لــــست مجبـــــــــرأن يفهــم الأخـــرين مـن انـــــا...
سبحان من يرزق بتوع الملاييـن*** الرازق اللي ما يخيب الرجـا بـه
لي عم عنده معـرضٍ للصواليـن ***أموت واعرف بس من وين جابـه
وإذا سألته قـال بعـت الدكاكيـن***ما يدري إني ما هضمت الإجابـة
الشاهد إني رحت له قبـل يوميـن***في قصره العامـر ودقيـت بابـه
قال أرحب أرحب عدّد ورد البساتين***يا مرحبا باللـي لفـا يـا هلا بـه
قلت البقا عـدّ النفـل والرياحيـن ***يا شيخ شمل أهل الكرم والذرابـه
قال اسلم الله يحفظك لي من العين***وآمر أوامر حضرتـك مستجابـة
قلت الصراحة طالبٍ قرب غاليـن*** ودي تزوجنـي كريمتـك يـابـه
ثنّى وقال أهليـن والله وسهليـن***والكون ترخص لجل عينك رقابـه
لكن ترا عندي شـروط وقوانيـن***قلت اشرط اشرط يا حبيب الغلابـة
قال أولاً مهر العروسـة ثمانيـن***غير الرسوم وغير حق العصابـة
والثانية عمك يبي منـك سبعيـن***رسم الأبـوّة والنسـب والقرابـة
وأم العروسة حقها منـك ستيـن***عشانها ست الحسـن والمهابـة
وإخوانها كلن يبي منـك خمسيـن***عداً ونقـداً تنـدرج فـي حسابـه
وخواتها الخمس عطهن من ثلاثين***عشان تتوثـق عـروق النسابـة
وتجيب طقم عيار واحد وعشرين***وخاتم من الماس المصفى ترابـه
وأكياس متروسة كعوب وفساتيـن***ألوانهـا وأشكالهـا مـا تشابـه
وموتر بسواقـه وفيـلا بدوريـن***أثاثهـا مـن بطرتـه ينحكـى بـه
واحجز لنا قاعة بقصر السلاطيـن***واحجز بهـا رقاصتيـن وربابـه
هذي الشروط اللي على بالي الحين***وذكرني اللي ما حسبنـا حسابـه
قلت اذكر الله يا عـدو المساكيـن***واستغفـره لا يبتلـيـك بعـذابـه
الظاهر إنك منت عارف أنا ميـن ***أنا لو أرقى فـوق متـن السحابـه
ما جبت حتى نص درزن مواعيـن***واضحك بكيفك واعتبرهـا دعابـة
شروطكم هذي شـروط المجانيـن***شروطكم شغـل ابتـزاز ونهابـه
شروطكم تقصم ظهـور البعاريـن***شروطكـم همّـن وغـم وكآبـه
شروطكم والله سيوف وسكاكيـن***تذبح بنات المجتمع مـع شبابـه
وين الرضا والعطف واليسر والليـن***اللي ذكرهـا الله بمحكـم كتابـه
وين الصفات اللي أمرنا بها الديـن **وين اختفى نهج النبي والصحابـة
يا عم جعل اللي خلقنا من الطيـن**يرد عقلك مـن خطـاه لصوابـه
ويجعل نصيبي عند غيرك قل آمين**ويحسن عزا الصابر ويجزل ثوابه
قال أنت لو فكرت تفكير صاحيـن***ما شفت في مجمل شروطي غرابه
حنا بعصـر العولمـة والمزاييـن *** ماهوب عصر الفلسفة والخطابـة
الناس تسعى للرتـب والنياشيـن***وأنت اهتمامك بالشعـر والكتابـة
والشعر ما ينفعك لو هو دواويـن***ما دام جيبك مثـل بيـت الخرابـة
يا بوك لا تسمع كلام المصاخيـن***واسأل مجرب عاش في وسط غابه
قلت الله أكبر يا محـرر فلسطيـن ***من يسمعك يحسبك ذيـب الذيابـه
تراك شايب رأس مالـك رياليـن ***والبنت ما تسوى جنـاح الذبابـة
قال انقلع مالت على وجهك الشين****لا عاد أشوفـك عندنـا يالزلابـه
قلت ابشر أبشر لكن الباب من وين**وأقفيت من عنده على صوت بابـه
لــــست مجبـــــــــرأن يفهــم الأخـــرين مـن انـــــا...
فمن يمتلك مؤهلات العقــل ؛والقلب ؛ والـــــروح ...
ســــأكون أمــامه كالكتـــاب المفتــوح
•✿•ليًسِتِ مٍشُكَلتِيً إنٍ لمٍ يًفٍهُمٍ آلبُعُضَ {..مٍآ أعُنٍيًهُ •✿•
• ✿•وٍليًسِ بُآلضَرٍوٍرٍهُ مٍآ أرٍسِلهُ..} يًعُكِسِ حِيًآتِيً آلشُخٍصِيًهُ •✿
HMOoOD.ALKHARJE
--
مع تحياااااتي :
HMOoOD.ALKHARJE
تعرف علي المزيد من خدمات تعرف علي المزيد
شارك صورك بكل سهولة مع Windows Live™ Photos. سحب وإسقاط
واحدة في كل مرة أم الكل في وقت واحد؟ احصل على تحديثات من أصدقائك في مكان واحد.
_________________________________________________________________
What can you do with the new Windows Live? Find out
http://www.microsoft.com/windows/windowslive/default.aspx
--~--~---------~--~----~------------~-------~--~----~
* لتقوم بارسال رسائل لهذه المجموعة ، قم بارسال بريد الكترونى الى العنوان
التالي:
[email protected]
* للإشتراك في المجموعة ابعث برسالة الكترونية الى:
http://groups.google.com/group/faisalsaud
* الغاء الأشتراك في المجموعة ابعث برسالة الكترونية الى:
[email protected]
* لخيارات أكثر وتصفح الأرشيف وتحميل الملفت, الرجاء زيارة المجموعة على العنوان
التالي:
http://groups.google.com/group/faisalsaud?hl=en
* للتواصل مع إدارة المجموعة أتصل بـ ღஜ√∂ faisalsaud ∂√ஜღ
{[email protected]}
* أفضل عضو في شهر ابريل [عيـــــــــــون المها]
* العضو المثالي في شهر ابريل [email protected]
-~----------~----~----~----~------~----~------~--~---
