Dobi të agjërimit 
Shpërblimi i agjërimit është i pallogaritshëm

-Shpërblimi i agjërimit është i pallogaritshëm, siç përmendet në hadithin e 
mëposhtëm:
“Për çdo punë të mirë, birit të Ademit i është dhënë një shpërblim i 
shumëfishtë, çdo e mirë shpërblehet dhjetëfish deri në shtatëqindfish. Allahu, 
më i Larti, thotë: “Agjërimi është për Mua dhe Unë e shpërblej për të, ai i 
largohet kënaqësive dhe ngrënies për Mua. Për agjëruesin ka dy gëzime, një kur 
ha iftarin dhe tjetri kur të takojë Zotin e tij. Era e gojës së agjëruesit, tek 
Allahu, është më e mirë se era e miskut.” [Transmeton Buhariu]

Gjithashtu, Sehl bin Sa’d tregon se Pejgamberi alejhi selam ka thënë: “Vërtet 
në Xhenet është një portë që quhet Rejjan. Ditën e Gjykimit, ata që agjëruan, 
do të hyjnë nëpër të, përveç tyre nuk hyn asnjë, dhe kur të hyjë i fundit 
(agjërues), ajo do të mbyllet.” [Hadith sahih, transmeton Ibn Huzejme]

Agjërimi është mburojë nga Zjarri:

“Agjërimi është një mburojë që të mbron nga Zjarri.” [Hadith sahih, transmeton 
Ahmedi]
-Ditën e Gjykimit, Agjërimi do të thotë: “O Zoti im! Unë e largova atë prej 
ushqimit dhe dëshirave, prandaj pranoje lutjen time për të.” [Hadith hasen, 
transmeton Ahmedi, Hakimi etj.]

-Agjërimi është një mënyrë për faljen e gjynaheve të një personi.

Pejgamberi sal-lall-llahu alejhi ve sel-lem ka thënë: “Ai që agjëron Ramazanin, 
me imanë dhe shpresë për shpërblim (nga Allahu), atëherë i falen gjynahet që ka 
bërë.” [Transmeton Buhariu dhe Muslimi] 


-Lutja e agjëruesit pranohet: 

“Në muajin e Ramazanit, çdo ditë e natë, ka nga ata të cilët Allahu i liron 
prej Zjarrit, dhe ka për çdo musliman një lutje, të cilën ai mund ta bëjë dhe 
do t’i pranohet.” [Hadith sahih, transmeton Bezari dhe Ahmedi]

-Agjërimi i shlyen disa gjynahe, siç janë përmendur në Kur’an, në suret dhe 
ajetet: Bekare: 196, Nisaë: 92, Maide 89, Maide: 95 dhe Muxhadele: 3-4.

-Agjërimi është mburojë nga epshet, ashtu siç u tha Pejgamberi sal-lall-llahu 
alejhi ve sel-lem të rinjve: “O të rinj, ai që ka mundësi të martohet, le ta 
bëjë atë, ... dhe kush nuk mundet, atëherë të agjërojë, sepse ai është mburojë 
për të.” [Transmeton Buhariu dhe Muslimi] 



Kur ta kemi kuptuar madhështinë e agjërimit, duhet të vëmë në përdorim të 
gjitha forcat tona, që ta kryejmë sa më mirë që është e mundur. Dhe përderisa 
agjërimi është adhurim, duhet të bëhet vetëm për hir të Allahut. Asnjë qëllim 
tjetër nuk pranohet, përveç kërkimit të kënaqësisë së Allahut, dhe kjo me 
sinqeritet. Pa qëllimin e duhur asnjë vepër nuk vlen për Ahiretin. Ne 
muslimanët duhet t’i verifikojmë vazhdimisht qëllimet tona dhe të mendojmë 
përse e kryejmë agjërimin.

Marrë nga revista "Muaji i Ramazanit", 
_________________________________________________________________
Share your memories online with anyone you want.
http://www.microsoft.com/middleeast/windows/windowslive/products/photos-share.aspx?tab=1
--~--~---------~--~----~------------~-------~--~----~
Ju merrni këtë mesazh sepse jeni të anëtarësuar në grupin "Fjala e Bukur" në 
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në 
[email protected]
Për më shumë mundësi, vizito këtë grup në 
http://groups.google.com/group/fjalaebukur
-~----------~----~----~----~------~----~------~--~---

Antwoord per e-mail aan