[eben-network] Manado Jokes

Tue, 13 Dec 2005 23:28:58 -0800


 
NYANDA PERNAH BALAS
 
Utu, seorang murid SMP yang terkenal nakal, ditegur oleh Ibu Gurunya.
Ibu Guru : " Utu, kiapa kalamarin ngana nyanda maso skolah ?"
Utu         : " Sakit, Nci !"
Ibu Guru : " Kiapa nyanda kirim surat ?"
Utu         : " Percuma ! Nci kwa nyanda pernah balas...?????"
 
 
BECAK
 
Ada tiga nona nona dari Manado mo nae tu becak, kong bilang bagini 'pa itu tukang becak.
" Bang ! 'Tong tiga boleh...?". Kong 'tu abang manyao bagini :
" Hah...?! Tong satu aja berat banget apa lagi tiga, Neng !!!!"
 
 
BRAPA LITER
 
Suatu waktu, Kale pigi pa Oom Petu pe warong. Pas sampe dimuka warong :
Kale          : Oom Petu, bli roko dang...?
Oom Petu : (acuh sambil ba ator jualan)
Kale          : (deng suara yang sadiki keras) Oom Petu...bli roko dang ?
Oom Petu : (masih tetap acuh)
Kale          : (bataria keras skali) Oom petu....! Bli roko dang...!
Oom Petu : (deng nada marah) Eh..Kale, baku hormat sadiki deng orang tua,
ngana pe kira kita pongo ? Brapa liter minya so ngana mo bli  ?
Kale          : ???
 
 
ANJING KOROTEI
 
Oom Anton ada sementara bagale tanah kong Oom Abe, depe birman datang batanya.
Abe    : Hei Anton ngana ada lia tape anjing ?
Anton : Kiapa so ngana tanya pa kita ?
            ngana kira kita pe karja jaga-jaga ngana pe anjing ?
Abe     : Tuangali lei,  cuma tanya bagitu so bamarah.
            Ngana dang ada bagale apa so ?
Anton : Bagale tanah for mo kubur tape ayam.
Abe    : kalu for mo kubur akang ayam, kiapa dang kong pe basar skali tu lubang ?
Anton : soalnya tape ayam so ada di dalam anjing pe puru.
Abe     : apa tu anjing pe warna ?
Anton : Korotei
Abe    : Pemaar lei ngana....! Itu tape anjing ....!
 
 
KANIBAL
 
Alo : Hei...Utu, ngana tau apa arti kata kanibal ?
Utu : Nintau noh...
Alo : Kalu bagitu skarang kita mo tanya pangana, kalu ngana makang ngana
pe mama deng papa, orang pangge apa dang pa ngana ?
Utu : Yatim piatu noh...
 
 
BAKU TINGGI PANGKAT
 
Ale : Kita pe papa waktu taong 1975, depe pangkat so Mayor.
        Skarang, so Mayjen.
Utu : ah..kalu kita pe Oom taong 1970 so Kolonel.
Ale : Berarti so Jendral skarang kang ?
Utu : Nyanda, so meninggal.
 
 



Have a spectacular day
God Bless You 
 PapiChenks



================================================
Sampai disini Tuhan menolong kita (1 Sam 7:12)
================================================


YAHOO! GROUPS LINKS



Kirim email ke