Egun on, Ipuruako merkatu plaza hutsik dago edo laster hustuko da, ez nago ziur. Orain arte Osakidetzako bulego/laborategi bat zegoen eta orain ospitale berrira eraman dute zerbitzu hori.
Hortik tiraka, Nerea Mendikute arkitektua eta Maialen Araolaza fisioterapeutaren artean pentsatu dute erabilera anitzeko elkargune bat sortzeko toki egokia dela, eta proiektuaren ideia definitzen lan eder bat egin dute, lehendik ezagunak diren ereduetan oinarrituz. Udalak beste ideia batzuk ditu bertarako (etxe gehiago egitea) baina hala ere proposamena kontutan hartuko omen dute, eta badirudi beste alderdietatik ere ondo ikusten dutela ideia. Bueno, hauteskundeak laster datoz eta oraingoz denak hitz onak, ikusiko dugu. Proiektua bera hemen ezagutu daiteke: https://es.scribd.com/document/396674458/Ipuruako-Merkatu-Plaza-Auzoko-Gunea-20190102-Txostena Ideia honi babesa eman, lagundu eta jarraipena egin ahal izateko onena beraien Facebook orriari "Datsegit" egitea: https://www.facebook.com/IpuruakoMerkatuPlaza Gari
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
