Bi rastî jî ev nivîs ji min re balkêş hat. Ango, zanîna rewş û asta edebiyat û romana kurdî mijareke şayanê serêşandinê ye. Naxwazim gotinê li ser gotinan zêde bikim û şîroveyê dirêjtir bikim, lêbelê divê ku hemû dildarên edebiyat û hunera kurdî bala xwe bidine ser van nîqaşan û gotineke kê hebe, gotina xwe ji xwe re nehêle. Xala ku herî zêde min êcêbmayî dihêle û ez pir li ber dikevim halê xwendevanên kurd e. Lewra rebenên xwendevana ku bi dilekî safî û daxwazeke zêde berê xwe didin çanda xwe û dixwazin êdî her tiştî bi zimanê xwe bikin, rastî berhemên ku di piyaseyê de hene tên. Berhemên ku di piyaseyê de hene jî bi gelemperî ji qalîtê dûr, di asteke pir jêr de û ji sentaks, gramer û peyvsaziya kurdî bi mesafan dûr hatine nivîsandin! Hednezanîna nivîskarên! kurd dê hê nexweşiyên gelekî mezintir li peyda bikin. Belê, ji nêt û fikra wan gumanê tu kesî nîne û ne mimkun e ku hizreke wisa di serê kesekî de çêbibe. Lêbelê, ma her tişt jidilbûn e? Ma para liyaqet, qabiliyet û zanahiyê jî qet di vê noqtê de nayên fikirîn gelo? Ez bi xwe, ji ber vebûn û domandina nîqaşeke li ser van mijaran û bi vî awayî dilxweş im û vê yekê ji bo pêşeroja edebiyat û hunera kurdî pir fêdedar dibînim. Her tişt ji semîmiyet, sedaqet û ramanan îbaret nîne. Divê êdî tişta ku em bala xwe bidinê: Afirêndêrî, huner, qalîte, estetîk, kûrahî û honandinên serkeftî bin.
Bi hêviya pêşdebirina mijarê û domandina nîqaşê. Silavên germ Serger Barî *Lokman Polat û Fîlozof Fehmî * *Îbrahîm Seydo Aydogan/* Romana Lokman Polat ya bi navê Fîlozof li ser hin agahiyên dîroka Kurdan û bi taybetî jî li ser rêxistin û şexsiyetên wan yên vê sedsala dawîn, heta sala çapkirina romanê (2000), hatiye nivîsandin. Nivîskêr, ji vegotina bûyeran û rewşan bêtir, xwastiye fikir û nirxandinên xwe yên li ser bûyer û rêxistin û şexsiyetên dîroka tevgerên kurdistanî bîne zimên û vê yekê jî bi rêya romanê dike. Bûyerên romanê yên ku di nava heftê û pênc salên sedsala bîstan yên dawîn de diçin û tên, li dora şexsiyetekî kurd digerin ku bi xwe di dîroka serhildanên kurdîstanî de di wextê xwe de roleke giring lîstiye. Roman, ji bo baştir fahmkirina serhildana Şex Seîd û tevgerên kurdistanî yên heta dema me û gelek şexsiyetên dîrokî, di çarçoweya vî lehengî de hin agahiyên nivîskêr dide. Lokman Polat, di vegotina vê dîroka ku ji bo Kurdan tije êş û kerb e de gelekî ji dil tev geriyaye. Mirov dikare di hemû nirxandinên wî yên civakî, siyasî û edebî de vê dilsoziya wî bibîne, lê belê bikaranîna van helwêstan ya di romanê de û, jê biwêdetir, awayê bikaranîna wan ji bo vê romana ku em ê behsa wê bikin dibin pirsgirêk. http://rizgari.com/modules.php?name=News&file=article&sid=24766 -- - Diwanxane, platformek azad u serbixwe; koma hemi Kurda ye. Diwanxane grubeke ideolojik nine. Li ve dere demokrasi serdest e; hemu Kurd dikarin bir u ramanen xwe bi serbesti binin ziman. Lebele di nava me de heqaret u rexneyen reshkirine qedexe ne. Ji kerema xwe, hevalen ku Kurdi dinivisin, dixwinin an ji teze hin dibin; ki dibin bila bibin, deweti Diwanxane bikin. - Diwanxane; en genis katilimli, ozgur Kurd mail grubu. Her yazinin hukuki sorumlulugu yazarina aittir. Kurd milliyetciligi esas alinir. Her inanisa, her millete saygili olan bu BAGIMSIZ grupta ideolojik kaba propagandalara sicak bakilmaz. Imlasi, anlatimi savruk; saldirganlik ya da siddet iceren gereksiz mailler onaylanmaz. Kurtce mesajlara oncelik taninir. MODERATORLER: Serger Barî, Xanim Rojda, Mihemed Rojbin ANA SAYFAMIZ: http://groups.google.com.tr/group/diwanxane
