*Nephew of Hun Sen is made one-star general - ហ៊ុន ជា ត្រូវដំឡើងឋានៈជាឧត្តមសេនីយ៍ត្រី* http://www.phnompenhpost.com/national/nephew-hun-sen-made-one-star-general
Thu, 11 December 2014| May Titthara | The Phnom Penh Post Prime Minister Hun Sen has promoted his wayward nephew Hun Chea to brigadier general in the National Police, despite a less than sterling reputation as an upholder of law and order. Chea was promoted to the role under a Royal Decree published by the Council of Ministers on October 19, which was signed by Senate President Chea Sim on September 12. “Hun Sen, prime minister of Cambodia, must implement the decree from the day of its signing,” it reads. *Chea has had several run-ins with the law himself over the years.* In December 2010, Hun Sen made an unusual public appeal for Chea to return home after his uncle accused him of cheating on his wife and involvement with drugs. He also called on hotel owners to bar Chea from staying on their property. *“According to the investigation, now [Hun Chea] is staying in a hotel with a woman, and there is a group of drug [users] involved with him,” Hun Sen said at the time.* “[I] will not tolerate involvement in [drugs] . . . There must be law enforcement, it doesn’t matter if he is the nephew of the prime minister.” Kirt Chantharith, spokesman of the National Police, declined to comment on the promotion yesterday, saying he was unaware of the decree. Khieu Sopheak, spokesman at the Ministry of Interior, could not be reached. Am Sam Ath, senior technical officer of Licadho, said it was “nothing strange” for a powerful man with family connections to the elite to get promoted despite a questionable past. *Chea is the second of the prime minister’s relatives to receive promotions in the past few months. In August, Dy Vichea, a son-in-law to Hun Sen and the late police chief Hok Lundy, was appointed to the crucial role of director of central security. The announcement was made just days after Hun Sen had said he would refrain from favouritism towards his family in assigning official positions.* *In 2002, charges against Chea and Hun To, another nephew of Hun Sen, were dropped after there was insufficient evidence linking the two men to a shoot-out at a beer garden that injured two people.* *ហ៊ុន ជា ត្រូវដំឡើងឋានៈជាឧត្តមសេនីយ៍ត្រី* Thu, 11 December 2014 ម៉ៃ ទិត្យថារ៉ា <http://postkhmer.com/author/%E1%9E%98%E1%9F%89%E1%9F%83-%E1%9E%91%E1%9E%B7%E1%9E%8F%E1%9F%92%E1%9E%99%E1%9E%90%E1%9E%B6%E1%9E%9A%E1%9F%89%E1%9E%B6/356> ភ្នំពេញ ប៉ុស្តិ៍ *ភ្នំពេញៈ* លោក ហ៊ុន ជា ក្មួយប្រុសលោកនាយករដ្ឋមន្ត្រី ហ៊ុន សែន ត្រូវបានប្រមុខរដ្ឋស្តីទី លោក ជា ស៊ីម ដំឡើងឋានន្តរស័ក្តិជាឧត្តមសេនីយ៍ត្រី ក្នុងក្របខ័ណ្ឌមន្ត្រីនគរបាលជាតិនៃក្រសួងមហាផ្ទៃ។ នេះបើយោងទៅតាមព្រះរាជក្រឹត្យ ដែលបានចេញផ្សាយដោយទីស្តីការគណៈរដ្ឋមន្ត្រីចុះថ្ងៃ ទី១៩ ខែតុលា ឆ្នាំ២០១៤ កន្លងទៅ។ យោងទៅតាមព្រះរាជក្រឹត្យដែលចេញផ្សាយដោយទីស្តីការគណៈរដ្ឋមន្ត្រី ចុះហត្ថលេខាដោយលោក សយ សុខា នៅថ្ងៃ ទី១៨ ខែកញ្ញា ឆ្នាំ២០១៤ ព្រះមហាក្សត្រទ្រង់ត្រាស់បង្គាប់ដំឡើងឋានន្តរស័ក្តិថ្នាក់ឧត្តមសេនីយ៍ត្រីជូននគរបាលជាន់ខ្ពស់ក្របខ័ណ្ឌមន្ត្រីនគរបាលជាតិកម្ពុជានៃក្រសួងមហាផ្ទៃ ២៦ រូប ក្នុងនោះលោក ហ៊ុន ជា គឺជាវរសេនីយ៍ឯកនៅក្នុងលេខរៀង ទី២៦ អត្តលេខ ៥៥៥៥៥ ត្រូវបានដំឡើងឋានន្តរស័ក្តិជាឧត្តមសេនីយ៍ត្រី។ នៅក្នុងព្រះរាជក្រឹត្យត្រាស់បង្គាប់ថា៖ «សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវទទួលបន្ទុកអនុវត្តព្រះរាជក្រឹត្យនេះចាប់ពីថ្ងៃឡាយព្រះហស្តលេខា តទៅ»។ *សូមរំឭកថា កាលពី ខែសីហា ឆ្នាំ២០០៨ គេហទំព័រ **Topix Cambodia **បានចុះផ្សាយអត្ថបទមួយសរសេរថា ក្រុមក្មួយៗរបស់លោកនាយករដ្ឋមន្ត្រី ហ៊ុន សែន គឺជាក្រុមបងធំលេខ ១ នៅស្រុកខ្មែរ។* គេហទំព័រនេះបានចងក្រងសំណុំរឿងមួយចំនួនដែលប្រព្រឹត្តឡើងដោយក្រុមបងធំទាំងនោះ មានករណីលោក ហ៊ុន ជា កូនប្រុសលោក ហ៊ុន សាន កាលពីថ្ងៃ ទី០៣ ខែសីហា ឆ្នាំ២០០៨ វេលាម៉ោង ១១:៣០ នាទីយប់ បានបើករថយន្តម៉ាក Cadillac Escalade SUV ពណ៌ខ្មៅ ក្នុងល្បឿន ១០០ គីឡូម៉ែត្រក្នុង ១ ម៉ោងនៅលើមហាវិថីសុធារស ហើយទៅបុកបុរសម្នាក់កំពុងជិះម៉ូតូបណ្ដាលឲ្យដាច់ដៃនិងជើងឆ្វេង។ នៅមុនថ្ងៃកើតហេតុ លោក ហ៊ុន ជា ក៏បានបាញ់ចំនួន ៧ គ្រាប់ឡើងទៅលើក្នុងក្លិបខារ៉ាអូខេមួយក្នុងទីក្រុងភ្នំពេញ និងបាញ់បីគ្រាប់ទៀត គំរាមមន្ត្រីប៉ូលិសមិនឲ្យចូលទៅជិតកន្លែងកើតហេតុ។ ក្នុង ឆ្នាំ២០១០ ក្នុងឱកាសសម្ពោធស្ពានអាកាសក្បាលថ្នល់ដែលជាស្ពានអាកាសដំបូងនៅកម្ពុជា លោកនាយករដ្ឋមន្ត្រី ហ៊ុន សែន ក៏បានបញ្ជាឲ្យលោកនាយឧត្តមសេនីយ៍ នេត សាវឿន អគ្គស្នងការប៉ូលិសជាតិតាមរកក្មួយប្រុសលោកដែលចុះចេញពីផ្ទះទៅស្នាក់នៅ សណ្ឋាគារជាមួយស្រីស្នេហ៍និងបានសង្ស័យថា អាចជាប់ពាក់ព័ន្ធជាមួយពួកជួញដូរគ្រឿងញៀនផង បន្ទាប់ពីប៉ូលិសចាប់បានជនសង្ស័យជួញដូរគ្រឿងញៀននិងរឹបអូសបានថ្នាំញៀនប្រមាណ ៧ លានគ្រាប់។ លោក ហ៊ុន សែន ថ្លែងថា៖ «ខ្ញុំសូមអំពាវនាវចំពោះលោកក្មួយ ហ៊ុន ជា សូមអញ្ជើញចូលផ្ទះ។ ឥឡូវនេះតាមការស៊ើបដឹង វាបានចុះចេញពីផ្ទះទៅនៅសណ្ឋាគារជាមួយស្រីម្នាក់ ហើយវាអាចមានបក្ខពួកគ្រឿងញៀនទៀតផង។ លោកឧត្តមសេនីយ៍ នេត សាវឿន ក្នុងឋានៈជាបងជីដូនមួយ ត្រូវតាមរកលោក ហ៊ុន ជា ឲ្យឃើញ។ បើក្មួយ ហ៊ុន ជា បានឮដំណឹងហើយក្មួយត្រូវត្រឡប់មកផ្ទះឲ្យលឿន។ ឪពុកមា មិនអាចអត់ឱនឲ្យបានទេ។ ម្តាយឪពុកខ្លួនឯងឈឺ និងម្តាយក្មេកឈឺ។ ប្រពន្ធដេកយំនៅផ្ទះជាមួយកូនពីរនាក់ ខ្លួនឯងទៅជាមួយស្រីក្មេងបាត់ទៅ»។ លោក គៀត ច័ន្ធថារិទ្ធ អ្នកនាំពាក្យអគ្គស្នងការនគរបាលជាតិបានបដិសេធអត្ថាធិប្បាយដោយគ្រាន់តែបានបញ្ជាក់ខ្លីថា៖ «ខ្ញុំមិនបានដឹងទេ ទាក់ទងទៅនឹងការដំឡើងឋានន្តរស័ក្តិលោក ហ៊ុន ជា នោះ» ។ ចំណែកឯ លោក ខៀវ សុភ័គ អ្នកនាំពាក្យក្រសួងមហាផ្ទៃពុំអាចទាក់ទងដើម្បីធ្វើការអត្ថាធិប្បាយទេកាលពីម្សិលមិញ។ លោក អំ សំអាត មន្ត្រីស៊ើបអង្កេតជាន់ខ្ពស់អង្គការការពារសិទ្ធិមនុស្សលីកាដូ បានថ្លែងថា ចំពោះការតែងតាំងគ្រួសារអ្នកមានអំណាចនោះគឺពុំមានអ្វីដែលប្លែកឬក៏ត្រូវនិយាយនោះទេ ពីព្រោះគេចង់តែងតាំងអ្នកណាក៏បានដែរសព្វថ្ងៃ។ លោកបានថ្លែងឲ្យដឹងថា៖ «ចំពោះអ្នកដែលស្នេហាជាតិពិតប្រាកដ ពុំដែលត្រូវរដ្ឋាភិបាលយកចិត្តទុកដាក់នោះទេ»។ កាលពី ខែសីហា ឆ្នាំ២០១៤ ក្រសួងមហាផ្ទៃក៏បានតែងតាំងកូនប្រសាលោកនាយករដ្ឋមន្ត្រី ហ៊ុន សែន គឺលោកឧត្តមសេនីយ៍ទោ ឌី វិជ្ជា ជាប្រធាននាយកដ្ឋានកណ្ដាលសន្តិសុខផងដែរ។ ការតែងតាំងឲ្យទទួលតំណែងនេះ ធ្វើឡើងតែប៉ុន្មានថ្ងៃ ក្រោយពេលដែលលោកនាយករដ្ឋមន្ត្រី ហ៊ុន សែន ប្រកាសជាសាធារណៈថា លោកមានការលំបាកក្នុងការរកការងារឲ្យកូនចៅធ្វើឲ្យមានបុណ្យស័ក្ដិនឹងគេ ដោយសារតែលោកមានតំណែងខ្ពស់ពេក ហើយមិនចង់ឮពាក្យថា លោកជាអ្នកដឹកនាំគ្រួសារនិយម៕ -- Best Regards, *Khmer Forum* *A place for sharing community events and public news.* -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to [email protected]. For more options, visit https://groups.google.com/d/optout.
