Asier Sarasuak: > San Marzialetan be antzerako azalpenak entzutzen dira barren! > Txapela eta eskopetia gizonezkuendako; zapixa eta kantiñia andrazkuendako. > Bai, kontraesanak berehala agertzen dira horrelakoetan. Are gehiago. Lehen kolpean Elena, Leire eta hirurok ez dugu zalantzarik izan txapela gizonarekin eta zapia emakumeekin esklusibloki lotzeko. Baina, Irun eta Hondarribiko alardeak berak dira lotura hori, gutxienez modu malgu batean hartu behar dela erakusten digutenak. Alarde horietan, kantinerek, bai tradizionalek eta bai mixtoek ere, txapela erabiltzen dute. Eta ez zaigu arraroa egiten, ohituta gaude. Gona, txambra eta txapela. http://idd004ky.eresmas.net/IRUN/30060119bg.jpg Noski, alarde mixtoak emakumea gizonek erabili izan duten paper eta jantzi berberean sartu nahi du, eta hor ere txapela emakumeek ere berdin erabili dezaketen elementutzat aldarrikatzeko ahalegina dago. Horrelako kontuek eragin izan dituzte zenbaiten purrustadak. Alegia, emakumeak gizonezko jantziak jar baditzakete gizonezko bat jantzi daiteke kantinera? Eta hori zer litzateke berdintasuna, trabestismoa ala tradizio erridikulizatzeko ahalegina? Arrateko dantzen jantzia pentsatzen ibili ginenean txapelaren aukera ere izan genuen esku artean, eta Urbeltzek (kontu hauetaz zerbait daki gizonak) neska eta mutilek txapela janzteko inolako arazorik ez zegoela esan zigun, eta hain zuzen ere Alardeak jarri zizkigun horren adibide. Azkenean, beste eredu bat hartu genuen, hau ere Urbeltzen emana, eta justo beste aldera joan ginen, buruan zapia jarri baigenuen, bai neskek eta bai mutilek, mutilek ere erabili izan baituzte zapiak buruan, jartzeko modua desberdina izaten bazen ere. oier. _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
