Asteburuan manifestazio itzelak egin dituzte ehiztariek ingurugiro lege berri baten kontra. Beste gauza batzuren artean berunezko balarik ezingo dituzte jaurti lege berriarekin. Txoriak bala bat edo beste gordeko ditu bihotzean, baina beste guztiak lurrera erortzen dira, eta itxuraz demaseko poluzioa eragiten du horrek, beruna oso toxikoa baita. Ehiztariek diote dituzten eskopetek ez dutela balio beste material bateko balak jaurtitzeko. Atzo San Pedron aldean ibili ginen eta egun osoan entzun genituen Arrateko tiro-pitxoiko dinbi-danba. Komentatu nuen Arrateko tiro-pitxoiko azpikaldean kilo batzuk berun pilatuta egon zirela dagoeneko, eta gurekin zegoenak erantzun zidan orain urte batzuk San Pedron bertan, tiro-pitxoia baino beherago zegoen baserriko behiak gaixotu egin zirela, eta analasiek horixe erakutsi zutela, berunak gaixotu zituela!
Lege berriaren kontu hori lehenengoz entzutean pentsatu nuen Eibarren geratzen ziren azken eskopeta tallerrentzat albiste txarra zala, baina segiduan konturatu nintzan oso ona izan leikiala. Ze azkenean ehiztari guztiek eskopeta berriak erosi behar badituzte, demaseko eskaera igoera izango dute laster!! Bestetik, Hondarribi eta Irungo alarde mixtoentzat aukera ona izan leike hau. Badakit arazoak izaten dituztela eskopeteroak elkartzeko, ehiztari gehienak "betikoak" direlako. Beraz, orain, beruna jaurtitzen duten eskopeta mordoa eros ditzakete saldoan, alarderako ez bada, ez baitute beste ezertarako balio izango... oier. _______________________________________________ Harpidetza eteteko, bidali mezua hona: [EMAIL PROTECTED] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
