Iaz Ang Leeren aurreko filma aipatu genuen zerrenda honetan, Brokeback Mountain. http://thread.gmane.org/gmane.culture.language.basque.eibartarrak/14181 Neri asko gustatu zitzaidala; nire andreari ez horrenbeste, eta Amatiñori ere ez.
Gero Amatiñok pronostikoa egin zuen Oscarretan porrot egingo zuela. http://article.gmane.org/gmane.culture.language.basque.eibartarrak/14238/ Huts egin zuen Amatiñok: zortzi Oscar eroan zituen Brokebackek. Oraintsu estreinatu da Ang Lee-ren hurrengoa. Desioa, arriskua. Ze ona. Gomendatzekoa guztiz. Brokeback baino *heterosexualagoa,* duda barik, eta sexualagoa oro har. Kamasutra estiloko eszenak, ikustekoak. Donostian ikusteko aukera, bertsio originalean, txineraz gaztelaniazko azpititulekin. Hala ikusi nuen nik Antiguo Berri zineman, eta ia 3 ordu airean pasatu zitzaizkigun. Zineko sarreratik ( http://www.tagzania.com/item/69395 ) 200 metroko erradioan, bi jatetxe eta bi bazar txinatar daude. Baina zinean ez zegoen txinatarrik neure pasean. Atzo joango ote ziren, ikuslearen egunean? Ingelesez ez den hizkuntzan Oscarra aurten eroateko neure pronostikoa, hauxe. Iaz sari hori eroan zuena, *Besteen bizitza*, alemana, asteburuan ikusi dut halaber (ordenagailuan). Hori ere ona, hotzagoa, baina paralelismo askorekin bestearekin: traizioa, maitasuna, gerra politikoa, antzerkiaren papera, ministro miserablea eta haren maitalea... ez dut gehiago esango: SPOILERrik ez. Luistxo _______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
