Ez bi xwe ne kesekî sîyasî û polîtîk im. Tu sazî û rêxistinên ku girêdayî wan bim û pêxavê ji wan bixwim jî tunene. Wekî kesekî azad û serbixwe tevdigerim û biryarên xwe jî li gorî pîvanên ku min ji xwe re danîne didim. Pîvanên min jî kurdayetiyeke li gorî min û neteweperweriyeke ku çarçova wê ji hêla min ve hatiye diyarkirin e.
Ez wekî kesekî xwedî helwest û rêngdêreke wisa siyaseta rêxistinên kurdan yên "Erê"cî gelekî şaş dibînim. Lewra ev reng siyaset rê li ber diyarbûn û pêşketina îradeya kurdan digire û hêza kurdan perçe perçe dike. Di siyaseta "Erê" de tu fîraset û besîret tuneye, tenê hest û hemaset heye. Ez hetanî niha di nirxandinên van kabirayan de rastî sedemekî maqûl û qanihker ku kurd bêjin "Erê" nehatime. Dê kurd çima bêjin "Erê" û dê werine lîstika şovenîstên tirk ku cilê wan yê îro Akp ye? Qenc, xerab, kêm, zêde, baş an cî çewt çi dibe bila bibe, BDP siyasetekê dimeşîne û daxwaza mafên kurdan dike. Ma kî dikare bibêje ku BDP doza mafên kurdan nake û rûyê xwe reş bike? Ne bawer im kesekî xwedî însaf bikaribe bêje "BDP xizmeta kurdan nake û têkoşîna ku dike jî ne ji doza kurdayetiyê ye." Ku bêje jî, bi min dê ne rast bibêje.. Divê ku saziyên kurdan û bi taybetî jî rewşenbîrên wan yên li pêş çav bikaribin helwesta xwe deynin holê û îradeya kurdan isbat bikin. Bi "Erê"cîtiyê xizmet ji doza kurdan re nayê kirin û têkoşîna azadiyê nayê geşkirin... Berpirsiyariya her sazî û kurd ew e ku siyaseta "tolê" û "heyfhilanînê" nemeşînin. Di roja îro de bikaranîna dengê "Erê" normal e, lê belê siyaseta "Erê"cîtiyê, gelekî şaş e. Nêrîna min ev e. Silav Serger Barî http://www.hakpar.org.tr/istanbul_bildiri_dagitimi.html -- - Diwanxane, platformek azad u serbixwe; koma hemi Kurda ye. Diwanxane grubeke ideolojik nine. Li ve dere demokrasi serdest e; hemu Kurd dikarin bir u ramanen xwe bi serbesti binin ziman. Lebele di nava me de heqaret u rexneyen reshkirine qedexe ne. Ji kerema xwe, hevalen ku Kurdi dinivisin, dixwinin an ji teze hin dibin; ki dibin bila bibin, deweti Diwanxane bikin. - Diwanxane; en genis katilimli, ozgur Kurd mail grubu. Her yazinin hukuki sorumlulugu yazarina aittir. Kurd milliyetciligi esas alinir. Her inanisa, her millete saygili olan bu BAGIMSIZ grupta ideolojik kaba propagandalara sicak bakilmaz. Imlasi, anlatimi savruk; saldirganlik ya da siddet iceren gereksiz mailler onaylanmaz. Kurtce mesajlara oncelik taninir. MODERATORLER: Serger Barî, Xanim Rojda, Mihemed Rojbin ANA SAYFAMIZ: http://groups.google.com.tr/group/diwanxane
