2008ko azaroa. Arrateko presidentearen hitzak. "Si no entra dinero, reventamos". 600.000 euroko zorra zuen Arratek. 2009ko urtarrila. Jokalariek hilabeteak daramatzate kobratu gabe. Gabonetako oporretan beste talde batzuren eskaintzak izan dituzte, eta Arrateko presidentearen erreakzioa: "El Arrate no deja marchar a nadie. El máximo responsable albiazul quiere que se cumpla el contrato". Fenonemo, nik ez dizut pagatzen, baina zuk kontratua bete behar duzu. 2009ko uda. Kontratua bukatu duten jokalari ia-guztiek Arrate uzten dute. Arratek sosik gabe jarraitzen du, baina hala ere 5-6 atzerritzar fitxatzen dituzte! 2009-2010. Berriz ere ordaindu gabeko soldatak, jokalariak ihesean, zorra handitzen. 2010eko uztaila. Fitxaje berriak. Adibidez, Kostyantyn Kurilenko, ukrainarra, 30 urte. 2010eko urria. Jokalariek eta entrenatzailearen prentsaurrekoa. Ezin dute horrela jarraitu. Hilabeteak daramatzate kobratu gabe. Arazo pertsonal larriak: hipoteka eta alokairuak ezin ordaindu, umeen behar-izanak betetzeko zailtasunak,... 2011ko ekainak. Arrateren zorra 1.900.000 eurokoa da. Kurilenko eta Petricheev kalera ateratzen dira pankartarekin. Urte ia-osoa kobratu gabe, etxera itzultzeko sosik ez,...
Milioi bat eurotik gorako zorra duen talde batek, bideragarritasun ekonomikorik ez, eta hala ere, jokalari atzerritarrak fitxatzen jarraitzen badu, uda bat eta bestea ere bai, hori iruzurra da, eta egoera hori eragin dutenak eta hori baimendu dutenak erantzun beharko lukete. Honek guztiak ez du zerikusirik ez kirolarekin ez eta herriaren izena ezagutzera ematearekin. Ez zait okurritzen hau baino propaganda txarragoa herri batek bere buruaz egiteko. oier. Oharra. Inork interesa badu Arrateren hemeroteka kontrastatzen hemen ditu hainbat erreferentzia: http://www.delicious.com/oier_a/arrate+eskubaloia _______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
