Bi hitzaldi-dastaketa, Txokolatea eta Cava Ardoen inguruan, eta Eibarko II Pintxo Lehiaketa antolatu ditugu azaro bukaera honetan, Sanandresetarako giroa berotu nahiean.
Ostiraleko afariaren ondoren, oraindik gogorik baduzue, gonbidatuta zaudete! Txokolatea eta Kaba. Hitzaldi-dastaketak Aurten ere Eibarko Udalaren laguntzaz Sanandres inguruan bi gastronomia hitzaldi-dastaketa antolatu dira. Aurtengo gaiak Txokolatea (jatekoa) eta Cava ardoa. Azaroak 22an TXOKOLATEA Hitzaldia: "Txokolatearen kultura Euskal Herrian". Oñatiko Klaxk Txokolateroen Elkarteko Anton Azpiazu Lehendakariak Txokolatearen kulturaren inguruko hitzaldia eskeiniko digu arratsaldeko 19:30ean, Arrate Kultur Elkartean. Anton Azpiazuk Txokolatearen etorrera, historia, kultura eta sekretoak jorratuko ditu bere hitzaldian. Hitzaldiarekin batera, Bartzelonako kakao etxetik ekarritako txokolate mota ezberdinak dastatuko dira. Azpiazuk txokolate ezberdinek arteko aldiak eta berezitasunak azalduko ditu. Azaroak 23 CAVA ardoak Hurrengo egunean Hitzaldi-Dastaketa berri bat izango dugu: "Sobre el cava" Jesus Oleagak emango duena. Zita, arratsaldeko 19:30ean, Arrate Kultur Elkarteko lehen solairuan. Hitzaldia eta Cava ardo ezberdinen dastaketa izango dugu Jesus Oleaga sukaldari eta sommelierraren eskutik. Azaroaren 24an, Eibarko pintxo onenaren bila: II Pintxo Lehiaketa San Andres Saria. Arrate Kultur Elkarteak, Eibarko Udala eta Eibarko Ostalarien laguntzarekin, Eibarko II Pintxo Lehiaketa. San Andres Saria antolatu du. Eibarko Ostalaritza sektore osoa parte hartzera gonbidatu eta animatzen dugu!! Lehiaketan Eibarko osteleritza etxe guztiek parte hartu dezakete. Taberna edo osteleria etxe bakoitzak "pintxo" mota bat aurkeztu dezake, bereziki lehiaketarako asmatutakoa eta izen bateaz identifikatuta egongo dena. Prezio eta elaborazioagatik, pintxo bezela hartu beharko dute epaimahikideek. Bestalde, bezeroen kontsumorako egon beharko du Azaroaren 24an eta bere prezioa euro bat eta 2 euro tartekoa izan beharko du. Epaimahia Arrate Kultur Elkarteak izendatutako hiru pertsonek osatuko dute. Lehaiketara aurkezten diren pintxoak azaroaren 24rako prestatu beharko dira. Epaileek egun horretan pasatuko dira parte hartzaileen taberna, jatetxe eta kafetegietatik. Lehiaketan parte hartu nahi dutenek izena eman beharko dute Arrate Kultur Elkartean, 943.202.299 telefonora deituz, 19:30etatik 21:00etara. ARRATE KULTUR ELKARTEA Zuloagatarren, 3 E-20.600 EIBAR
_______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
