Irudi berriak asteburuan Google Maps-etan, eta, ondorioz, haren API-an
oinarritutako zerbitzu batzuetan, hala nola Tagzanian. Euskal Herrian
erresoluzio handiarekin zenbait gune berri:
- Gasteiz http://www.tagzania.com/tag/gasteiz eta Arabako Lautadako eta
ekialdeko hainbat eremu, adibidez Gesaltza http://www.tagzania.com/item/3385
- Zuberoako zati bat (Altzürükü, Garindaine
http://www.tagzania.com/item/8771 ...)
- Uribe Kosta Bizkaian (Gorliz, Sopela, Lemoizko zentral nuklearra...)
http://www.tagzania.com/tag/lemoiz+nuclear
- Lapurdi hegoaldea, eta Nafarroako inguruak (Xareta, Senpereko aintzira
http://www.tagzania.com/item/5052 , Urdazubi...)
- Bortziriak eta Nafarroako iparraldeko beste inguru batzuk (Igantzi
http://www.tagzania.com/item/9921 , Goizueta
http://www.tagzania.com/item/10782 , ... )
- Lizarrerria eta Iguzkitza Nafarroako hego-ekialdean (Lizarra, Aberin,
Oteitza http://www.tagzania.com/item/13166 ...)
- Arabako hego-mendebaldea (Arabako Errioxa, Oion
http://www.tagzania.com/item/8823 ...) eta ondoko Nafarroako eskualdea.
- Bizkaiko ekialdeko zenbait eskualde, hala nola Enkarterrietako herri
batzuk (Balmaseda http://www.tagzania.com/item/3385 adibidez).
Iruñea eta inguruak lehen ere erresoluzio handian zeuden, baina orain akaso
zertxobait hobea, eta berritua, behintzat.
Konparatzeko, lehengo irudiak iazko "Sanferminetako zaurituak kokatzeko"
egin genuen mapan: http://www.codesyntax.com/proiektuak/sanfermin_all.html
eta orain ikus daitezkeenak alderatu daitezke:
http://www.tagzania.com/near/42.81695615658085/-1.6422092914581299/
Eibar edo Donostia, berriz, irudi kaskarrarekin oraindik. Baina hobetu
zitekeen hori ere... erraz, gainera, Euskal Herriko agintariek Bergen
hirikoek egin dutena egingo balite.
Izan ere, Norvegiako hiri horretako agintariek erabaki dute han daukaten
detaile handiko aire bidezko irudia Googleri doan ematea. Hortaz, laster
erresoluzio handia izango da fiordo inguru horretarako.
Zergatik egin dute hori Bergenen? Interes ekonomikoagatik. Bisitak,
turismoa erakarri. Zer modu hobe jendea komentzitzeko, zure hiria ederto
agertzea Googlen eta beste hainbat tokitan...
Euskal Herrian ere aukera legoke horretarako. Eusko Jaurlaritzak badu
detaile handiko airezko irudia Bizkaia, Gipuzkoa eta Araba osorako...
Zergatik ez jarri irekian, publikoan, doan eman Googleri, eta beste
guztiei? Ireki irudiok lizentzia libre batekin edo erabiltzeko erraztasun
handiekin. Donostia horrela kusiko litzateke orduan:
http://www.flickr.com/photos/codesyntax/124619876/ i
eta irudi horiek, turismo promoziorako, Tagzaniarako, edo beste hainbat
ekimenerako erabili ahal izango ziren. Ez da dirurik kostako: ordainduta
dago iruditeria aurrekontu publikoetatik. Alderantziz: dirua errekaudatu
egingo luke Jaurlaritzak, jarduera ekonomikoa sustatuz zerga gehiago
bilduko lituzkeelako (aberastasun lokal apur bat sortuz, bide batez).
Luistxo
_______________________________________________
Adi gero, mezuak bidaltzeko: [email protected]
http://www.eibar.org/zerrenda
harpidetza eteteko: [EMAIL PROTECTED]
