Azkenaldixan fuerte nabil genealogixiakin. Lehelengo Ondarruko senidiak
topau dittudaz, danak kolpian; gero, Sabin Egiguren izeneko morroi batek
kontaktau nau, Eibarko erretako liburu artian "galdutzat" emoten ziran
datuak erreskatatzeko espezialistia... Haren eskutik nere arbol
genealogikuan hutsune deigarrixena (Eibarri zegokixona) betetzen nabil.
Pare bat bidar aittatu desta Sabin honek, berak gustora emongo leukiala
hitzaldiren bat Eibarren. Jatorri eibartarrekua izan arren, bera
Laudioarra da. Antza danez, ez bakarrik bere familixia: Eibarko
populaziñuan genealogixia, orokorrian, interesatzen jako. Esandako
moduan, artxibo lan asko egitten dau --pertsona bihargin normal batek
egin ezin leikiana, hain zuzen be- eta hori benetan interesgarrixa da
gai honetan interesa dakagunondako. Dakizuenez, interneten gauza asko
topau leikez gaur egunian, baiña... dana ez. Endemas, erdi-erretako
errejistro liburuetatik dirazen datuak dirazenian.
Orduan, kontua hauxe da: jakitun bat dakagu, herrixan berba egitteko
prest. ¿Izango ete da publikorik gai horretarako? ¿Merezi ete dau gizon
hau Laudiotik etortzia, gero hitzaldi gelan lau katu baiño ez badira
egongo?
Nik, egixa esan, behiñ eta barriro probauta dakat genealogia asuntua oso
pertsona gitxiri interesatzen jakola, arbaso aberatsen baten herentzixia
partitzeko ez bada ;-)
Ze eresten detsazue?
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
