ជំនួបរវាងលោក ចន ឃែរី និងលោក កឹម សុខា: https://youtu.be/Me2OCaR6f3U ការអញ្ជើញមកដល់របស់លោករដ្ឋមន្ត្រីការបរទេសអាមេរិក: https://youtu.be/JjVsJXo4iQA ប្រមុខការទូតស.រ.អា.មកកម្ពុជាពិភាក្សាកិច្ចការទ្វេភាគីនិងបញ្ហាតំបន់: https://youtu.be/swW-8S50tps
លោក ចន ឃែរី សង្កត់ធ្ងន់ពីដំណើរការលទ្ធិប្រជាធិបតេយ្យនិងការបោះឆ្នោតនៅកម្ពុជា ក្រោយធ្វើទស្សនកិច្ចពីរថ្ងៃនៅភ្នំពេញ ដោយ អ៊ឹម រចនា <http://km.rfi.fr/auteur/%E1%9E%A2%E1%9F%8A%E1%9E%B9%E1%9E%98-%E1%9E%9A%E1%9E%85%E1%9E%93%E1%9E%B6/> 27/01/201627/01/2016rfi [image: media] លោករដ្ឋមន្ត្រីការបរទេសអាមេរិក ចន ឃឺរ៉ី។@RFI/Siv Channa នៅក្នុងដំណើរទស្សនកិច្ចផ្លូវការរយៈពេលពីរថ្ងៃនៅភ្នំពេញ លោក ចន ឃែរី ប្រមុខការទូតអាមេរិក បានលើកយកបញ្ហាជាច្រើន ទៅជជែកជាមួយប្រមុខដឹកនាំ តំណាងបក្សប្រឆាំង និងតំណាងសង្គមស៊ីវិលនៅកម្ពុជា។ ក្នុងចំណោមនោះ ដំណើរការលទ្ធិប្រជាធិបតេយ្យ និងការបោះឆ្នោតនៅកម្ពុជា គឺជាប្រធានបទសំខាន់ ដែលត្រូវបានភាគីអាមេរិក លើកយកទៅដាក់លើតុពិភាក្សា។ ដំណើរទស្សនកិច្ចរបស់លោក John Kerry រដ្ឋមន្ត្រីក្រសួងការបរទេសអាមេរិក បានបិទបញ្ចប់ហើយនៅកម្ពុជា នៅថ្ងៃអង្គារទី២៦មករា។ នៅក្នុងសន្និសីទសារព័ត៌មានក្រោយបិទបញ្ចប់ទស្សនកិច្ច លោក ចន ឃែរី បានប្ដេជ្ញាចិត្តបន្តទំនាក់ទំនងល្អរវាងប្រទេសទាំងពីរ។ បើតាមលោក ចន ឃែរី អាមេរិក នឹងជំរុញបន្ថែមឲ្យកម្ពុជា បន្តអនុវត្តលទ្ធិប្រជាធិបតេយ្យ លើកកម្ពស់សិទ្ធិមនុស្ស ព្រមទាំងធានាដំណើរការបោះឆ្នោតដោយសេរីនិងយុត្តិធម៌។ ទាក់ទងនឹងដំណើរការលទ្ធិប្រជាធិបតេយ្យ។ ប្រមុខការទូតអាមេរិក បានសង្កត់ធ្ងន់ចំពោះរដ្ឋាភិបាល ដែលត្រូវធ្វើឲ្យប្រាកដថា អ្នកតំណាងរាស្ត្រជាប់ឆ្នោតទាំងអស់ អាចធ្វើសកម្មភាព បំពេញតួនាទីរបស់ខ្លួនបម្រើប្រជាពលរដ្ឋ ដោយគ្មានការភ័យខ្លាច ការវាយធ្វើបាប និងការចាប់ខ្លួនជាដើម។ បើតាមលោក ចន ឃែរី នេះគឺជាគោលការណ៍គ្រឹះរបស់រដ្ឋាភិបាល ក្នុងសង្គមប្រជាធិបតេយ្យ។ ខណៈដែលកម្ពុជាត្រូវរៀបចំការបោះឆ្នោតនៅឆ្នាំ២០១៧ និងឆ្នាំ២០១៨ខាងមុខ ប្រមុខការទូតអាមេរិកគូសបញ្ជាក់ថា ការជជែកដេញដោលគ្នាផ្នែកនយោបាយដោយសន្តិភាព មានភាពចាំបាច់ណាស់។ និងថា អាមេរិក នឹងធ្វើការយ៉ាងជិតស្និទ្ធជាមួយកម្ពុជា សម្រាប់ការបោះឆ្នោតក្រោយៗទៀត។ សូមជម្រាបជូនថា ការលើកឡើងរបស់ប្រមុខកាទូតអាមេរិកដូច្នេះ ធ្វើឡើងខណៈពេលដែលកម្ពុជាកំពុងធ្វើកំណែទម្រង់ការបោះឆ្នោត ដោយមានជំនួយពីប្រទេសជប៉ុន និងសហភាពអឺរ៉ុប។ និងបន្ទាប់ពីមានការដកអភ័យឯកសិទ្ធិនិងបុព្វសិទ្ធិជាតំណាងរាស្ត្ររបស់លោក សម រង្ស៊ី ប្រធានគណបក្សសង្គ្រោះជាតិ ការវាយដំដោយហិង្សាទៅលើតំ ណាងរាស្ត្រពីររូបរបស់គណបក្សជំទាស់នៅក្បែររបងរដ្ឋសភា និងការដកតំណែងអនុប្រធានទី១នៃរដ្ឋសភា របស់លោក កឹម សុខា ប្រធានស្ដីទីគណបក្សសង្គ្រោះជាតិកាលពីចុងឆ្នាំ២០១៥កន្លងទៅ។ ទន្ទឹមនឹងប្រធានបទដ៏រសើបទាំងនេះ ប្រមុខការទូតអាមេរិកបានឆ្ លៀតឱកាសគូសបញ្ជាក់ពីភាពរីកចម្រើនផ្នែកសេដ្ឋកិច្ចរបស់កម្ពុជា។ ដោយក្នុងនោះ អាមេរិក គឺជាទីផ្សារនាំចេញដ៏ធំមួយរបស់កម្ពុជា ដែលមានតម្លៃជិតពីរពាន់លានដុល្លារ នៅឆ្នាំ២០១៤។ ប៉ុន្តែការពង្រីកទំនាក់ទំនងពាណិជ្ជកម្មណាមួយជាមួយកម្ពុជានាពេលខាងមុខ វាត្រូវអាស្រ័យលើដំណោះស្រាយរបស់កម្ពុជា ចំពោះបញ្ហារសើបដែលបានលើក ឡើងខាងដើមផង៕ -- Best Regards, *Khmer Forum* *A place for sharing community events and public news.* -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to [email protected]. For more options, visit https://groups.google.com/d/optout.
