Di rojhilata navîn de saziya herî paşverû û dijmirovahiyê, guman nîne ku dewleta Sûrî ye. Dewleta Sûrî, bê şek û şubhe Wehşî ye û tu meriv nikare qala tu mafên însanî bike li wir. Kurdên li wê derê di şertên ji koleyên romayê xerabtir de dijîn û tu mafê wan yê jiyanê tuneye. Ji sibehê bi nanoziko dixebitin û ne xwedî tu heqî ne. Heta wê derecê ku mirov jî nayêne hesibandin! Meriv fêhm nake bê hebûna sîstemeke wisa ji bo çi ye û çawa hê jî heye? Jixwe dirûtiya dewletên rojavayî û cîhana "îslamî" jî di vê xalê de xuya dibe.. Kesên ku ji hebûna Seddam re tehemmul nekirin, çawa tehemmula Esad dikin? Vê bêjim ku Demokrasiya Iraqa Seddam û mafên ku dida însanên xwe ji ya Sûriya Esad gelekî pêşketîbû. Heta meriv nikare bide ber hev jî. Seddam tu carî hebûna kurdan înkar nedikir û zimanê wan qedexe nedikir. Lêbelê li Sûriye Esad, kurdbûn li aliyekî, wekî însan jî nayêne qebûlkirin kurd. Bê nasnamebûna 200-300 hezar kurdî nîşana vê yekê ya herî berbiçav e.
Xwedê naleta xwe li Sûrî bibarîne û wê bi destê serdest û zalimên dinyayê hilweşîne...... Hêviya min ew e ku rûxîn û kambaxbûna Sûrî derengtir neveke û dem berî demê pêkwere. Digel slavan Serger Barî. Bêyî erêkirina dezgehên ewlekariyê yên rêjîma Sûriyê kesên ku li derve dijîn, nema belgeyên nasnameyê distînin. Malpera KurdWatch.org di nûçeyeke xwe de dinivîsîne ku wê ji çavkaniyên pêbawer agahî bi dest xistine, ku di destpêka gulana 2010ê de Dezgeha Ewlekariya Dewletê lîsteyên bi navên welatiyên li derveyî Sûriyê şandine ji dezgehên nifûsê re. Ligel van lîsteya ji dezgehên nifûsê re ferman hatiye şandin, ku bêyî erêkirina Dezgeha Ewlekariya Dewletê nabe ku ew belgeyên nasnameyê bidin wan kesên ku navên wan di lîsteyan de ne. Herweha nabe belge bên dayin ji bo malbatên van kesan (dê û bav, xuşk û bira, zarok, jin an mêr) jî, ger navên kesên di lîsteyê de li ser wan belgeyan hatibe nivîsandin, mîna nifûsa malbatê. Piraniya kesên ku navên wan di lîsteyan de peyda dibin, Kurd in; çend Ereb û Fileh jî hene. Malpera KurdWatch.org karî 30 ji 37 navan bi dest bixe, ku di lîsteya dezgeha nifûsê de li bajarê Tirbesipiyê hatine bicîkirin. Kesên di vê lîsteyê de bi eslê xwe li bajarê Tirbesipiyê hatine qeydkirin. Beşek ji wan çalakvanên siyasî ne, beşê din ta niha di warê xebata oposîtsyonê de hema bêje hatine xuyakirin. KurdWatch.org diyar kir ku ewê hewil bide di demeke nêzîk de navên ji bajarên din jî bi dest bixe û biweşîne. Ji bo dîtina navên ji Tirbesipiyê: http://kurdwatch.org/pel?cid=142 -- - Diwanxane, platformek azad u serbixwe; koma hemi Kurda ye. Diwanxane grubeke ideolojik nine. Li ve dere demokrasi serdest e; hemu Kurd dikarin bir u ramanen xwe bi serbesti binin ziman. Lebele di nava me de heqaret u rexneyen reshkirine qedexe ne. Ji kerema xwe, hevalen ku Kurdi dinivisin, dixwinin an ji teze hin dibin; ki dibin bila bibin, deweti Diwanxane bikin. - Diwanxane; en genis katilimli, ozgur Kurd mail grubu. Her yazinin hukuki sorumlulugu yazarina aittir. Kurd milliyetciligi esas alinir. Her inanisa, her millete saygili olan bu BAGIMSIZ grupta ideolojik kaba propagandalara sicak bakilmaz. Imlasi, anlatimi savruk; saldirganlik ya da siddet iceren gereksiz mailler onaylanmaz. Kurtce mesajlara oncelik taninir. MODERATORLER: Serger Barî, Xanim Rojda, Mihemed Rojbin ANA SAYFAMIZ: http://groups.google.com.tr/group/diwanxane
