Eskerrik asko ongi etorriarengatik, Eibartarrak beti teknologiaren erpinean, ;oP . Espero dezagun armagintza beharrean teknogintzan aritzeak karma txarra garbitzen laguntzea.
Goazen harira: Duela lau bat urte, zuetako batzuk TomTom GPS nabigatzailerako euskarazko ahotsak grabatu zenituzten. Txalo bero bat. Gaur, ordea, gero eta GPS gailu dedikatu gutxiago saltzen dira, gaurko telefonoek horien lana egiteko gaitasuna dutelako. Horietan Android da sistema eragile nagusia. Androiden, errepiderako GPS aplikazio txukunetako bat Sygic da. Doan da, baina ez du euskararik (katalana bai, nola ez). TomTom mapak erabiltzen ditu. TomTom ahotsak erabili ahalko ditu? Bai horixe. Morroi honek, esaterako, TomTomeko Joda ahotsa hartu du, eta Sygicerako moldatu du. http://gpsunderground.com/forum/sygic-tools-tweaks/9510-tomtoms-yoda-voices-sygic.htm Antza, lanik zailena kontu honetan TomTomeko .ogg ahots fitxategiak ateratzea da. Horiek gordeta izango dituzuela pentsatzen dut. Endredatzen ibili naiz eta Iturriren ahots fitxategia neure telefonoan sartu dut, Sygicen voices karpetan. Gailuak karpeta ikusten du, eta aukeratzen uzten du, baina, noski, gero ez da ahotsik entzuten, fitxategiak bestela antolatuta daudelako. TomTomeko fitxategiak hauek dira: .bmp, data.chk, data.vif http://eibar.org/materixala/tomtom-gps-a-euskaraz-jarri Sygiceko fitxategiak: alphanumeric.pak, info2.ini, navigation.pak, eta test.wav Argi dagoenez, .chk, .vif eta .pak zein .ini fitxategiak nola dauden antolatuta, horretan dago gakoa. Ez du zaila ematen, baina nik ez dut ezagutzarik hori egiteko. Hemen lan zailena ahotsak grabatzea da, eta hori egina duzue jada. Indarra bedi zuekin.
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
