Kaixo Amatiño eta gure txapen irakurliak: AHTren eskumarako bihurgune batian deskarrilatu gaittuk.
"Euzkadiko Eskuma" terminua definitze lanetan jarri eta idatzi dotena idatzitta "PP española dok...Frantziako eskuma...eta Nafarruako UPN...baiña heuren fundamentuetan ez dittuk iñola Euzkadikuak", ulergaitza egitten jatak heure azken bihurgune sugetu hau. Nere herrikidieri euren euskal fundamentu politikuak onartzia edo ez onartzia, aukera politikuaren arabera...Zer dok hori? Zelan heldu haiz horraiño? Nundik asmatu dok hori? Hasteko, ez jittuat herrikidiak epaitzen eta ez nok iñor halako onarpen edo ez onarpen lanak egitteko. Hori, PP-PSOEk partiduen legia eta edozein demokratantzat lotsagarrixa izan biharko litzaken ilegalizaziñuakin asmatu juen. Aipatu bakarrik, hórrek partiduak, oiñarrixetan, fundamentuetan, ez dirala Euzkadiko. Euzkadi, Sabinok euskal zazpi probintzia batuz sortutako "hitza" dok, heuk neuk baiño askoz hobeto dakian moduan (eztabaidagarrixa be Nafarrua zatitziana). Ez jittuat hórrek partiduen fundaziño errazoiak edo estatutuak ezagutzen (euren fundamentuak edo), baiña ziur naok Euzkadirekin lotura gitxi aurkituko gendukezela. Hori besterik ez. Hortik aurrera, heure sormena. Ideia politiko kontrajarrixak, soseguz, askatasunez eta era zibilizatuan eztabaidatzian guztiz aldekua nok. Kontuan izan bihar juagu, Nafarruan eta Iparraldian (+Araba?) gehixengua osatzen dabela español eta frantsesek (Batasunakueri eta ETAri itxuraz ahaztu egitten jakuen kontua). Beraz, guretzat eskatzen doguna eurei eskeiñi biharko gentsekek, zera, bere naziotasuna onartzia, horrela sentitzeko daken eskubidia onartuz, eta zergaittik ez, laguntzat, anaitzat edo maitaletzat hartuz. Horretara, eurak be, Euskalerrixan naziotasuna onartzeko bidian jarriko jittuagu. Euren nazioetako gobernuek gure herrixa nazio bat dala errezago onartuko juek, nazio bat osatzen daben herrittarrei sor jakuezen eskubidiak bideratuz. Guk beraien nazioak guri eman deskuenaren biderik hartuko ez dogula argi laga biharko gentsekek. Horretarako Euskalerrixak herri bezela jasan dabena be presente eukitzia komeni dok, español eta frantsesek errealidade hori ezagutu deixen. Euskalerrixan naziotasunaren kontrako tinkotasunak, nahizta horretan beraien legia bete ez, eta torturak eta gehiegikerixa judizialak erabili, botuak emoten jittuk Ebrotik behera. Azken fiñian, hori be badalako "prozesua"ren abiadura motela baldintzatzen daben faktorietako bat. Zetapek bere pausuak neurgailu mikrometrikoz emon bihar jittuk, gobernua eta gerra (Monzonek ulertu juan gerra hori) PPren eskuetan ez lagatzeko barriz be. Ez dok lan makala. Espaiñiarrek oro har, eskuma zeiñ ezkerrekuek, ez juek autodeterminaziño eskubiderik iñola onartzen Euskalerrixandako; eta gitxiago ETAk armak lagatzian truke. Eurentzako gure herrixan hego mendebaldia Espaiñia dok. Eta punto pelota (ez Pelota Vasca). Honen aurrian, heuk sortzen duan termino barrixau balegok, zer hau, euskal fundamentu politikorik balegok, ESPAÑA eta ETAri gitxiago begiratu (konpondu deixela militarren artekua) eta ia ba behinguan gure ordezkari politikuek ordezkatzen gaittuen, hau dok, dagokixen lana egin besterik ez, alkarbizitza baketsua, gorrotuak desagertzeko bidiak jartzia eta askatasunez, hizkuntza zahar baliotsu bat mantentzen daben herri xelebre honen etorkizuna, botua emoten detsegun herritarrok eskura euki deiguzan. Herrixaren hitza ez dok-eta lau urtian behin herrixaren zati handi batek beretzat ez dittuan egitura administrabuetarako bozka emote hutsa. Hor ikusten juat hutsunerik nabarmenena. Nun daok ditxosozko partiduen mahaixa edo mahaixak, dana sukaldian ala, zelan parte hartuko juagu parte ba? Partidu politikuek, alderdikerixak alde batera laga eta gatazkaren oiñarrixak landu biharko dittue, soluziño bidiak mahai gaiñian jartzeko eta bide ezberdiñen aukerak gizarteratzeko. Hau dok, danen arteko abangoardia politiko barrixa sortu biharko litzakek, gizartiari aukera landu ezberdiñak aurkeztuz, askatasunez. MCCko batallitaren gaiñian, esango deuat, nere "fede demokratiko urrixa" alderdi politikuek eta agintarixek sortutakua dala, ez Arrasateko praile kontuek eta gitxiago, tradiziño politiko ezberdinetako jendia proiektu baten inguruan biltziak. Honen aldekua nok. Izan be, partidu bakarrak "demokratikoki" ondasun jakin bat kudeatzen dabenian, ustelkerixia datok, eta bardin jatak Euzkadiko Eskuma zein Ezker Abertzalia izan, bixetan ezagutzen jittuat adibide tristiak. Badakik EAJ-PNVek diktadura ondoko Eusko Jaurlaritza daguanetik, nahizta partidu ezberdinekin paktatu iñoiz ez dabela Nekazaritza Kontseilaritza partidutik kanpora etara? Errazoia, agirikua dok. Urte barri on, Asier Arregi (*) Ohartxoa: orain gitxi irakurri dittut atzeratuta nittuan zerrendako irakurketa batzuk. Denborarik ez nekanian "Irakurtzeko" karpetara bialdutakoak. Hoietxetako bat Amatiñoren "Monzon Vs Ajuriagerra" zuan bestia Mendicutena, falangiari buruzkua. Bixek pentsatuarazi deste politikaren gaiñian, eta gero, Amatiñoren zirikadak, idatzi arazi. Monzonek defendatzen zeban abertzalien batasuna, existitzen dan gatazka honetan beti izango da aukeretako bat, seguraski euskaldunentzat hobiena, Euskal Herri ez-fantasma bat lortzeko bidian. Eta hobia, nere ustian, benetako transiziñua egitia, borroka armatua ahaztu eta kontzentraziño-gobernuak osatu ezkero, Euzkadiko Eskumarekin, euskal ezkerrarekin eta espainiar zein frantziar ezkerrekin. Espainiar eskuma kasu guztiz galdutzat dakat. Frantziakua...ez dot ezagutzen, baiña Iparraldian nagusi... Amatiño(e)k dio: >Kaixo Asier: > >Aurretik esan bihar deuat gustau jatala erantzuna. Bat etorri geinkiaz ala >ez, baiña hori beste kontu bat dok. Nere aldetik bizpahiru xehetasun. > >1. Jarraitzen juat jakin barik zergaittik haguan kontra. Bidegarritasuna, >iraunkortasuna, kontsumua, ekologixia... aittatzen dittuk, baiña errezoi >berberak erabillitta beste batzuk justu kontrako iritxira heltzen dittuk. > >2. "Europarrei proiektuaren ankerkerixia arpegiratuko gentsekek, gure >lurrealdearekiko subirautza aldarrikatziaz batera, eta dirutza hori garraio >plangintza global zentzudun batian gastau". Jakiña, holan esanda... > Baiña beste batzuk uste juagu proiektua ez dala ankerra, aspaldi egin >biharrekua baiño; arpegiratu ezezik hemendik pasatu deiñ nahi dogula; >subirautza ez dala lurraldiana pertsonena baiño eta, hain zuzen be, horixe >nahi dogula eta inbertsio hori gure artian egin deixen ahalegindu izan >garala atzenengo hogei urtian. Eta, kostata, nahiz-ta berandutxo, lortu >dogula. > >3. "PP española dok... Frantziako eskuma...eta Nafarruako UPN... baiña >heuren fundamentuetan ez dittuk iñola >Euzkadikuak". > Ez jakixat ingurumenaz asko dakian, baiña hik hire herrikidieri euren >aukera politikuen arabera onartzen badetsezak --ala ez-- euren euskal >fundamentu politikoak... aitzen juat hire fede demokratiko urrixa eta >konturatzen nok ez dakiala historixaz askorik. > Hik errez aitzeko: 1950eko hamarkadan Arrasaten kriston iraultza izan >zuan. Batzuk betiko enpresa-sistemia defenditu juen eta beste batzuk ziharo >diferentiari ekin jetsen. Danak zittuan euskaldunak, danak zittuan fededunak >eta danak "ordeneko" jendia. Baiña tradiziño politiko diferentietakuak >zittuan. Diferentzia hori bereizteko gauza ez bahaiz, xinple bat haiz edo >hire sakontasun guztiak ekologixarako gordetzen dittuk. > > Amatiño > > >_______________________________________________ >Adi gero, mezuak bidaltzeko: [email protected] > >http://www.eibar.org/zerrenda > >harpidetza eteteko: [EMAIL PROTECTED] > > _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
