*Politika e mençur* *Hamdi Nuhiju*
* * “Velidi e kishte pyetur babain e tij Abdulmelikun:” O baba, çka është politika”?Ai i ishte përgjigjur:” Autoritet i fortë i kurorëzuar me dashuri ndaj sinqeritetit, udhëheqja e zemrave të njerëzve drejt asaj që është e drejtë dhe të durohet sa më mirë mundësia e gabimeve eventuale të krijesave”.( Rrëfime të këndshme nga thesari i myslimanëve, f.210) Në fakt, këtu gjejmë shumë tipare të një politike të suksesshme dhe mjaft të mençur. Do mundohemi që të zgjidhim këtë thënie duke sqaruar secilin segment të tij. Politika sipas Abdulmelik Mervanit është: *Autoritet i fortë*- Nëse ndalemi vetëm në këtë pjesë të kësaj thënie do na lindin shumë pyetje. Njerëzit mund të pyesnin me të drejt, atëherë paska edhe autoritet të dobët? Po! Ka edhe autoritet të dobët edhe autoritet të fortë. Disa mund të mendojnë ndryshe! Do të thonin:ka autoritet dhe jo autoritet. Mund që t`ia qëllojnë vetëm deri diku. Pasi që është nxënësi në shkollë fillore, edhe fëmiu para babait të tij ka autoritet të dobët, por nuk është pa autoritet. Asnjë krijesë në rruzullin tokësor, Zoti nuk e ka lënë pa autoritet. Burri ka autoritet ndaj gruas, ndërsa gruaja ndaj fëmijëve të saj, e ndaj burrit ka autoritet punëdhënësi, e kështu me radhë. E vërteta e autoritetit të fort fshehët te politika pasi që tregon saktë se si udhëhiqet në një shtet, si veprohet me të dhe me vartësitë e tij që munden me qenë 2 milion, ose edhe 400 milion njerëz. *Dashuri ndaj sinqeritetit- *Nëse ky autoritet nuk është i kurorëzuar me dashuri ndaj sinqeritetit, atëherë edhe nuk mund ti themi autoritet i fortë. Do ti themi autoritet i dobët( si ai i fëmiut, pasi që fëmiu bënë veprime pa i logjikuar). Fatkeqësisht asnjë udhëheqës partie në Republikën e Maqedonisë nuk e ka të kurorëzuar autoritetin e tij me dashuri ndaj sinqeritetit. Mund të gjejmë slogane të ndryshme parazgjedhore, prej partive të ndryshme në Maqedoni që janë thelbi i sulmeve të sinqeritetit. Ata parti kërkojnë votat e qytetarëve të Maqedonisë duke i thirrur zemrës, por përmes lajkave dhe jo realitetit e sinqeritetit. *Udhëheqje e zemrave- *Politika na qenka edhe udhëheqje e zemrave! Normal ky lloj definimi në Maqedoni nuk vlen, por dikur vlente në Ballkan, dhe tash vlen vetëm në disa vende të botës së civilizuar. Me udhëheqje të zemrave arrijmë deri në shumë nënkuptime. Udhëheqësi, ose politik bërësi duhet të bëj çmos që të arrijë deri tek zemrat e vartësve të tij. Ai duhet të jetë i sinqertë me to, ti do, të vuaj bashkë me to, të mos dallohet prej tyre. Kur kuptojmë se kemi të bëjmë me njerëz të kalibrit të këtillë, atëherë pa asnjë pikë dyshimi udhëheqësi ynë mund të bëj politik të brendshme dhe të jashtme pa presione diplomatike. Zaten lidhja e liderit me popullin në nivelin e dashurisë së nënës ndaj fëmijës, e bjer shtetin e caktuar prej pozitës inferiore në botë, në pozitën sunduese. *Udhëheqje drejtë më të drejtës-* Sot të gjitha forcat botërore kanë dalë në rrafshin ideologjik dhe janë renditur në atë segment, ndërsa vetëm politikanët tanë fatkeqësisht ende thërrasin në dogmat e nacionalizmit. Krijojnë armiq me vetë dëshirë, e mashtrojnë popullin me nacionalizëm dhe në këtë mënyrë ruajnë pozitën e vet në fronin e politikës. Udhëheqësi duhet që ta udhëheq popullatën drejt të vërtetës dhe të drejtës, e jo ta ushqej dhe rris me nacionalizma. Edhe populli ynë duhet që të renditet në të njëjtin krah ideologjik me popujt tjerë të civilizuar, e jo të izolohet, të mbyllet dhe të frikësohet prej hijes së vet, njëjtë si u frikësua në kohën e diktatorit E.H. në Shqipëri. *Durimi i gabimeve-* Një udhëheqës vizionar, duhet të jetë i tillë i cili gjithmonë duron gabimet e krijesave që i bëjnë ndaj tij, por nuk i duron gabimet që bëhen ndaj vendit dhe vatanit të tij. Sot fatkeqësisht në vendin tonë ndodhë e kundërta. Nëse unë jam i shkathët në mospagimin e tatimeve ndaj shtetit të Maqedonisë, disa parti politike shqiptare që do të ishin në pushtet do të gëzoheshin në shkathtësinë time. Ndërsa nëse gjejmë gabimet e udhëheqësve tanë dhe e themi fjalën e drejtë me qëllim të përmirësimit, gjithmonë ne do të ndjekemi prej vet partive shqiptare të cilat e shfrytëzojnë tërë forcën e pushtetit për të dëmtuar. Secila parti shqiptare që vjen në pushtet duhet ta kuptojë se publicistët do ti ketë krah të popullit dhe opozitë të veprimeve të tyre kundër popullit. Ata e kuptojnë një gjë të këtillë, por nuk e tolerojnë dot. * * --~--~---------~--~----~------------~-------~--~----~ Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [email protected] Për më shumë mundësi, vizito këtë grup në http://groups.google.com/group/fjalaebukur -~----------~----~----~----~------~----~------~--~---
