Demokracia higjienike në Maqedoni http://www.alb-drejtesia.com/al/news.php?readmore=584
*Shkruan: Hamdi NUHIJU* Ndoshta nga titulli do të binim në kundërshtim me gjithë teoriticientët të cilët gjejnë kahe dhe drejtime të cilat janë në favor të mendimit dhe idesë së tyre. Por, në parim ekziston një tendencë e rikthimit të këtyre teorive drejtë një përmase më të thellë ideologjike në Maqedoni. Jo qëllimisht u përmend higjiena dhe divergjencat të cilat ekzistojnë rreth emërtimit të koncepteve dhe principeve të ndryshme në këtë vend. Po vështruam rruzullin tokësor këto ditët e fundit do të shihnim dështimin dhe mosreagimin e demokracisë liberale në Gaza, ndërsa menjanimin e shpejt në Gjeorgji. Pasiqë në rrafshin global demokracia po e luan rrolin e nënës për dikë dhe të njerkës për dikë tjetër, këtu në Maqedoni nuk bën përjashtim ky deshifrim. Në këto procese të rëndësishme të cilat po ndodhin në gadishullin Ballkanik, Maqedonia kap një pjesë të madhe të vëmendjes publicistike. Propozimi i presidentit Bamir Topi për zonën mini-shengen ishte një freski dhe befasi e këndshme e cila nëse do të realizohej në praktik do të përfitonin të gjithë shqiptarët e gadishullit Ballkanik në njërën anë, por edhe në anën tjetër përfitime të majme matriale, strategjike dhe politike do të kishin edhe maqedonët. Por të nxituar dhe të strehuar nën termin e demokracisë higjienike disa parti shqiptare në Maqedoni reaguan me gjuhën e rrugaçërisë politike në vend. Ata e shihnin me dyshim ose edhe shumë të parealizueshme idenë e presidentit Topi pasiqë mesiguri se në këtë mënyrë kanë marrur edhe direktivat prej faktorit të brendshëm maqedonas. Unë jam i bindur se maqedonasit nuk do të pranonin një ide të këtillë, pasiqë i frikësohen këtij zhvillimi dhe lëvizje të lirë të shqiptarëve, por me habiti reagimi i atyre partive shqiptare të cilat deklarojnë në faza të caktuara diçka tjetër prej asaj që në fakt janë. Beteja e diplomacisë së Maqedonisë me diplomacinë e Greqisë në këtë demokraci higjienike arriti deri në gjygjin ndërkombëtar të Hagës. Dy palët duke kundërshtuar njëra-tjetrën dhe duke mos pranuar asnjë tolerim në lidhje me kontestin shtetëror rreth emrit të Maqedonisë, betejat kanë vendosur që ti zhvillojnë para gjygjit ndëkombëtar. Por, ç`është më tragjikja e gjitha këtyre veprimeve politike në vend, se diplomacia e Maqedonisë në vend që ti orientojë forcat drejtë zgjidhjes së kontestit të saj me Greqinë, ajo bënë kalkulime dhe sondazhe të ndryshme rreth zgjedhjeve të ardhshme lokale dhe presidenciale. U krijuan aleanca të reja në bllokun maqedonas, ndërsa në bllokun shqiptar politik shohim vetëm konsolidimin e partisë së Imer Selmanit , Demokracia e Re. Nëse Maqedonia do të synonte dhe synon kyçjen në Unionin Evropian ajo nuk duhet që të veprojë drejtë arritjes së mbështetjes së kandidatëve maqedonas për president shteti nga ana e partive shqiptare. Në këtë rast, mendoj se partitë shqiptare duhet që të dalin të gjitha me një kandidat të vetëm dhe të përshtatshëm për këtë post të rëndësishëm shtetëror. Maqedonasit përmes politikave të tyre shoviniste e kanë sjellur pozitën e shqiptarëve në atë nivel që të duket shumë larg president shteti shqiptar në Maqedoni. Nëse do të ekzistonte demokraci e vërtet pluraliste në këtë vend dhe jo e tillë higjienike, maqedonasit do të përkrahnin një kandidat shqiptar për president shteti, ndërsa kryeministri i këtij vendi do të ishte maqedonas. Edhe pse deri në mars ka edhe disa muaj, ne prap se prap mund të mendojmë rreth opcioneve të ndryshme strategjike për arritjen e këtij posti të rëndësishëm për të gjithë shqiptarët e Ballkanit e jo vetëm të Maqedonisë. Por, përçarja e partive politike shqiptare në Maqedoni e ka bërë të veten! Ata nuk janë në ujdi që në një protest të përbashkët të dalin kundër dhunës serbe që ushtrohej ndaj ish-ushtarëve të UCPMB, e të mos flasim që për çështje të këtilla strategjike të jenë unik. Përderisa janë në një pozit të këtillë, atëherë shumë lehtë maqedonasit do të arrijnë deri tek qëllimet dhe vizionet e tyre ortodokse në vend. Dikush mund të thotë se ata kanë të drejt të veprojnë në këtë formë sepse janë shumicë në këtë vend dhe se shumica duhet që të zgjedh udhëheqësin e vet mbi baza të shumicës. Nëse Maqedonia deklarohet se është shtet laik dhe se ka pranuar demokracinë liberale, atëherë shumicë në këtë vend mbi baza ideologjike dalin shqiptarët sëbashku me turqit, sepse ekstremizmi ortodoks gjithmonë ka qenë prezent në mesin e maqedonasve. Por, nga kjo ne kuptojmë se në këtë vend ende nuk janë të aplikuara parimet e sakta të demokracisë liberale. Maqedonia dhe Kosova para do ditësh nënshkruajtën një marrëveshje për bashkëpunim ekonomik midis dy vendeve. Ky është një hap i mirë për politikën e Maqedonisë drejtë integrimit të saj fillimisht në Ballkan e mëpastaj edhe në Unionin Evropian. Kriza e gazit e krijuar ndërmjet Ukrainës dhe Rusisë e cila ka kapluar tërë kontinentin e Evropës në mesin e të cilës edhe shtetin e Maqedonisë. Në Kumanovë sistemi i gazifikimit është ndaluar dhe disa firma të cilat lëndë djegëse kanë gazin kanë ndalur me prodhimtarinë. Ata presin zgjidhjen e kontestit midis Rusisë dhe Ukrainës. Demokracia higjienike në Maqedoni po hyn në vitin e saj të 18. Të shpresojmë se shumë shpejtë Maqedonia do të kalojë prej demokracisë higjienike e drejtë demokracisë liberale. --~--~---------~--~----~------------~-------~--~----~ Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [email protected] Për më shumë mundësi, vizito këtë grup në http://groups.google.com/group/fjalaebukur -~----------~----~----~----~------~----~------~--~---
