ENSTÎTUYA KURDÎ YA AMEDÊ Û PIRTÛKA MATEMATÎKÊXwendevanên hêja; Wek Enstîtuya Kurdî ya Amedê heta niha em bi piranî bi berhemên wêjeyî û çandî derketin pêşberî we. Lê em dizanin saziyeke ku navê wê Enstîtuya Kurdî be her çiqas giraniyê bide berhemên wêjeyî û çandî jî karê wê tenê ne ev e. Divê di gelek qadan de bixebite û ji bo afirandina lîteratura kurdî ya di her qada zanistî û ramyarî de hewl bide. Rêzdar Hesen GUNEYLÎ di encama xebateke demdirêj de ev berhem afirandiye. Di vê berhemê de hinek xalên sereke yên Matematîkê bi kurdî hatine ravekirin. Ev destpêkeke hînbûna matematîkê ya bi kurdî ye. Hinek mijarên sereke û têgihên matematîkî di berhemê de cih digirin. Ji ber ku destpêk e mijar bi berfirehî û kitekit negirtiye dest. Lê em bawer in ji bo pêşketina lîteratura matematîkê di kurdî de dê roleke girîng bilîze. Hinek mijarên sereke yên ku di vê berhemê de cih negirtine jî dê di çapa duyem an jî cîlda duyem de cih bigirin. Em hêvîdar in em ê wan jî bigihînin ber destên we. Jixwe nivîskar xebatên xwe bênavber didomîne û hewl dide ku ji tevahiya berhemên matematîkê yên ku heta niha hatine amadekirin jî sûdê werbigire. Her çiqas zêde dixwest jî berhemên ku li Başûr hatine amadekirin negihîştin ber destên wî. Di dawiya pirtûkê de ferhenga kurdî–tirkî–îngilîzî ya têgihên ku hatine bikaranîn cih digire. Di navlêkirinan de bi piranî ji ferheng û berhemên heyî sûd hatiye wergirtin. Kesên ku ji bo van navlêkirinan xwediyê ramanên cuda bin ku nêrînên xwe bi me û nivîskar re par ve bikin em ê kêfxweş bibin. Hûn dikarin ji malpera bi navê http://www.matematikakurdi.com/ û Enstîtuya Kurdî ya Amedê re van dîtinên xwe ragihînin. Ev berhem ji bo me di heman demê de destpêka pêvajoya nîqaşa têgihên matematîkî ye jî. Xwendevan û xebatkarên zimanê kurdî yên hêja; Wek ku me li jorê jî got heta niha me giraniya xwe da xebatên çand û wêjeyî. Lê ziman bi tenê di qada çand û wêjeyê de nayê bikaranîn di her qada jiyanê de tê bikaranîn. Ji ber vê yekê pêşketina ziman tenê bi qada çand û wêjeyî ve ne girêdayî ye. Di heman demê de bi qada zanistî ve jî girêdayî ye. Ji ber vê yekê digel xebatên çandî û wêjeyî bi qasî hêza xwe em ê giraniya xwe bidin xebatên zanistî yên wek matematîk, fîzîk, kîmya, biyolojî û hwd. Kesên ku dixwazin di van qadan de bixebitin an jî dixebitin û berhemên amadebûyî li ber destên wan hene û dixwazin xebatên xwe bigihînin xwendevan û xebatkarên zimanê kurdî dikarin van xebatên xwe bi me re par ve bikin. Çi ji destê me bê em ê ji bo van xebatan bikin. Bi hêviya amadekirin û ragihandina gelek berhemên bi vî rengî, bimînin di xweşiyê de. Enstîtuya Kurdî ya Amedê B- KUNYEYA PIRTÛKA MATEMATÎKÊ Weşanên Enstîtuya Kurdî ya Amedê: 16 Zanist: 1 Navê pirtûkê: Matematîk Nivîskar: Hesen GUNEYLÎ Redaksiyon: Serwet DENÎZ - Semra OZBEY Berg û Rûpelsazî: Azad ZAL Çapa Yekemîn: Avrêl 2009 Çapxane: Berdan Matbaası ISBN: 978-975-01719-5-6 Ebat: 160 x 230 mm Rûpel: 80 rûpel Tîraj: 1000 Buha: 8.00 TL TÊKILÎ Enstîtuya Kurdî ya Amedê EDUBBA Sosyal Bilim Bilgi İletişim Merkezi Basın Yayın Reklamcılık Eğitim Sanayi Ve Ticaret Limited Şirketi Navnîşan: Huzurevleri Kalem Sokak No: 32 Kayapınar / DİYARBAKIR Tlf/Faks: (0 412) 237 43 16 e-mail: [email protected] _________________________________________________________________ Sadece e-posta iletilerinden daha fazlası: Diğer Windows Live™ özelliklerine göz atın. http://www.microsoft.com/windows/windowslive/ --~--~---------~--~----~------------~-------~--~----~ - Diwanxane, platformek azad u serbixwe; koma hemi Kurda ye. Diwanxane grubeke ideolojik nine. Li ve dere demokrasi serdest e; hemu Kurd dikarin bir u ramanen xwe bi serbesti binin ziman. Lebele di nava me de heqaret u rexneyen reshkirine qedexe ne. Ji kerema xwe, hevalen ku Kurdi dinivisin, dixwinin an ji teze hin dibin; ki dibin bila bibin, deweti Diwanxane bikin. - Grubumuzdaki yazilarin hukuki sorumlulugu yazarlarina aittir. Kurd kultur milliyetciligi esas alinir. Her inanisa, her millete saygili olan bu BAGIMSIZ grupta ideolojik propagandalara sicak bakilmaz. Imlasi, anlatimi savruk; saldirganlik ya da siddet iceren gereksiz mailler onaylanmaz. Kurtce mesajlara oncelik taninir. MODERATORLER: Fatma Zelal, Serger Barî, Xanim Rojda, Mihemed Rojbin ANA SAYFAMIZ: http://groups.google.com.tr/group/diwanxane -~----------~----~----~----~------~----~------~--~---
<<inline: MatematikKurdi.jpg>>
