Propaganda lotsagabea berriro. Eibarko gure enpresatxo honen lan bat berriz nazioartean distiratsu. Veneziako Arkitektura Bienaleko Espainiako pabilioiak CodeSyntax-ekin kontaktatu zuen uda aurretik, Tagzania zela medio, lan bat egiteko: zenbait modelo arkitektoniko egin hiru dimentsiotan, Google Earth-en ezarri, eta haien inguruan eta gainean hegaldi informatiko batzuk grabatzeko bideoz. Lan hori Bienalean ikusgai dago orain, eta Interneten ere bai.
Hemen ikusi: http://www.tagzania.com/doc/biennale . Gehienbat gaztelaniaz, ze hau enkargu bastante espainola izan zen azken batean (Ministerio de la Vivienda zegoen pabilioiaren komisarioaren eta antolatzaileen babesle). Hala ere, euskaraz zeozer azalduta hemen: http://www.tagzania.com/doc/biennale/eus Calatrava, Enric Miralles, Mirador edifizioa Madrilen (MVRDV & Blanca Lleó). Puntako arkitektura berri berria da. Euskal Herrirako, modelo bakarra, San Telmo museoaren luzapen proiektua, Nieto Sobejano estudioarena. Egin dugun fitxategian, ez bakarrik luzapena, San Telmo gaur den bezala ere agqertzen da, eta Urgull mendiaren zati bat ere bai, hiru dimentsiotan. Lastima, ordea, Google Earth-en ikusiz gero, Donostiako erresoluzio eskasarekin topo egingo duzuela. Hala ere, lanerako erresoluzio handiko beste irudi batzuk erabili genituen, beste Ministerio batetik lortuak, eta haiekin dago ikusgai Venezian, azaroaren 19a arte. Loturak - laburpen gisara, bideo bat: http://www.tagzania.com/doc/biennale/videos - pantaila irudiak: http://www.flickr.com/photos/codesyntax/sets/72157594272021966/ - kokapenak: http://www.tagzania.com/user/tagzania/biennale Lan hauek Google Earth eta Sketchup programen bertsio profesionalekin egin dira, baina fitxategiak orain sarean jarri ditugularik, programa horien doako bertsioak nahikoa dira nork bere ordenagailuan arkitektura ederreko proiektuak hiru dimentsiotan ikusi ahal izateko. Zera behar duzu: - http://google.earth.com : Google Earth 4, doako bertsioa nahikoa da. - edo bestela, http://sketchup.google.com Sketchup programa, doakoarekin bapo. Horietako bat instalatutakoan, lortu bi helbide hauetan Sketchup fitxategiak edo KMZ direlakoak (Google Earth-erako): - http://www.tagzania.com/doc/biennale/ - http://www.tagzania.com/doc/biennale/sketchup Google Earth-en ikusteko, konexio ona beharko duzu ganoraz ibiltzeko. Sketchup-ekin ikusteko, ez, ez bada fitxategia saretik zeure ordenagailura jaisteko. Luistxo _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
