Gaur Orbeara gerturatu naiz ea informaziorik lortzen nuen... Transkribitzera noa ahaztu baino lehen, ze, tira, hiru folleto eman dizkit, baina horietan ez dator datu zipitzik niri harrerakoak ahoz eman didan informaziotik.
Orbeako igerilekua, bi ei daude, bata txipli-txapla umeekin egoteko modukoa, bestea igeri egitekoa. Uste dut hori esan didala. Edozein modutan ez folletoetan ez www.eibarkirola.com webean ez harreran ez dago instalazioen argazkirik, asike sinistu egin behar. Igerilekua, 5.50 euro kostatzen da. Spa delakoa aparte da. 16 euro kostatzen da. Spa eta igerilekua, biak egin nahi izanez gero, bi sarrera, ez dago deskuentorik. Spa-n 8 urtetik aurrerakoak sar daitezke, baina nagusi bat ondoan dutela. Hori bai, saunara ezin txikirik sartu 16 urte bete arte. Abuztuan Orbean goizeko ordutegia bakarrik, 8.00 - 15.00, igandean salbu (itxita), baina kartel bat ikusi dut zerbait itxita zegoela hiru egunez aste honetan, ez dakit spa, igerilekua edo dena batera. Telefonoa, badaezpada, Tlf.: 943 030 025 Kirol Patronatuko abonuak ateraz gero, igerilekua doan da, baina spa 12 euro, asike aurrerapen handia ere ez da. Abonu horien folleto bat eman didate prezio bariedade mordo batekin, eta esan dit orain hartuz gero, abendura arte dela, prezio erdian. Ez da negozio ona, ze ez da urte erdia geratzen dena, ezta? abuztua 8. hilabetea da! Norbaitek aipatu zidan bono batzuk ote zeuden spa-rako... 10 txartel erosi merketatuta edo holako zeozer. Baina horren berri ez dit eman harrerakoak, follletoetan ez dator, eta niri ahaztu egin zait galdetzea. Luistxo _______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
