Eibarko Klub Deportiboko Kezka dantza taldeak 50 urte bete ditu aurten eta hori ospatzeko jaialdi bat antolatu dugu larunbaterako, azaroaren 15erako. Azken urteotan gure irakasle, lagun eta erreferente izan diren zenbait dantza talde gonbidatu ditugu, eta denok batera "Saria bete dantza" jaialdia egingo dugu Eibarko Coliseo antzokian.
Zuberoako dantzak ekarriko dituzte Argia dantzari taldeak eta Jean Mixel Bedaxagarrek, Galdakaoko Andra Marik Durangaldeko dantzari-dantza eta Bizkaiko jota zaharrak eskainiko ditu, Iruñeko Duguna dantza taldeak Jaurrietako emakumeen dantza eta Otsagabiako dantzak, Añorgako Arkaitz dantzariek soinu-zaharrak eta Elgoibarko Haritz-ek Gipuzkoako brokel-dantzako zenbait ale. Horiekin batera Eibarko Kezka dantza taldeak Arrateko ezpata-dantza, koko-dantzak eta kostaldeko dantza sorta bat eskainiko ditu. Eibarko Udalak erabaki du Jorge Oteizak sortutako Txopitea eta Pakea saria ematea Kezka dantza taldeari 50 urteko ibilbidean egindako lanagatik. Oroigarria larunbatean, Saria bete dantza jaialdian bertan emango digute. Jaialdirako sarrera dezente saldu da dagoeneko, baina batzuk geratzen dira oraindik. Saria bete dantza Argia, Andra Mari, Duguna, Arkaitz, Haritz eta Kezka dantza taldeak Eibar, Coliseo antzokia 2008ko azaroaren 15ean, 19.30etan http://www.deporeibar.com/dantzak/ <http://www.dantzan.com/blogak/kezka/>
_______________________________________________ Harpidetza eteteko, bidali mezua hona: [EMAIL PROTECTED] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
