2012/12/12 Asier Sarasua <[email protected]> > > > Neuk be ez dakat dudarik. > Eta orduan, gero? > > > Gero, Interneten, beste zeozer. Hedabide tradizionalak desagertzeak ez du ekarriko Interneteko edukien pobretze bat, neure ustez. Interneteko mugimendua ez da etengo, erreferentzia horien faltan. Interneteko gurpilak segituko du bueltaka.
Baina bere horretan da kezkagarria hedabideen krisia. Berezko instituzio gisa oraindik, nik uste dut estrategikoak direla paperezko medio erreferentzial bat edo beste izatea euskaraz. Eta euskarazko kanal bat edo beste izatea euskaraz telebistan, eta irrati uhinetan. Erdaretanm uhin eta paperean, eta kazetaritzan oro har, triskantza egingo du krisiak, baina ale batzuek iraun egingo dute, baten batzuek bai, eta eredu interesgarriak ere bai iraungo duten horietan, eta erreferentzialak izango dira. Eta aldiz, euskaraz, triskantza gertatzean, ondorioa izan daiteke ez erreferentzia bakan batzuen superbibentzia baizik eta desagerketa totala. Erreferentzialki, emozionalki, soziolinguistikoki, politikoki oso larria izan daiteke hori. Inbertsio estrategiko publiko inportantea behar da momentu honetan, eta hemendik aurrera. Fronte kulturalaren garrantziaz edo ezagutzaren gizartearen garrantziaz (azken batean, ez dut uste hain desberdinak direnik) jabetzea indar abertzaleak, eta inbertsio klabeak hor egitea. Papera eta telebista euskaraz salbatu eta indartu behar ditugu (eta Internet ere bai, baina tira, "hedabide tradizionalak" aipatzen ziren gorago eta horregatik zentratzen naiz horretan), eta politika kultural-industrial estrategiko baten erdigunean jarri. Pikutan gaude egoera horretatik, non eta ETB2ren disparatearekin ezker abertzalea ere ados dagoen. Eta edozer gauza da hemen estrategikoagoa gure kultura eta hizkuntzaren superbibentzia baino (zaborra, trenbideak, pagaextrak edo presoak). Luistxo
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
