*UTU BERDOA..* Utu tiba-tiba ta dampar di utang Kalimantan, dia so lapar jadi pigi cari babi utang, nda dapa rasa dia so sampe di wilayah kekuasaan harimau, kong baku dapa deng anak harimau yang so jatuh-jatuh itu gidi-gidi (air liur). Utu deng dia pe tako langsung ambe jurus langkah tanpa bayangan alias lari, Harimau lei ba dusu, kurang kage utu sampe di pinggir tebing kong so nyanda ada tampa ba lari laeng… ya noh, Utu deng dia pe reflex langsung berdoa deng tutup mata.."Tuhan selamatkan aku.." lama Utu berdoa…
Utu pe kage stenga mati karna pas dia buka mata, dia lia lei itu Harimau berlutut kong berdoa, Utu so sanang kong bilang pa Harimau.."Hai kawan, rupanya katorang ini basudara seiman.." Itu Harimau langsung bilang "Iyo, kita pe mama ajar pa kita sebelum makang berdoa dulu.." *Jangang lupa temang, berdoa dolo sebelom makang*
