|
Lehenago be egona nintzen
Artxandan, han, Bilboko parke edo dena delako horretan. Handik ibiltzean beti
bastante narrasa emoten eustan. Restaurante haundiak eta besterik ez, berde
pixkat edo arbola batzuk ikusi nahi izan ezkero leku nagusitik alde egin behar.
Beti emon desta bilbotarrentzako fama izango dabela, baina beste toki batzuk
ezagutzen dugunontzako... arrunta, zentzurik txarrenean.
Lehenguan be handik ibili
nintzan. Egixa esateko badago bertan parke txiki-txiki bat bertatik Bilbo
Handiko itzelezko bistak dittuna, zoragarrixa, justu funikularra igo eta
bertantxe, haxe da Artxandako tokirik enblematikoena, Artxanda Artxanda bada
batez be horregatik da. Hori bai, txokotxo hori pasata segiduan hasten da
jatetxe mamutzar andana.
Eta beste modu batez hasi
nintzen tokia ikusten. Leku gutxitan egin da
Bilbon beste astakeri urbanistikorik. Kaskuan, behe aldian, nabarmena da Franco
sasoian egondako lapurretia, itzelezko astakerixak ikusten dira orduantxe
eginak. Eta gainera, ez da asko beittu behar bez, garbi ikusten da XIX.
mendean antolatutako kaleak, etxeak... askoz hobeto dagozala.
XIX. mendean bazekixen urbanizatzen eta frankismoan ahaztu egin
jaken?? Tururú.
Artxanda Arraterekin konparatu
leike, baina inguruan askoz jende gehixago biziz eta huritik sano gertuago,
oinez juteko moruan. Pentsaizue "Bilboko Arrateko zelai horretan" bapatean
(frankismoan zihatz esateko, etxe horrek sasoi hartakuak emoten dabe eta)
jatetxe erraldoi bat edo bi jartzen dittuela zelai erdixan bertan, eta doi-doi
gelditzen dala libre elizia eta kurutzia. Gaur egun inork ez leuke permisorik
emongo horretarako, baina sasoi hartan, eta agintarixen laguna izan ezkero,
edo agitarixei irabazien zati bat emon ezkero, lortu zeikean.
Eta horrelaxe egitten da dirua.
Frankismoan lapurtutako gauzen gainean berba egitten danian beste kontu
batzuetaz dihardu jendiak, zuzen ebatsitakoen gainean. Baina badira ohosteko
beste modu batzuk, eta, seguruenean, diru gehixago emoten dabenak.
|
_______________________________________________ Adi gero, mezuak bidaltzeko: [email protected]
http://www.eibar.org/zerrenda harpidetza eteteko: [EMAIL PROTECTED]
