៃគណបក្សសង្គ្រោះជាតិ។@Meach Sovannara CNRP ពីគុកព្រៃស លោកមាជ សុវណ្ណារ៉ា ប្រធាននាយកដ្ឋានព័ត៌មាននិងផ្សព្វផ្សាយនៃគណបក្សសង្គ្រោះជាតិ បានសរសេរសេចក្ដីប្រកាសព័ត៌មានមួយ នៅថ្ងៃសុក្រ ទី៥ខែធ្នូនេះថា លោកនឹងធ្វើកូដកម្មបង្អត់អាហារ នៅក្នុងបន្ទប់ឃុំឃាំង និងមិនទទួលជួបភ្ញៀវនិងក្រុមគ្រួសារឡើយ។ កូដកម្មនេះ នឹងចាប់ផ្ដើមអនុវត្តពីថ្ងៃសៅរ៍ស្អែក រហូតដល់ថ្ងៃទី១០ខែធ្នូ ដែលជាទិវាសិទ្ធិមនុស្សអន្ដរជាតិ។ ការប្រកាសរបស់លោកមាជ សុវណ្ណារ៉ាដូច្នេះ បានធ្វើឡើងស្របពេលដែលសាលាឧទ្ធរណ៍ គ្រោងនឹងបើកសវនាការលើបណ្ដឹងសុំនៅក្រៅឃុំរបស់លោក នៅថ្ងៃទី១២ធ្នូខាងមុខនេះ។ កូដកម្មបង្អត់អាហាររបស់លោកមាជ សុវណ្ណារ៉ា បើតាមសេចក្ដីប្រកាសព័ត៌មានសរសេរដោយដៃចុះថ្ងៃទី៥ធ្នូនេះ ធ្វើឡើងដើម្បីបង្រួមចិត្តស្ងប់ ទាមទារឲ្យបញ្ចប់នូវវប្បធម៌និទណ្ឌភាពនៅកម្ពុជា។ គោលដៅសំខាន់មួយទៀត គឺដើម្បីរួមជាមួយអង្គការសង្គមស៊ីវិលនានា ដែលកំពុងធ្វើយុទ្ធនាការ១៦ថ្ងៃ ប្រឆាំងនឹងការរើសអើង និងអំពើហិង្សាលើស្ដ្រីនិងកុមារ នៅក្នុងខែធ្នូនេះផងដែរ។ ប្រធាននាយកដ្ឋានព័ត៌មាននិងផ្សព្វផ្សាយនៃគណបក្សប្រឆាំងរូបនេះ បានហៅខ្លួនឯងថា ជាអ្នកទោសនយោបាយ និងបានបរិហារថា អ្នកដឹកនាំកម្ពុជា មិនទាន់មានសុឆន្ទៈជាអ្នកដឹកនាំមានគុណធម៌ នៅឡើយទេ។ លោកបន្តទៀតថា រហូតមកទល់ពេលនេះ កម្ពុជាកំពុងស្ថិតនៅក្នុងស្រមោលប្រជាធិបតេយ្យនៅឡើយទេ បើទោះបីជាកម្ពុជាបានទទួលស្គាល់នូវកិច្ចព្រមព្រៀងសន្តិភាពទីក្រុងប៉ារីស ថ្ងៃទី២៣តុលា ឆ្នាំ១៩៩១ហើយក៏ដោយចុះ។
មន្ដ្រីគណបក្សសង្គ្រោះជាតិរូបនេះ បានអំពាវនាវដល់រដ្ឋាភិបាល ឲ្យបើកចិត្តទទួលស្ដាប់ និងពិចារណាលើយោបល់សង្គមស៊ីវិល និងអ្នកកាសែតឯករាជ្យ ដោយចិត្តស្មោះ។ សង្គមស៊ីវិល និងអ្នកកាសែតឯករាជ្យ ទាំងជាតិនិងអន្ដរជាតិ ដែលលោកមាជ សុវណ្ណារ៉ា គូសបញ្ជាក់ថា ជាកញ្ចក់ឆ្លុះបញ្ចាំងពីតម្លាភាព និងយុត្តិធម៌សង្គម។ គួរជម្រាបជូនថា ការប្រកាសរបស់លោកមាជ សុវណ្ណារ៉ាដូច្នេះ បានធ្វើឡើងស្របពេលដែលសាលាឧទ្ធរណ៍ គ្រោងនឹងបើកសវនាការលើបណ្ដឹងសុំនៅក្រៅឃុំរបស់លោក នៅថ្ងៃទី១២ធ្នូខាងមុខនេះ។ លោកមាជ សុវណ្ណារ៉ា ត្រូវបានចាប់ខ្លួនកាលពីថ្ងៃទី១១ខែវិច្ឆិកា កន្លងទៅ នៅពេលដែលលោកកំពុងធ្វើដំណើរតាមដងផ្លូវ។ លោកត្រូវបានតុលាការចោទប្រកាន់ថាបានដឹកនាំធ្វើកុបកម្ម ញុះញង់ឲ្យប្រព្រឹត្តបទឧក្រិដ្ឋ និងផ្ដើមគំនិតក្នុងអំពើហិង្សាដោយចេតនាមានស្ថានទំងន់ទោស នៅក្នុងបាតុកម្មរំដោះទីលានប្រជាធិបតេយ្យ កាលពីថ្ងៃទី១៥កក្កដា៕ -- Best Regards, *Khmer Forum* *A place for sharing community events and public news.* -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to [email protected]. For more options, visit https://groups.google.com/d/optout.
