*លោក កឹម សុខា ថាបក្សប្រជាជនចៀសមិនរួចពីការចាញ់ឆ្នោតឆ្នាំ ២០១៨ *
Fri, 30 June 2017 | មាស សុខជា | <http://www.postkhmer.com/author/%E1%9E%98%E1%9E%B6%E1%9E%9F-%E1%9E%9F%E1%9E%BB%E1%9E%81%E1%9E%87%E1%9E%B6/417> ភ្នំពេញ ប៉ុស្តិ៍ [image: http://www.postkhmer.com/sites/default/files/styles/full-screen/public/field/image/4-KimSokha_12.jpg?itok=Ugt3OX0R] លោក កឹម សុខា ពន្យល់ប្រាប់អ្នកគាំទ្រនៅខេត្តកំពង់ស្ពឺពីការធ្លាក់ចុះសំឡេងរបស់ CPP។ រូបថត ហ្វេសប៊ុក *កំពង់ស្ពឺៈ* លោក កឹម សុខា ប្រធានគណបក្សប្រឆាំងបានព្យា ករថាគណបក្សកាន់អំណាចចៀសមិនរួចពីការចាញ់នៅក្នុងកា របោះឆ្នោតជាតិឆ្នាំក្រោយនោះទេ ពីព្រោះសំឡេងគាំទ្ររបស់ គណបក្សនេះបានធ្លាក់ចុះបន្តិចម្តងៗចាប់តាំងពីឆ្នាំ ២០០២ រហូតមក។ នៅក្នុងពិធីអរគុណអ្នកបោះឆ្នោតក្នុងខេត្តកំពង់ស្ពឺកាលពីម្សិលមិញលោក កឹម សុខា ប្រធានគណបក្សសង្គ្រោះជាតិបានឆ្លៀតឱកាសនេះទាញចំណាប់អារម្មណ៍ និងព្យាករ អំពីការចាញ់ និងឈ្នះរវាងគណបក្សប្រជាជនកម្ពុជា និងគណបក្សសង្គ្រោះជាតិដោយលោក កឹម សុខា បានចង្អុលបង្ហាញថាគណបក្សប្រជាជនកម្ពុជាកំពុងធ្លាក់ចុះ ហើយគណបក្សសង្គ្រោះជាតិកំពុងកើនឡើង។ លោក កឹម សុខា បានប្រាប់អ្នកគាំទ្រថាគណបក្សប្រជាជនកម្ពុជាកំពុង ដើរឆ្ពោះទៅរកការចាញ់ក្នុងការបោះឆ្នោតជាតិឆ្នាំ ២០១៨ ហើយគណបក្សសង្គ្រោះជាតិកំពុងដើរឆ្ពោះទៅរកការឈ្នះឆ្នោ តនៅក្នុងការបោះឆ្នោតជាតិឆ្នាំ ២០១៨ ដើម្បីដឹកនាំប្រទេស ខណៈសំឡេងគាំទ្ររបស់គណបក្សសង្គ្រោះជាតិកើនឡើងជាង ៣ លានសំឡេង ហើយមេឃុំសង្កាត់របស់គណបក្សសង្គ្រោះជាតិបានកើនឡើងពី ៤០ ក្នុងឆ្នាំ ២០១២ ដល់ ៤៨៩ មេឃុំ ចៅសង្កាត់ក្នុងឆ្នាំ ២០១៧ ហើយពួកគេក៏កំពុងរៀបចំចូលកាន់តំណែងមេឃុំ ចៅសង្កាត់ ក្នុងចំណោមឃុំ សង្កាត់ចំនួន ១៦-៤៦ ឃុំសង្កាត់ទូទាំងប្រទេសផងដែរ ខណៈគណបក្សប្រជាជនកាន់កាប់តំណែងមេឃុំ សង្កាត់ ១១៥៦ នៅសល់ពីការចាញ់។ « លទ្ធផលនៃការបោះឆ្នោតបានឆ្លុះបញ្ចាំងម្តងទៀតថា គណបក្សកាន់អំណាចកំពុងធ្លាក់ចុះសំឡេងគាំទ្រ។ ប្រជាប្រិយភាពរបស់គាត់កំពុងធ្លាក់ចុះ។ ធ្លាក់ចុះរាល់អាណត្តិចាប់តាំងពីអាណត្តិឆ្នាំ ២០០២- ២០០៧- ២០១២ និងឥឡូវនេះឆ្នាំ ២០១៧ ជិតចប់ហើយបងប្អូន»។ លោកបន្ថែមថាតាមរយៈលទ្ធផលនេះបង្ហាញថាប្រជាប្រិយភាពរបស់ គណបក្សសង្គ្រោះជាតិបានកើនឡើង សំឡេងគាំទ្រហើយអាសនៈឃុំ សង្កាត់បន្តកើនឡើងជាង ១០ ដង។ លោក សុខា បានអះអាងថាឆ្នាំ ២០១២ សំឡេងគាំទ្ររបស់គណបក្សប្រជាជនកម្ពុជាគឺជាង ៦១% ស្មើជាង ៣ លានសំឡេងហើយក្នុងឆ្នាំ ២០១៧ គណបក្សប្រជាជនកម្ពុជាបានធ្លាក់ចុះពី ៦១,៨% ដល់ ៥០,៨%។ ក្នុងឆ្នាំ២០១២ សំឡេងគាំទ្ររបស់គណបក្សសង្គ្រោះជាតិគឺ ១ លាន ៨ សែនស្មើ ៣០,៧% ហើយឥឡូវនេះគណបក្សសង្គ្រោះជាតិឈ្នះ ៤៣,៨% ស្មើជាង ៣ លានសំឡេងផងដែរ។ លោក សុខា បានថ្លែងបន្តថា៖ «បើទោះបីជា [គណបក្សប្រជាជនកម្ពុជា] ព្យាយាមកែយ៉ាងណាក៏ដោយ ក៏ [គណបក្សប្រជាជនកម្ពុជា] នឹងធ្លាក់ចុះជារៀងរហូតដល់ក្រោម ៥០%»។ ប៉ុន្តែអ្នកនាំពាក្យគណបក្សប្រជាជនលោក សុខ ឥសាន បានចាត់ទុកការលើកឡើងរបស់លោក សុខា ថាជាការប្រមូលអ្នកគាំទ្រ របស់គាត់សម្រាប់ផលចំណេញនយោបាយហើយលោករំពឹងថាគណបក្សប្ រជាជននៅតែកាន់កាប់អាសនៈក្នុងរដ្ឋសភាច្រើនជាងគណបក្ស សង្គ្រោះជាតិដោយផ្អែកទៅលើសំឡេងគាំទ្រ ៣ លាន ៥ សែនសំឡេងរបស់គណបក្សប្រជាជន។ លោក សុខ ឥសាន ថ្លែងថា៖ « នេះចុះឡើងដូចទូកនៅកណ្តាលសមុទ្រប៉ះរលក។ យើងធ្វើគណបក្ស វាគឺស្រដៀងនេះដែរ។ ការបញ្ចេញមតិយោបល់របស់ប្រជាពលរដ្ឋ វាមិនទៀងទេ។ សូមរង់ចាំមើលលទ្ធផលប្រកាសរួចរាល់សិន»។ លោក សំ គន្ធាមី នាយកប្រតិបត្តិនៃអង្គការនិចហ្វិកបានថ្លែងថាផ្អែកតាមតួលេខ សំឡេងគាំទ្ររបស់គណបក្សសង្គ្រោះជាតិពិតជាបានកើនឡើង ប៉ុន្តែលោកថាគណបក្សណាឈ្នះនៅក្នុងការបោះឆ្នោតឆ្នាំក្ រោយវាអាស្រ័យទៅកម្មវិធីនយោបាយរបស់គណបក្សនីមួយៗ។ ប៉ុន្តែលោក សំ គន្ធាមី ហាក់បីដូចជាស្ទាក់ស្ទើរក្នុងការនិយាយថាសំឡេងឆ្នោត របស់គណបក្សប្រជាជនកម្ពុជាកំពុងធ្លាក់ចុះ។ លោក គន្ធាមី ថ្លែងថា៖ «[គណបក្សប្រជាជន] មិនធ្លាក់ចុះរាល់អាណត្តិទេ ពីព្រោះយើងឃើញថាសំឡេងសរុបនៅតែជាង ៣ លាន។ សម្ទុះនៃការគាំទ្រផ្អែកទៅលើ [កម្មវិធីនយោបាយ]។ យើងត្រូវមើលទៅលើកម្មវិធីនយោបាយរបស់គណបក្សនីមួយៗ ពីព្រោះប្រជាពលរដ្ឋដែលជាអ្នកបោះឆ្នោតមើលទៅលើកម្មវិធីនេះ»៕ PS -- Best Regards, *Khmer Forum* *A place for sharing community events and public news.* -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to [email protected]. For more options, visit https://groups.google.com/d/optout.
