Li Gundê Sîsîfosê Rojekê Nîsanê
Cerdevanên gund çekên xwe dîsa
Zivirandin ser gundîyan.
Li hember gur û çeqalan berxên me
Li hember xenzîrên how zevîyên me
Ji bo kû biparêzin
Me ji qirika bebik û sêwîyên xwe birrîye
Ewên ku me çek avêtî ser milên wan
Ewên ku me cil û çek li wan pêçaye
Ewên ku me xwarin û vexwarin daye wan
Carek di jî berî çekên xwe dan
Ser gundîyên bêdev û bêziman.
Berî çekên xwe dan
Ser gundîyên di kar û xebatên xwe de
Ewên di 'erd û baxçeyên xwe de dişixulin
Ewên dajon axê bi niçikên hestîyen xwe
Ewên aşêf dikin zevîyan.
Û ji me re ferman kirin kû
Em dîsa bikevin ser çokan
Û tozê postalên wan bigrin;
Pispis û parazîtên gund
Ebeboz û peyagirên gund jî
Li çepikan xistin ji wan re, dev bişirîn,
Li teneke xistin
Û dest bi leyîstinê kirin.
Bi wî awayî, carek di jî,
Li ber zarokên me heqaret li me kirin;
Li ber jinên me, me bi girî kirin,
Li ber êl alem, li ber gundê cîranan
Me li 'erdê dan mêze kirin.
Bi wî awayî, carek di jî,
Herî azad, herî ava,
Li hember gur û çeqalan biamînî
Dest bi dest, mil bi mil
Hewesa xebitandin û lebitîn
Hilberandin û parî kirin
Û hevdu hezkirina me
Ber gewrîya me de hiştin.
Lê dema evana dibûn,
Ji her tiştî bêxeber dînê gund,
Hewayê de bi hejikandina çoyê xwe,
Ji serê meydanê bi bazdanê hat
Û bi îşaretên ji bêzimana re xas,
Ji me re wî dara
Di nav şafirê bidirişk de hişk bûye
Mizgîna hêşîn bûna wî
Salan duv salan mizgîna
Çîçek dayîna wî anî.
Û pê ve kir:
Li bin dara hêjîrê da jî
Meryema bakîre vî carî,
Gedeyek mîna stêrk ne tenê,
Gedeyên mîna stêrkan,
Qîzên mîna hîvan,
Wek mûcîze, cewîyan,
Pêncberan, nehan
Anîye dinê...
Û dest pê kirina axaftina bebikan
Çer hatine dinê...
Cahit KOYTAK
Ji Tirkî: Baran ÇAÇAN
--~--~---------~--~----~------------~-------~--~----~
- Diwanxane, platformek azad u serbixwe; koma hemi Kurda ye. Diwanxane
grubeke ideolojik nine. Li ve dere demokrasi serdest e; hemu Kurd dikarin bir u
ramanen xwe bi serbesti binin ziman. Lebele di nava me de heqaret u rexneyen
reshkirine qedexe ne. Ji kerema xwe, hevalen ku Kurdi dinivisin, dixwinin an ji
teze hin dibin; ki dibin bila bibin, deweti Diwanxane bikin.
- Grubumuzdaki yazilarin hukuki sorumlulugu yazarlarina aittir. Kurd kultur
milliyetciligi esas alinir. Her inanisa, her millete saygili olan bu BAGIMSIZ
grupta ideolojik propagandalara sicak bakilmaz. Imlasi, anlatimi savruk;
saldirganlik ya da siddet iceren gereksiz mailler onaylanmaz. Kurtce mesajlara
oncelik taninir. MODERATORLER: Fatma Zelal, Serger Barî, Xanim Rojda, Mihemed
Rojbin ANA SAYFAMIZ: http://groups.google.com.tr/group/diwanxane
-~----------~----~----~----~------~----~------~--~---
