Artista izateko bete beharreko baldintzen gainean jardun genuen behin lagun
koadrila batek. Batek -musikaria- honako iritzia zuen. Idazleak,
margolariak, musikariak… denak batera sartzen zituen ondoko zakuan:
- Artista, artista izango bada, altruista izan behar da.
- Txiro bizi.
- Suizidatu delako hiltzen bada hobeto.
Lehenengo eta bigarren baldintzak betetzen dituenik ezagutzen dut. Diru
gutxirekin eta luxu handi barik bizi dira, euren lanen truke ateratako diru
apurrekin. Hori da bizi izateko behar duten guztia. Horrelako artisten
lanarekin sinisten dut neurri handi batean, nahiz eta liburua, maketa edo
dena delakoa ez gustatu; Besteok sortutakoarekin ere bai, jakina: Egiten
dena/duguna bizi egin behar dela/dugula pentsatzen dut, hala ere. Egiten ari
garen horrekin irudimenean jolas egin, besterik ez bada,. Nik ustez, hori da
profesionala izatea, bokazioz egiten den hori, gure barruan jaio den ideia
horri forma ematea.
Hortik aurrera gaia, industriagintzan edo merkantilismoan sartzen dela
iruditzen zait, Zeru goietara igotako erdipurdiko produktuen biktima
bilakatzen gara kontsumitzaileok. Gurea, euskara, egoera diglosikoan bizi
den hizkuntza izanda, beste aldagai batzuk erabili izan dira. Ez dakidana da
baliagarriak izaten jarraitzen duten.
Suizidatu ondoren errekonozimendua. Hil ondoren artista mito bihurtu. Oso
ondo geratzen da, gero editoreak, produktoreak edo dena delakoak biografia
erakargarria osatzeko.
Profesionalak, sortzaile onak antzematen behar ditugula uste dut,
kontsumitzaileok euren lanaz goza dezagun. Artista, artista da, nahi eta
batzuk euren lana, ona edo txarra, ederto saltzen jakin do ez jakin.
maite toledo
BEGIN:VCARD
VERSION:2.1
N:saralegi;maite,;toledo
FN:maite, toledo saralegi
EMAIL;PREF;INTERNET:[EMAIL PROTECTED]
REV:20060311T171941Z
END:VCARD
_______________________________________________
Adi gero, mezuak bidaltzeko: [email protected]
http://www.eibar.org/zerrenda
harpidetza eteteko: [EMAIL PROTECTED]
