Nik ez dakit pasa den asteko istripua nola izan zen, jendeak gauza asko esaten ditu eta kontu handiz ibili behar izaten da.
Baina nere ustez badago gauza garbi bat: toki horretan istripu asko gertatzen direla. Ez dakit lekuak konfidantza asko ematen duen ala zer, baina oso sarri ikusten ditut hortik pasatzerakoan istripuen arrastoak. Azkena duela 15 bat egun izan zen. 2001. urtean, laneko bisita batetik nentorrela istripu baten ondorengoak ikusi nituen eta argazkiak atera nizkion. Oraindik anbulantziak eta ertzainak iritsi gabe zeuden eta istripua izan zuen mutila albo batean zeukaten etzanda, belaun aldeko minez kejatzen zela. Beste batzuen artean argazki hau atera nuen. http://www.flickr.com/photos/garaolaza/4515937258/ Kontua da toki horretan bertan izan zela nik ikusitako istripua, eta itxura batean antzerakoa. Elgoibartik Eibarrera zetorren auto batek, bihurgune horretan kontrola galdu eta kontrako norantzan zetorren kamioi baten kontra jo zuen. Lurrean ikusten dira frenatzearen arrastoak. Zenbat istripu egongo dira oraindik toki horretan? Gari _______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
