Leirek: > ----------Zurekin bat nator. Baiña zelan kontrolau argitaratzen dan guztia? > Torrealdaik kontrolatzen du ba... Ez, bueno, akaso ez da beharrezkoa den-den-dena kontrolatzea ere. Liburua argitaratu duenari ardura apur bat ere utzi beharko zaio. Kontua da gaur egungo sistemarekin liburu bakarra argitaratu duenak ez duela aukera handirik Durangon bere liburua erakusteko. Autogestioaren bidetik jo duten musikariek ere horrelako arazoak dituzte. Harritu nintzen Joseba Tapia stand propioarekin ikusi nuenean, banekin bere azken diskoa berak ekoiztu duela, baina disko bakarrarekin pentsatzen nuen beste arbola baten kerizpean jarriko zela. Berrian artikulu bat zetorren asteburuan diskoa autoproduzitu duten taldeei buruzkoa (tartean Sutagar eta Norton), eta nola moldatu diren azokan egoteko. Batzuk beste disketxe batzuen mahaian egon dira eta beste batzuk banaketa enpresen mahaian. Elortza farmazeutikoak esandakoak harritu ninduen «Salmahaia eduki ahal izateko urtean produktu kopuru jakin bat kaleratzea eskatzen dute, eta gure zigiluak ez du horretarako aukerarik». Egia al da produktu kopuru jakin bat kaleratu behar dela urtean azokan mahaia izateko? Nik uste nuen ordaintzea zela gakoa, eta disko bakarrarekin kontuak ez zaizkiela ateratzen ongi...
Bestalde, Argian mahainguru interesgarri bat zetorren asteburuan, azokaren ingurukoa hau ere, eta besteak beste editore profesionalak amateurrekiko bereizi nahia antzeman dut bertan. Nagusiki diru-laguntzak eskuratze aldera produzitzen dutenen kontrako kritika zegoen, baina profesional-amateur kezka bat ere zegoela iruditu zait. /"A. Valdes./ Sektore handi batean, industria kultura anglosaxoi edo frankofonoan, esaterako, argi dago sektore profesionala non kokatzen den eta zein den amateurra. Hemen denak nahasita bizi dira: handiak txikiekin eta alderantziz. /I. Gomez./ Ez nago horrekin ados. Merkatuak agintzen du eta hori da ikuspegia, gordina eta krudela izanagatik. /A. Valdes./ Baina subentzio politika horrek lagundu egiten dio profesional eta amateurren arteko nahaste horri. " Nik ez dut oso ondo ulertu zer esan nahi duen hor Anjel Valdes-ek, eta ez dakit nola ikusiko luketen argitaletxe handiek Durangoko azokaren buztan luzea sustatzeko ideia hori, hain zuzen ere amateurren espazioa zabaltzea eskatzen ari baikara. Nor bere lanaren jabe Euren diskoak beren kasa ekoitzi eta argitara eman dituzten musika taldeek desberdin bizi dute aurten Durangoko Azoka. Berria, 2006-12-09 http://tinyurl.com/yaeu8p Merkatua indartzeko giltzaren bila Durangoko Azokak daraman bidearen orainaz eta etorkizunaz mintzatzeko: Iñaki Gomez Eusko Jaurlaritzako Kultura Sustatzeko zuzendaria, Anjel Valdes Elkar argitaletxeko zuzendaria, Jorge Gimenez Euskal Editoreen Elkarteko presidentea eta Jon Irazabal Gerediaga elkarteko -Azokaren antolatzailea- zuzendaria. Argia, 2006-12-10 http://tinyurl.com/yf269n oier. _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
