Kaixo Gari, eskerrik asko erantzunarengatik. Instalatu dut Navdroyd, eta mapa irekien filosofiarekin bat nator, baina hizkuntza aukera are murritzagoa du, eta hori da kontua niretzat orain.
Zeure Android sisteman aukeratu duzun hizkuntza hartzen du automatikoki Navdroydek, beraz euskararik ez. Alde batetik, niri bost axola zait Sygic, TomTom, Navdroyd edo txakurraren biolina erabiltzea, baina euskaraz nahi ditut ahotsak. Eta, bestalde, oso ondo ulertzen dut jendeak gogorik ez izatea enpresontzat berriz ere doan lan egiteko. Beraz, galdera aldatuko dut. GPS asko daudela diozu zeure mezuan: ba al dago ahotsak euskaraz dituen batenbat? Edo zuek TomTomerako grabaturiko ahotsak erabil ditzakeena?
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
